Spirulina : ఈ ఆకుల పొడి తింటే పోషకాహారంతో పనిలేదు!

స్పిరులినా యాంటీఆక్సిడెంట్ల యొక్క అద్భుతమైన మూలం, ఇది ఆక్సీకరణ నష్టం నుండి రక్షిస్తుంది. దీని ప్రధాన క్రియాశీలక భాగాన్ని ఫైకోసైనిన్ అంటారు. ఈ యాంటీఆక్సిడెంట్ పదార్ధం స్పిరులినాకు దాని ప్రత్యేకమైన నీలం-ఆకుపచ్చ రంగును ఇస్తుంది.

Spirulina : ఈ ఆకుల పొడి తింటే పోషకాహారంతో పనిలేదు!
ad

Spirulina : స్పిరులినా అనేది నాచు జాతికి చెందిన నీటి మొక్క. ఒకప్పుడు ఆదిమ మానవులు ఆహారంలో భాగంగా తీసుకునే వారని చరిత్ర చెబుతుంది. ఆహార వనరుగా ఉపయోగపడే ఈ నాచుమొక్కలో అనేక పోషకాలు ఉన్నాయి. నేటికి అనేక దేశాల ప్రజలు తమ ఆహారంలో దీనిని భాగంగా తీసుకుంటున్నారు. ప్రపంచంలోనే అంత్యంత ప్రజాదరణ పొందిన సప్లిమెంట్లలో ఒకటిగా స్పిరులినాను చెప్పవచ్చు. ఎందుకంటే తల్లిపాల తరువాత అత్యంత అధిక పోషకాలు కలిగినదిగా పోషకాహార నిపుణులు ఇప్పటికే ప్రకటించారు.

స్పిరులినా అనేది తాజా ఉప్పు నీటిలో పెరుగుతుంది. ఇది ఒక రకమైన సైనోబాక్టీరియా. దీనిని నీలం-ఆకుపచ్చ ఆల్గే అని పిలుస్తారు. మొక్కల మాదిరిగానే, సైనోబాక్టీరియా కిరణజన్య సంయోగక్రియ అనే ప్రక్రియ ద్వారా సూర్యకాంతి నుండి శక్తిని ఉత్పత్తి చేస్తుంది. స్పిరులినాను రోజువారీ మోతాదు 1-3 గ్రాములు, అయితే రోజుకు 10 గ్రాముల మోతాదు కూడా తీసుకోవచ్చు. ఈ మొక్క‌ ఆకులను పొడి చేసి, నిత్యం కొద్ది మోతాదులో తీసుకుంటే ఆరోగ్యానికి ఎంతో మేలు కలుగుతుంది. శరీరం, మెదడుకు ప్రయోజనం కలిగించే వివిధ పోషకాలు,యాంటీఆక్సిడెంట్లతో స్పిరులినా నిండి ఉంటుంది. దీనిని తీసుకుంటే పోష‌కాహారం తీసుకోవాల్సిన ప‌నిలేదు.

స్పిరులినా యాంటీఆక్సిడెంట్ల యొక్క అద్భుతమైన మూలం, ఇది ఆక్సీకరణ నష్టం నుండి రక్షిస్తుంది. దీని ప్రధాన క్రియాశీలక భాగాన్ని ఫైకోసైనిన్ అంటారు. ఈ యాంటీఆక్సిడెంట్ పదార్ధం స్పిరులినాకు దాని ప్రత్యేకమైన నీలం-ఆకుపచ్చ రంగును ఇస్తుంది. ఫైకోసైనిన్ ఫ్రీ రాడికల్స్‌తో పోరాడుతుంది. ఇన్ఫ్లమేటరీ సిగ్నలింగ్ అణువుల ఉత్పత్తిని నిరోధిస్తుంది. స్పిరులినా పొడిలో కాల్షియం సాధారణ పాల‌లో కన్నా 26 రెట్లు అధికంగా ఉంటుంది. దీంతో ఎముక‌లు పటిష్టంగా ఉంటాయి. ప్రపంచంలో మరణాలకు ప్రధాన కారణం గుండె జబ్బు. అయితే స్పిరులినా ఈ కారకాలలో చాలా వరకు సానుకూలంగా ప్రభావం చూపుతుంది. శరీరంలోని చెడు కొలెస్ట్రాల్ మరియు ట్రైగ్లిజరైడ్‌లను తగ్గిస్తుంది, అదే క్రమంలో మంచి కొలెస్ట్రాల్‌ను పెంచుతుంది.

స్పిరులినాలో క్యాన్సర్ నిరోధక లక్షణాలు ఉన్నాయని కొన్ని ఆధారాలు సూచిస్తున్నాయి. జంతువులపై జరిపిన పరిశోధనల్లో క్యాన్సర్ కణితి పరిమాణాన్ని తగ్గించగలవని సూచిస్తున్నాయి. నోటి క్యాన్సర్‌ను తగ్గించటంలో సైతం ఇది ఉపయోగపడినట్లు పరిశోధనల్లో తేలింది. న‌రాల బ‌ల‌హీన‌త పోగొడుతుంది. కాలేయాన్ని శుభ్రం ప‌రుస్తుంది. మ‌ధుమేహులుకు మేలు చేస్తుంది. ర‌క్తంలోని చ‌క్కెర స్థాయిలు నియంత్రిస్తుంది. శ‌రీరంలోని హార్మోన్ల ప‌నితీరు సక్రమంగా ఉండేలా చేస్తుంది.