Yogi Adityanath: సీఎంపై కామెంట్లు చేసిన ఎమ్మెల్యే పెట్రోల్ బంక్ కూల్చివేత

యూపీ సీఎం ఆదిత్యనాథ్‌పై కామెంట్లు చేసిన సమాజ్‌వాదీ పార్టీ ఎమ్మెల్యేకు చెందిన పెట్రోల్ బంక్ ను కూల్చేశారు అధికారులు. బరేలీ-దిల్లీ జాతీయ రహదారిపై పర్సాఖేడా వద్ద బంక్​ను అక్రమంగా..

Cm Yogi (1)

Yogi Adityanath: యూపీ సీఎం ఆదిత్యనాథ్‌పై కామెంట్లు చేసిన సమాజ్‌వాదీ పార్టీ ఎమ్మెల్యేకు చెందిన పెట్రోల్ బంక్ ను కూల్చేశారు అధికారులు. బరేలీ-దిల్లీ జాతీయ రహదారిపై పర్సాఖేడా వద్ద బంక్​ను అక్రమంగా నిర్మించారనే నెపంతో కూల్చేసిన అధికారులు.. గతంలోనే నోటీసులు పంపామని ఎటువంటి రెస్పాన్స్ రాలేదని వాదన వినిపిస్తున్నారు.

కొద్ది రోజుల నుంచి.. ఉత్తర్​ప్రదేశ్​లో అత్యాచారం, ఇతర కేసుల్లో నిందితుల ఆస్తులపై బుల్​డోజర్​ ప్రతాపం చూపించగా.. ఈసారి ఆ జాబితాలో శాసనసభ్యుడైన .. సమాజ్​వాదీ పార్టీ ఎమ్మెల్యే షాజిల్ ఇస్లామ్ అన్సారీ చేరిపోయారు. ఆయనకు చెందిన పెట్రోల్​ బంక్​ను అధికారులు గురువారం కూల్చేశారు.

వారం క్రితం.. సీఎం యోగి ఆదిత్యనాథ్​ను ఉద్దేశించి ఇస్లామ్ అన్సారీ అనుచిత వ్యాఖ్యలు చేశారంటూ బరేలీ బరాదరి ఠాణాలో కేసు నమోదైంది. శుక్రవారం సొంత నియోజకవర్గమైన భోజిపురాలో సభలో ప్రసంగించి.. “ఇటీవల ఎన్నికల తర్వాత యూపీ శాసనసభలో సమాజ్ వాదీ పార్టీ బలం పెరిగింది. ఇకపై ఆదిత్యనాథ్ ఏదైనా చప్పుడు చేస్తే ఎస్పీ తుపాకుల నుంచి పొగ రాదు. తూటాలు దూసుకొస్తాయి” అని అన్నారు అన్సారీ.

Read Also: పిల్లల జోడీ అంటూ అఖిలేశ్ యాదవ్‌ను పోల్చిన యోగి ఆదిత్యనాథ్

ఈ కామెంట్లపై హిందూ యువ వాహిని సభ్యుడు ఎమ్మెల్యే సహా మరికొందరు ఎస్పీ నేతలపై ఫిర్యాదు చేశారు. బెదిరించడం, శాంతిభద్రతలు విఘాతం కలిగించడం, అల్లర్లు సృష్టించేలా రెచ్చగొట్టే వ్యాఖ్యలు చేయడం వంటి నేరాలకు సంబంధించిన సెక్షన్ల కింద కేసు పెట్టారు.