Kamal Haasan : ప్రాజెక్ట్ K లో విలన్ రోల్ ఒప్పుకోవడానికి కారణం అదే.. కామిక్ కాన్ ఈవెంట్‌లో కమల్..
ప్రభాస్ కల్కిలో కమల్ హాసన్ విలన్ రోల్ చేయడానికి గల కారణాన్ని కామిక్ కాన్ ఈవెంట్‌లో తెలియజేశాడు.
- Published By: 10TV Digital Team ,Published On : July 21, 2023 / 07:07 PM IST
Kamal Haasan reveals why he choose villain role in Project K
Kamal Haasan : ప్రభాస్ (Prabhas) హీరోగా, కమల్ హాసన్ విలన్ గా తెరకెక్కుతున్న సైన్స్ ఫిక్షన్ మూవీ ప్రాజెక్ట్ K. ఈ మూవీకి అందరూ అనుకున్నట్లే కల్కి (Kalki 2898 AD) అని టైటిల్ నే ఖరారు చేశారు. ఈ టైటిల్ తో పాటు ఫస్ట్ గ్లింప్స్ ని అమెరికా కాలిఫోర్నియాలోని San Diegoలో నిర్వహించే ప్రతిష్టాత్మక ఈవెంట్ కామిక్ కాన్ లో గ్రాండ్ గా రిలీజ్ చేశారు. అనంతరం మూవీ టీం అంతా అక్కడి ఆడియన్స్ అండ్ మీడియాతో ఇంటరాక్ట్ అయ్యింది. ఈ క్రమంలో కమల్ ఈ సినిమాకి ఎందుకు ఒకే చెప్పడానికి రీజన్ చెప్పాడు.
Kamal – Amitabh : హాలీవుడ్ స్టేజి పై కమల్ హాసన్‌కి అమితాబ్ కౌంటర్.. వీడియో వైరల్!
“ఒక హీరో పుట్టాలి అంటే విలన్ తప్పకుండా ఉండాలి. సినిమాలో హీరో రోల్ ఎంత ముఖ్యమో విలన్ రోల్ కూడా అంతే ముఖ్యం అని నేను నమ్ముతాను” అందుకే ఈ సినిమాని కమల్ ఒకే చేసినట్లు చెప్పుకొచ్చాడు. ఇక రిలీజ్ చేసిన గ్లింప్స్ లో కమల్ హాసన్ ఎక్కడ కనిపించలేదు. ఈ విషయం గురించి రానా.. మూవీ డైరెక్టర్ నాగ్ అశ్విన్ ని ప్రశ్నించగా, అతడు బదులిస్తూ.. ‘గ్లింప్స్ మొత్తం ఆయన ఉన్నాడు కానీ అది మీకు తెలియదు’ అంటూ చెప్పుకొచ్చాడు. ప్రస్తుతం ఇందుకు సంబంధించిన వీడియోలు నెట్టింట వైరల్ అవుతున్నాయి.
Kamal Haasan : అమితాబ్ బచ్చన్ నటించిన ఆ సినిమా, నిర్మాతలపై నాకెంతో ద్వేషం కలిగింది..
కాగా ఈ సినిమాలో అమితాబ్ బచ్చన్, దీపికా పదుకొనే, దిశా పఠాని.. వంటి టాప్ బాలీవుడ్ స్టార్స్ ప్రధాన పాత్రలు పోషిస్తున్నారు. ఇక ఈ మూవీ స్టోరీ విషయానికి వస్తే.. కలియుగాంతం చివర్లో ఈ సినిమా కథ మొదలు కాబోతుంది. 2898 AD లో ప్రపంచాన్ని విలన్ తన గుప్పిట్లోకి తీసుకున్నప్పుడు విష్ణుమూర్తి 10వ అవతారం కల్కి ఉద్భవించి ప్రపంచాన్ని ఎలా కాపాడాడు అనేది సినిమా కథ అని గ్లింప్స్ చూస్తుంటే తెలుస్తుంది.
