Palakkad (Kerala): పదేళ్లుగా ప్రియుడి గదిలో ప్రేయసి.. ఎవరికీ తెలియదు!

పదేళ్ల క్రితం తన ఇంటి నుండి తప్పిపోయిన ఒక అమ్మాయి తన ప్రియుడితో కలిసి పదేళ్లుగా ఇంట్లోనే ఉంటుంది. సంవత్సరాలుగా ఆ యువతి తన ప్రియుడి ఇంట్లో ఒక గదిలోనే నివసిస్తోంది. అయితే.. ఈ విషయం ఇద్దరి కుటుంబ సభ్యులకు తెలియదట.

Palakkad (Kerala): పదేళ్ల క్రితం తన ఇంటి నుండి తప్పిపోయిన ఒక అమ్మాయి తన ప్రియుడితో కలిసి పదేళ్లుగా ఇంట్లోనే ఉంటుంది. సంవత్సరాలుగా ఆ యువతి తన ప్రియుడి ఇంట్లో ఒక గదిలోనే నివసిస్తోంది. అయితే.. ఈ విషయం ఇద్దరి కుటుంబ సభ్యులకు తెలియదట. అమ్మాయి ఇల్లు కూడా ప్రేమికుడి ఇంటికి సమీపంలోనే ఉన్నా ఎప్పుడూ ఆ యువకుడిపై అనుమానం రాలేదు. అమ్మాయి పదేళ్లుగా ఇంట్లోనే ఉన్నా ఆ యువకుడి కుటుంబ సభ్యులకు కూడా తెలియకుండా జాగ్రత్త పడ్డారు.

2010 ఫిబ్రవరిలో నెమారా పోలీస్ స్టేషన్ పరిధిలోని ఆయుర్ నుండి 18 సంవత్సరాల యువతి కనిపించడం లేదని ఫిర్యాదు చేశారు. కేసు నమోదు చేసిన తర్వాత పోలీసులు దర్యాప్తు ప్రారంభించారు. కానీ ఎక్కడా ఆచూకీ లేదు. అయితే.. ఈ మధ్యనే ఈ విషయంపై అనుమానాలు రావడంతో మార్చి నెలలో ఇద్దరూ కలిసి అక్కడ నుండి పారిపోయారు. దీంతో ఆ యువకుడి మీదనే అనుమానంతో దర్యాప్తు చేసిన పోలీసులు మొత్తానికి ఇద్దరినీ తీసుకొచ్చి కోర్టులో హాజరుపరిచారు.

అయితే, ప్రస్తుతం ఇద్దరూ వయసులో పెద్దవారే కావడంతో పాటు కలిసి బ్రతుకుతామని కోర్టుకు చెప్పడంతో కోర్టే ఇద్దరినీ కలిపింది. ఇందుకు ఇరు కుటుంబాలు కూడా అభ్యంతరం చెప్పకపోవడం విశేషం. కాగా, పోలీసుల దర్యాప్తులో యువతి పదేళ్లుగా ప్రేమికుడి ఇంట్లోనే ఉన్న విషయం బయటపడింది. పగలంతా తాళం వేసిన గదిలో ఉంటున్న యువతి ఆ గదిలో బాత్రూమ్ లేకపోవడంతో రాత్రి వేళ కిటికీ నుండి బయటకొచ్చి కాలకృత్యాలు తీర్చుకొని స్నానం చేసి మళ్ళీ అదే గదిలోకి వెళ్ళేదట. ఆమెకి ఆహరంతో పాటు కావాల్సినవి ఆ యువకుడే అందించేవాడట. ఈ జంట చెప్పిన ఈ పదేళ్ల కథ విన్న పోలీసులే అవాక్కయ్యారట!