Apple iPhone 15 Sale : ఆపిల్ ఐఫోన్ 15 సేల్ డేట్ ఎప్పుడో తెలిసిందోచ్.. లాంచ్ ఈవెంట్కు ముందే ఫీచర్లు లీక్..!
Apple iPhone 15 Sale : ఆపిల్ ఐఫోన్ 15 సిరీస్ సెప్టెంబర్ 13 లేదా 12న లాంచ్ అవుతుందని సమాచారం. ఐఫోన్ 15 సిరీస్ సేల్ డేట్, డిజైన్, స్పెషిఫికేషన్లు కూడా సెప్టెంబర్ ఆపిల్ లాంచ్ ఈవెంట్కు ముందే ఆన్లైన్లో లీక్ అయ్యాయి.
Apple iPhone 15 Sale : ప్రముఖ ఐటీ దిగ్గజం ఆపిల్ (Apple) రాబోయే ఐఫోన్ 15 సిరీస్ (iPhone 15 Series) లాంచ్ ఈవెంట్ కోసం రెడీ అవుతోంది. సాధారణంగా ప్రతి ఏడాది సెప్టెంబర్లో లాంచ్ ఈవెంట్ జరుగుతుంది. లీక్ల ప్రకారం.. ఈ ఏడాది కూడా అలానే జరుగనుంది. కొత్త 2023 ఐఫోన్లు, ఇతర కొత్త ఆపిల్ ప్రొడక్టులను ఎప్పుడు లాంచ్ చేస్తారనే దానిపై టాప్ ఇండస్ట్రీ వర్గాలు అంచనా వేస్తున్నాయి. ఐఫోన్ 15 సిరీస్ సేల్ డేట్, డిజైన్, స్పెషిఫికేషన్లను కూడా సెప్టెంబర్ 13 ఆపిల్ లాంచ్ ఈవెంట్కు ముందు ఆన్లైన్లో లీక్ అయ్యాయి. పూర్తి వివరాలను ఓసారి పరిశీలిద్దాం.
ఐఫోన్ 15 సిరీస్.. లీక్ సేల్ డేట్, లాంచ్ టైమ్లైన్ :
ఐఫోన్ 15 సిరీస్ సెప్టెంబర్ 13న లాంచ్ అవుతుంది. అయితే, బ్లూమ్బెర్గ్ లేటెస్ట్ రిపోర్టు ప్రకారం.. లాంచ్ తేదీ సెప్టెంబర్ 13 లేదా 12 కావచ్చునని పేర్కొంది. సెప్టెంబర్ 22న సేల్ జరుగుతుందని పేర్కొంది. కానీ, ఆపిల్ ఇంకా ఈ తేదీలను రివీల్ చేయలేదు. రాబోయే రోజుల్లో లేదా వారాల్లో పూర్తివివరాలను బహిర్గతం చేసే అవకాశం ఉంది. అప్పటివరకు లీక్ అయిన వివరాలను చెక్ చేయవచ్చు.
ఐఫోన్ 15 సిరీస్ లీకైన డిజైన్ వివరాలు :
ఆపిల్ 2023లో ఎంతో ఆసక్తిగా ఎదురుచూస్తున్న iPhone 15 లైనప్ను రిలీజ్ చేయడానికి రెడీ అవుతోంది. అధికారిక లాంచ్కు ముందే కొత్త ఫీచర్లు లీక్ అయ్యాయి. ఐఫోన్ 15 అన్ని వేరియంట్లకు పంచ్-హోల్ డిస్ప్లే ఉండే అవకాశం ఉంది. డైనమిక్ ఐలాండ్ ఫీచర్ కూడా ఉండనుంది. వినియోగదారులు సన్నని బెజెల్స్, పెద్ద డిస్ప్లేతో సొగసైన డిజైన్ను ఆశించవచ్చు.
ప్రో, ప్రో మాక్స్ వెర్షన్లు కొత్త LIPO టెక్ని కలిగి ఉంటాయి. డిస్ప్లే చుట్టూ ఉన్న బార్డర్ సైజు కేవలం 1.5 మిల్లీమీటర్లకు తగ్గించి, స్క్రీన్ రియల్ ఎస్టేట్ను మరింత మెరుగుపరుస్తుంది. ఈ మార్పుతో పాటు, సంవత్సరాల తరబడి ఐఫోన్లలో ప్రధానమైన ఫిజికల్ మ్యూట్ స్విచ్పై వినూత్నమైన ‘యాక్షన్ బటన్’ అందించనుంది. ఈ ప్రోగ్రామబుల్ బటన్ సైలెంట్ మోడ్, ఫ్లాష్లైట్, ఫోకస్ మోడ్, ట్రాన్స్లేట్ యాప్, ఐఫోన్ కెమెరా యాప్లోని మాగ్నిఫైయర్ వంటి ఫంక్షన్లకు క్విక్ యాక్సెస్ను అందిస్తుంది.
మరొక ముఖ్యమైన మార్పు ఏంటంటే.. iPhone 15, iPhone 15 Plus మోడల్స్ USB-C ఛార్జింగ్ను పొందడం, 2012 నుంచి ఉపయోగించిన లైటనింగ్ ఛార్జర్ను రిప్లేస్ చేయనుంది. వేగవంతమైన డేటా ట్రాన్స్ఫర్, యూనివర్శల్ ఛార్జింగ్ ప్రమాణాన్ని అనుమతిస్తుంది. అయితే, కొంతమంది వినియోగదారులు కొత్త కేబుల్లతో అదనపు ఖర్చులను ఎదుర్కోవాల్సి రావచ్చు.
ఐఫోన్ 15 సిరీస్ లీకైన స్పెషిఫికేషన్లు :
ఆపిల్ డిస్ప్లే సైజుల్లో మార్పులు చేసే అవకాశం లేదు. 2022 మోడల్ల మాదిరిగానే ఉంటుంది. డిజైన్ భాగంలో మాత్రమే కంపెనీ కాస్మెటిక్ మార్పులు చేస్తుందని అంచనా. ఐఫోన్ 15, ప్రో మోడల్ 6.1-అంగుళాల OLED డిస్ప్లేతో రావచ్చు. ప్లస్, ప్రో మాక్స్ వేరియంట్లు 6.7-అంగుళాల OLED స్క్రీన్లతో ఉండవచ్చు. ఇంకా, iPhone 15 Pro మోడల్లు ఆపిల్ కొత్త A17 బయోనిక్ చిప్ను కలిగి ఉంటాయి. వేగవంతమైన 3-నానోమీటర్ ప్రక్రియపై ఆధారపడి ఉంటుంది. మెరుగైన పనితీరు, శక్తి సామర్థ్యాన్ని అందిస్తుందని భావిస్తున్నారు.
ప్రో మోడల్లు తేలికైన, మరింత ప్రీమియంతో టైటానియం అంచులను కలిగి ఉంటాయని భావిస్తున్నారు. హుడ్ కింద, ఐఫోన్ 15, ఐఫోన్ 15 ప్లస్ ముఖ్యమైన కెమెరా ఫీచర్లతో వస్తాయి. ఇందులో ఐఫోన్ 14 ప్రో సిరీస్కు సమానమైన 48MP వెనుక కెమెరా కూడా ఉంది. ఇందులో ప్రో మాక్స్ వెర్షన్ పెద్ద కెమెరా మాడ్యూల్ హౌసింగ్ పెరిస్కోప్ లెన్స్లను కలిగి ఉంటుంది. ఇతర అధునాతన సెన్సార్లతో పాటు ఆకట్టుకునే 5-6x ఆప్టికల్ జూమ్ సామర్థ్యాలను అనుమతిస్తుంది.
ఐఫోన్ 15 మోడల్స్ హుడ్ కింద పెద్ద బ్యాటరీలను కలిగి ఉన్నాయి. ఐఫోన్ 15 మోడల్ 3,877mAh బ్యాటరీని అందిస్తుంది. ఐఫోన్ 14లో ఉన్న 3,279mAh యూనిట్ను అధిగమించింది. అదేవిధంగా, ఐఫోన్ 15 ప్లస్ పెద్ద 4,912mAh బ్యాటరీని కలిగి ఉంటుంది. iPhone 14 ప్లస్ 4,325mAh సామర్థ్యంతో రానుంది. ఐఫోన్ 15 ప్రో మోడల్ 3,650mAh బ్యాటరీని కలిగి ఉంటుంది. ఐఫోన్ 14 ప్రో 3,200mAh బ్యాటరీ నుంచి అప్గ్రేడ్ అయింది. చివరగా, ఐఫోన్ 15 Pro Max ఫోన్ 4,852mAh బ్యాటరీని ఉపయోగించనుంది. గత వేరియంట్లో 4,323mAh వేరియంట్ నుంచి అప్గ్రేడ్ కానుంది.