Rainfall: దేశంలో 50 శాతం అదనపు వర్షపాతం నమోదు
ఈ ఏడాది జూన్ 1 నుంచి ఇలా అదనపు వర్షపాతం నమోదు కావడం ఇదే మొదటిసారి. జూన్ చివరి వారంలో 45 శాతం అదనపు వర్షపాతం నమోదు కాగా, జూలై 6 వరకు 28 శాతం అదనపు వర్షపాతం నమోదైంది
- Published By: 10TV Digital Team ,Published On : July 16, 2022 / 03:32 PM IST
Rainfall
Rainfall: దాదాపు వారం రోజులుగా దేశంలోని అనేక రాష్ట్రాల్లో భారీ వర్షాలు కురిసిన సంగతి తెలిసిందే. ఈ అధిక వర్షాల ప్రభావంతో చాలా ప్రాంతాలు నీట మునిగాయి. ముఖ్యంగా ఈ నెల 7-13 వరకు అత్యధిక వర్షపాతం నమోదైంది. దేశంలో దాదాపు 50 శాతం అదనపు వర్షపాతం నమోదైందని భారత వాతావరణ శాఖ తెలిపింది.
Inflation: ద్రవ్యోల్బణం.. తెలంగాణలోనే ఎక్కువ
ఈ ఏడాది జూన్ 1 నుంచి ఇలా అదనపు వర్షపాతం నమోదు కావడం ఇదే మొదటిసారి. జూన్ చివరి వారంలో 45 శాతం అదనపు వర్షపాతం నమోదు కాగా, జూలై 6 వరకు 28 శాతం అదనపు వర్షపాతం నమోదైంది. దేశంలో 93.5 మిల్లీమీటర్ల వర్షం కురిసింది. కనీసం 42 జిల్లాల్లో 300 శాతం అధిక వర్షపాతం కురిసింది. వారపు సగటుతో పోలిస్తే ఈ నెల 7-13 వరకు 1,200 శాతం వర్షం కురిసింది. ఈ వారానికి సంబంధించి తెలంగాణ, మహారాష్ట్రల్లో అధిక వర్షపాతం నమోదైంది.
Monkeypox: మంకీపాక్స్ నివారణకు మార్గదర్శకాలు విడుదల చేసిన కేంద్రం
ఈ రాష్ట్రాల్లోనే ఎక్కువ ప్రాంతాలు వరదల్లో చిక్కుకున్నాయి. ఉత్తర ప్రదేశ్‌లో తక్కువ వర్షపాతం అంటే 77.3 శాతం మాత్రమే వర్షం కురిసింది. ఈశాన్య రాష్ట్రాల్లో 66 శాతం తక్కువ వర్షపాతం కురిసింది.
