Monsoon Diseases : డెంగ్యూ నుండి చికున్‌గున్యా వరకు వర్షకాలంలో వచ్చే 5 సాధారణ వ్యాధులు, నివారణ చిట్కాలు !

మలేరియా అనేది వివిధ రకాల దోమల ద్వారా వ్యాపించే మరొక సాధారణ వర్షకాల వ్యాధి. ఇది జ్వరం, చలి, తలనొప్పి , కండరాల నొప్పులు వంటి లక్షణాలు కనిపిస్తాయి. మలేరియాను నివారించడానికి, రాత్రిపూట దోమతెరను ఉపయోగించాలి. ఆరుబయట ఉండే సమయంలో పొడవాటి చేతులు ఉన్న దుస్తులు ధరించండి.

Monsoon Diseases : వర్షాకాలం తప్పించుకోలేని కొన్ని సీజనల్ అనారోగ్యాలను వెంట తీసుకువస్తుంది. వాతావరణంలో మార్పు తేమ పెరుగుదలకు దారితీస్తుంది. ఇది దోమలు వృద్ధి చెందడానికి దారితీస్తుంది. దోమల కారణంగా డెంగ్యూ , చికున్‌గున్యా వంటి వ్యాధులు వ్యాప్తి చేయబడతాయి. వర్షకాలంలో వచ్చే 5 సాధారణ రుతుపవన వ్యాధులు, సీజన్ అంతా ఆరోగ్యంగా ఉండటానికి సహాయపడే నివారణ చిట్కాల గురించి తెలుసుకునే ప్రయత్నం చేద్దాం..

READ ALSO : Dengue : డెంగ్యూతో బాధపడేవారు ఈ ఆహారాల జోలికి వెళ్లొద్దు!

1. డెంగ్యూ ;

డెంగ్యూ అనేది దోమల ద్వారా వ్యాపించే అత్యంత సాధారణ వర్షాకాలం వ్యాధి. ఇది తీవ్రమైన వైరల్ ఇన్ఫెక్షన్, తేలికపాటిగా ప్రారంభమై తరువాత తీవ్రమౌతుంది. జ్వరం, తలనొప్పి, శరీర నొప్పులు, దద్దుర్లు ,కీళ్ల నొప్పులు లక్షణాలు ఉంటాయి. కొన్ని సందర్భాల్లో, వ్యాధి తీవ్రమవుతుంది. మరణానికి కూడా దారితీయవచ్చు. దోమల బెడదను నివారించడం డెంగ్యూ నివారణకు ఉత్తమ మార్గం. శరీరం మొత్తం కప్పిఉంచే దుస్తులు ధరించంటం, ఆరుబయట ఉన్నప్పుడు దోమల నివారణను ఉపయోగించటం మంచిది. మీ ఇంటి చుట్టుపక్కల ప్రాంతాలలో నీటి నిల్వ ప్రదేశాలు లేకుండా చూసుకోవాలి. ఎందుకంటే ఈ ప్రదేశాలు దోమలకు సంతానోత్పత్తి అవకాశంగా ఉంటాయి.

READ ALSO :  Soaked Peanuts : రోజుకు గుప్పెడు నానబెట్టిన వేరుశెనగలు తింటే క్యాన్సర్, గుండె సంబంధిత వ్యాధులు దరిచేరవా?

2. చికున్‌గున్యా ;

చికున్‌గున్యా అనేది డెంగ్యూని వ్యాప్తి చేసే అదే జాతి దోమల ద్వారా వ్యాపించే మరొక వర్షకాలపు వ్యాధి. ఇది జ్వరం, తలనొప్పి, కీళ్ల నొప్పులు , దద్దుర్లు వంటి లక్షణాలతో ఉంటుంది. డెంగ్యూ కోసం అనుసరించే నివారణ చిట్కాలను అనుసరించటం ద్వారా వ్యాధిని నివారించవచ్చు. దోమ కాటును నివారించడం , ఇంటి చుట్టూ ఉన్న నీటిని తొలగించడం. ఇంట్లోకి దోమలు రాకుండా కిటికీలు ,తలుపులు మూసి ఉంచటం మంచిది.

READ ALSO : Ichthyosis Disease : చలికాలంలో వేధించే ఇక్తియోసిస్ వ్యాధి..

3. మలేరియా ;

మలేరియా అనేది వివిధ రకాల దోమల ద్వారా వ్యాపించే మరొక సాధారణ వర్షకాల వ్యాధి. ఇది జ్వరం, చలి, తలనొప్పి , కండరాల నొప్పులు వంటి లక్షణాలు కనిపిస్తాయి. మలేరియాను నివారించడానికి, రాత్రిపూట దోమతెరను ఉపయోగించాలి. ఆరుబయట ఉండే సమయంలో పొడవాటి చేతులు ఉన్న దుస్తులు ధరించండి. పగటిపూట కీటక వికర్షకాన్ని ఉపయోగించండి. ఇంటికి సమీపంలో ఉన్న ప్రదేశాలలో నిలబడి ఉన్న నీటి నిల్వ ప్రదేశాలను తొలగించండి.

READ ALSO : Viruses In Chickens : కోళ్ళలో వైరస్ ల ప్రభావంతో వచ్చే వ్యాధులు! తీసుకోవాల్సిన జాగ్రత్తలు

4. జపనీస్ ఎన్సెఫాలిటిస్ ;

జపనీస్ ఎన్సెఫాలిటిస్ అనేది వర్షాకాలంలో భారతదేశంలోని గ్రామీణ ప్రాంతాల్లో కనిపించే దోమల ద్వారా వ్యాపించే వైరస్. దీని వల్ల మెదడుకు ఇన్ఫెక్షన్ కలుగుతుంది. లక్షణాలు తేలికపాటి జ్వరం నుండి మెదడు యొక్క తీవ్రమైన వాపుకు దారితీసి చివరకు మరణానికి చేరువయ్యే ప్రమాదం ఉంటుంది.. జపనీస్ ఎన్సెఫాలిటిస్‌ను నివారించడానికి, పొడవాటి చేతులు కప్పిఉంచే దుస్తులను ఆరుబయట ఉన్నప్పుడు ధరించేలా చూసుకోండి. పగటిపూట క్రిమి వికర్షకం వాడండి. రాత్రిపూట దోమతెర కింద పడుకోండి. ఇంటి దగ్గర నీరు నిలిచిపోకుండా చూసుకోవాలి.

READ ALSO : Tulsi Water Benefits : వైరల్ ఫీవర్, సీజనల్ వ్యాధులు దరిచేరకుండా కాపాడే తులసి నీరు ! ఉదయాన్నే పరగడుపున తాగితే?

5. లెప్టోస్పిరోసిస్ ;

లెప్టోస్పిరోసిస్ అనేది ఎలుకలు, ఆవులు వంటి సోకిన జంతువుల నుండి మూత్రంతో కలుషితమైన నీరు , మట్టితో సంపర్కం వల్ల ఏర్పడే బ్యాక్టీరియా ద్వార సంక్రమిస్తుంది. జ్వరం, తలనొప్పి, కండరాల నొప్పులు, వాంతులు వంటి లక్షణాలు కనిపిస్తాయి. లెప్టోస్పిరోసిస్‌ను నివారించడానికి, వర్షాకాలంలో కలుషితమైన నీరు, మట్టిలో ఆటలు ఆడటం వంటివాటికి దూరంగా ఉండండి. బురదవంటి ప్రదేశాలలో పనిచేసేటప్పుడు బూట్లు , చేతి తొడుగులు వంటి రక్షణ చర్యలు తీసుకోండి. జంతువులు , వాటి మూత్రం వంటి వాటిని తొలగిస్తే చేతులు కడుక్కోవాలి.