Best Gaming Phones in India : భారత్లో రూ.30వేల లోపు బెస్ట్ గేమింగ్ ఫోన్లు ఇవే.. ఏ గేమింగ్ ఫోన్ ఎలా ఎంచుకోవాలంటే? ఫుల్ గైడ్ మీకోసం..!
Best Gaming Phones in India : భారత్లో గేమింగ్ ఇండస్ట్రీకి ఫుల్ డిమాండ్ పెరిగింది. అలాగే, గేమింగ్ స్మార్ట్ఫోన్లకు కూడా ఫుల్ క్రేజ్ పెరుగుతోంది. స్మార్ట్ఫోన్ కొనుగోలుదారులు కూడా ఎక్కువగా గేమింగ్ ఫోన్లపైనే ఆసక్తి చూపిస్తున్నారు.
Best Gaming Phones in India : భారత్లో గేమింగ్ ఇండస్ట్రీకి ఫుల్ డిమాండ్ పెరిగింది. అలాగే, గేమింగ్ స్మార్ట్ఫోన్లకు కూడా ఫుల్ క్రేజ్ పెరుగుతోంది. స్మార్ట్ఫోన్ కొనుగోలుదారులు కూడా ఎక్కువగా గేమింగ్ ఫోన్లపైనే ఆసక్తి చూపిస్తున్నారు. ప్రస్తుత మార్కెట్లో సాధారణ ఫోన్ల నుంచి గేమింగ్ ఫోన్ మధ్య ప్రాథమిక వ్యత్యాసం ఏమిటి? గేమింగ్ ఫోన్ను కొనుగోలు చేసేటప్పుడు కొన్ని స్పెసిఫికేషన్లను గుర్తుంచుకోవడం చాలా ముఖ్యం. అత్యంత పాపులర్ బ్రాండ్ల నుంచి టాప్ రేంజ్ లేదా మిడ్ రేంజ్ స్మార్ట్ఫోన్ గేమింగ్ డివైజ్ మాదిరిగా బాగా పనిచేస్తాయి. అయినప్పటికీ, ఎక్కువగా గేమింగ్ ఫోన్లకు గేమింగ్ ఎక్స్పీరియన్స్ పెంచడానికి రూపొందించిన హై స్పెషిఫికేషన్లు అవసరం కూడా. పెద్ద బ్యాటరీలు, పవర్ఫుల్ ప్రాసెసర్లు, హై-రిజల్యూషన్ డిస్ప్లేలు వంటి అవసరమైన హార్డ్వేర్తో కూడిన స్మార్ట్ఫోన్లు మొబైల్ గేమింగ్ ఎక్స్పీరియన్స్ అందిస్తాయి. కాల్ ఆఫ్ డ్యూటీ, ఫ్రీ ఫైర్ వంటి గేమ్లు లాగ్-ఫ్రీ పర్ఫార్మెన్స్ కోసం పవర్ఫుల్ CPU, GPUపై ఆధారపడటం గమనార్హం.
iQoo Neo 7 5G :
ఐక్యూ Neo 7 5G ఫోన్ 128GB ROMతో 8GB RAM ధ రూ. 29,999తో వస్తుంది. 256GB ROMతో 12GB RAM ధర రూ. 33,999గా ఉంది. iQoo Neo 7 5G ఫోన్ ఆండ్రాయిడ్ 13 ఆధారిత Funtouch OS 13పై పనిచేసే డ్యూయల్ సిమ్ (Nano) డివైజ్. ఇది 6.78-అంగుళాల FHD+ AMOLED డిస్ప్లేను కలిగి ఉంది. 120Hz రిఫ్రెష్ రేట్తో పాటు 1300 నిట్స్ పీక్ బ్రైట్నెస్ను పొందుతుంది. ఈ స్మార్ట్ఫోన్ ఆక్టా-కోర్ 4nm MediaTek డైమెన్సిటీ 8200 5G చిప్సెట్తో పాటు MaliG610, 12Gb వరకు LPDDR ర్యామ్తో పనిచేస్తుంది. 20GB వరకు RAM సపోర్టును అందిస్తుంది. iQoo మోడల్ ఫోన్ 120W ఫ్లాష్ ఛార్జింగ్కు సపోర్టుతో iQoo Neo 7 5Gలో 5,000mAh బ్యాటరీని అందిస్తుంది. ఈ హ్యాండ్సెట్ కేవలం 10 నిమిషాల్లో 50 శాతం బ్యాటరీని ఛార్జ్ చేయగలదని కంపెనీ పేర్కొంది.
Poco X5 Pro :
పోకో X5 Pro రెండు మోడళ్లలో అందుబాటులో ఉంది. బేస్ వేరియంట్ 6GB RAM, 128GB ఇంటర్నల్ స్టోరేజీని కలిగి ఉంది. దీని ధర రూ. 22,999గా ఉంది. మరో మోడల్ 8GB RAM, 256GB స్టోరేజ్తో వస్తుంది. దీని ధర రూ. 24,999గా ఉంది. ఈ స్మార్ట్ఫోన్ Adreno 642L GPUతో Qualcomm Snapdragon 778G ప్రాసెసర్తో వస్తుంది. Poco X5 Pro 6.67-అంగుళాల Xfinity AMOLED డిస్ప్లేను 900 నిట్స్ పీక్ బ్రైట్నెస్తో కలిగి ఉంది. స్క్రీన్ రిఫ్రెష్ రేట్ 120Hz. HDR10+ సపోర్ట్ని అందిస్తుంది. పైన కార్నింగ్ గొరిల్లా గ్లాస్ 5 లేయర్ని కలిగి ఉంది. ఈ హ్యాండ్సెట్ గరిష్టంగా 8GB LPDDR4x RAM, 256GB వరకు UFS 2.2 స్టోరేజీని అందిస్తుంది. Poco X5 Pro 5,000mAh బ్యాటరీతో సపోర్టు ఇస్తుంది. 67 వాట్ల ఫాస్ట్ ఛార్జింగ్ సపోర్ట్తో వస్తుంది. ఈ డివైజ్ 5 వాట్ల రివర్స్ ఛార్జింగ్ను కూడా కలిగి ఉంది.
Realme 10 Pro+ 5G :
ఈ స్మార్ట్ఫోన్ 6GB RAMతో పాటు 128GB ROM వేరియంట్ ధర రూ. 24,999తో అందుబాటులో ఉంది. 8GB RAM, 128GB ROM ధర రూ. 25,999గా ఉంది. Realme 10 Pro+ 5G 120 Hz, 2,160 Hz డిమ్మింగ్ రిఫ్రెష్ రేట్తో 6.7-అంగుళాల కర్వ్డ్ AMOLED డిస్ప్లేను కలిగి ఉంది. డ్యూయల్-సిమ్ (నానో) ఆధారిత డివైజ్.. ఆండ్రాయిడ్ 13 ఆధారంగా రియల్మే UI 4.0పై రన్ అవుతుంది. ఈ స్మార్ట్ఫోన్ ఆక్టా-కోర్ 6nm MediaTek Dimenisty 1080 5G SoC, MaliG68 GPU, 8GB వరకు LPDDR4X RAMతో పనిచేస్తుంది. స్మార్ట్ఫోన్ 67W SuperVOOC ఫాస్ట్ ఛార్జింగ్తో 5,000mAh బ్యాటరీని కలిగి ఉంది. 47 నిమిషాల్లో 100 శాతం బ్యాటరీని ఛార్జ్ చేస్తుందని కంపెనీ పేర్కొంది.
Vivo V25 5G :
ఈ హ్యాండ్సెట్ ప్రారంభ ధర రూ. 27,999గా ఉంది. బేస్ మోడల్ 8GB RAM, 128GB ఇంటర్నల్ స్టోరేజ్ కెపాసిటీని కలిగి ఉంది. మరో 12GB RAM వేరియంట్ ధర రూ. 31,999గా ఉంది. 256GB స్టోరేజీని అందిస్తుంది. Vivo V25 5G 1080×2404 పిక్సెల్ రిజల్యూషన్, 90Hz రిఫ్రెష్ రేట్తో 6.44-అంగుళాల Full HD+ AMOLED డిస్ప్లేను కలిగి ఉంది. ఈ డివైజ్ MediaTek డైమెన్సిటీ 900 SoC ద్వారా ఆధారితమైనది. 256GB వరకు RAMని కలిగి ఉంది. ఈ హ్యాండ్సెట్ ఆండ్రాయిడ్ 12 ఆపరేటింగ్ సిస్టమ్ ఆధారంగా Vivo Funtouch OS 12పై రన్ అవుతుంది. Vivo V25 5G ఫోన్ 12GB RAM వరకు అందిస్తుంది. ఈ స్మార్ట్ఫోన్ 8GB వరకు ర్యామ్ని ఉపయోగించేందుకు ఎక్స్టెండెడ్ ర్యామ్ 3.0 ఫీచర్తో వస్తుంది. ఈ డివైజ్ 4,500mAh బ్యాటరీతో సపోర్టు ఇస్తుంది. 44వాట్ల ఫాస్ట్ ఛార్జింగ్ సపోర్ట్ను అందిస్తుంది.
Redmi Note 12 Pro+ 5G :
రెడ్మి Note 12 Pro+ 5G (8GB RAM 256GB స్టోరేజ్) వేరియంట్ ధర రూ. 29,999గా ఉంది. 12GB RAMతో 256GB స్టోరేజ్ వేరియంట్ ధర రూ. 32,999గా ఉంది. ఈ స్మార్ట్ఫోన్ 1080×2400 పిక్సెల్ల రిజల్యూషన్తో 6.67-అంగుళాల FHD+ AMOLED డిస్ప్లేతో పాటు 240Hz టచ్ శాంప్లింగ్ రేట్తో 120Hz రిఫ్రెష్ రేట్ను కలిగి ఉంది. OLED ప్యానెల్ 5000000:1 కాంట్రాస్ట్ రేషియో, 16,000-స్థాయి డిమ్మింగ్ను అందిస్తుంది.
అదనంగా, ప్యానెల్ 10-బిట్ కలర్ డెప్త్, 900 నిట్ల గరిష్ట ప్రకాశాన్ని కూడా కలిగి ఉంది. MediaTek డైమెన్సిటీ 1080 SoC ద్వారా ఆధారితమైనది. 5G కనెక్టివిటీకి సపోర్టు ఇస్తుంది. ఈ SoC 12GB LPDDR4X RAM, 256GB వరకు UFS 2.2 ఇంటర్నల్ స్టోరేజీతో వస్తుంది. ఈ రెండు డివైజ్లు ఆండ్రాయిడ్ 12లో MIUI 13 అవుట్ ది బాక్స్తో రన్ అవుతాయి. Redmi Note 12 Pro+ 5G 120W ఛార్జర్తో సపోర్ట్ చేసే 4989mAh బ్యాటరీని అందిస్తుంది.