Bridegroom: అత్తింటివారు ఇచ్చిన కారుతో అత్తను ఢీకొట్టి చంపిన అల్లుడు
అత్తింటి వారు పెళ్లికి కానుకగా ఇచ్చిన కారుతో అత్తనే ఢీకొట్టి చంపాడో అల్లుడు. ఈ ఘటన ఉత్తర ప్రదేశ్, ఇతావా జిల్లాలోని అక్బర్ పూర్ గ్రామంలో మంగళవారం రాత్రి జరిగింది.
- Published By: 10TV Digital Team ,Published On : November 3, 2022 / 03:09 PM IST
Bridegroom: అత్తింటివారు పెళ్లి కానుకగా ఇచ్చిన కారుతో అత్తనే ఢీకొట్టి, ఆమె మరణానికి కారకుడయ్యాడో అల్లుడు. ఈ ఘటన ఉత్తర ప్రదేశ్, ఇతావా జిల్లాలోని అక్బర్ పూర్ గ్రామంలో మంగళవారం రాత్రి జరిగింది. గ్రామానికి చెందిన అరుణ్ కుమార్ (24) పీఏసీ జవాన్‌గా పని చేస్తున్నాడు. అతడికి ఔరైయా గ్రామానికి చెందిన ఒక యువతితో పెళ్లి నిశ్చయమైంది.
ఈ క్రమంలో అత్తారింటి వాళ్లు పెళ్లికి ముందు అతడికి ఒక కారును కానుకగా ఇచ్చారు. దీంతో కొత్త కారు తీసుకున్న అరుణ్ కుమార్ కారు నడిపేందుకు ప్రయత్నించాడు. ఈ క్రమంలో అత్తతోపాటు, ఆమె తరఫు బంధువలపైకి కారు దూసుకెళ్లింది. వేగంగా కారు దూసుకురావడంతో అత్త అక్కడికక్కడే మరణించింది. మిగతా కుటుంబ సభ్యులకు గాయాలయ్యాయి. ఈ ఘటనపై పోలీసులు కేసు నమోదు చేశారు. నిందితుడు అరుణ్ కుమార్‌ను అదుపులోకి తీసుకున్నారు. అత్త మృతదేహాన్ని పోస్టుమార్టమ్ కోసం తరలించారు. కాగా, అరుణ్ కుమార్‌కు డ్రైవింగ్ రాదని తెలిసింది. కారు టెస్ట్ డ్రైవ్ చేస్తుండగా ఈ ఘటన జరిగింది.
