NTR31: ప్రశాంత్ నీల్ స్కెచ్ మామూలుగా లేదుగా!

‘కేజీయఫ్’ చిత్ర సృష్టికర్త ప్రశాంత్ నీల్ కేజీయఫ్ చాప్టర్ 2 చిత్రంతో ఇండియన్ బాక్సాఫీస్ వద్ద ఎలాంటి సెన్సేషన్ క్రియేట్ చేశాడో అందరికీ తెలిసిందే.....

NTR31: ‘కేజీయఫ్’ చిత్ర సృష్టికర్త ప్రశాంత్ నీల్ కేజీయఫ్ చాప్టర్ 2 చిత్రంతో ఇండియన్ బాక్సాఫీస్ వద్ద ఎలాంటి సెన్సేషన్ క్రియేట్ చేశాడో అందరికీ తెలిసిందే. పాన్ ఇండియా మూవీగా ఈ సినిమాను తెరకెక్కించి, ఆయన యావత్ ఇండియన్ ఆడియెన్స్‌ను మెస్మరైజ్ చేశాడు. ఇక కేజీయఫ్-1, కేజీయఫ్-2 చిత్రాలతో ఆయనకు దేశవ్యాప్తంగా అదిరిపోయే గుర్తింపు లభించింది. ఈ డైరెక్టర్ ఇప్పుడు యంగ్ రెబల్ స్టార్ ప్రభాస్‌తో ‘సలార్’ అనే సినిమాను తెరకెక్కిస్తున్న సంగతి తెలిసిందే. ఇప్పటికే ఈ సినిమా షూటింగ్ శరవేగంగా జరుగుతోంది. ఈ సినిమా షూటింగ్ దశలో ఉండగానే ఆయన తన నెక్ట్స్ చిత్రాన్ని కూడా అనౌన్స్ చేశారు.

NTR31: బ్లాక్ ఫాంటసీతో హోరెత్తిస్తున్న ప్రశాంత్ నీల్!

యంగ్ టైగర్ ఎన్టీఆర్ 31వ చిత్రంగా ప్రశాంత్ నీల్ తన తాజా చిత్రాన్ని తారక్ పుట్టినరోజు కానుకగా అనౌన్స్ చేసి నందమూరి అభిమానుల్లో అదిరిపొయే అంచనాలు క్రియేట్ చేశాడు. అయితే తాజాగా ఈ సినిమాకు సంబంధించి సోషల్ మీడియాలో ఓ క్రేజీ న్యూస్ చక్కర్లు కొడుతోంది. ఈ సినిమాలో తారక్ లుక్ ఎంత మాస్‌గా ఉండబోతుందో ఇప్పటికే రివీల్ చేసిన ప్రశాంత్ నీల్, తారక్‌ను ఢీకొట్టే పాత్రలో తమిళ స్టార్ హీరో కమల్ హాసన్‌ను బరిలోకి తీసుకొస్తున్నట్లు తెలుస్తోంది. తాజాగా విక్రమ్ సినిమాలో కమల్ హాసన్ కూడా లుక్స్ పరంగా చాలా రఫ్‌గా కనిపించడంతో, ఆయన అయితే ఈ సినిమాలోని విలన్ పాత్రకు పర్ఫెక్ట్‌గా సరిపోతాడని ప్రశాంత్ నీల్ భావించాడట.

NTR31: బాబోయ్ ప్రశాంత్ నీల్.. తారక్ ఊరమాస్ లుక్ వచ్చేసింది!

ఇక ఏమాత్రం ఆలస్యం చేయకుండా ఆయన ఈ సినిమా కథను కమల్‌కు వినిపించగా, ఆయనకు ఈ కథ బాగా నచ్చినట్లుగా తెలుస్తోంది. ఒకవేళ ఆయన ఈ సినిమాలో విలన్ పాత్రలో నటించేందుకు ఒప్పుకుంటే గనక, రెండు పవర్‌హౌజ్‌‌లు ఢీకొంటే ఎలా ఉంటుందో, అలాంటి పర్ఫార్మెన్స్‌లు మనం చూడటం ఖాయం. ఇండియాలోని ఇద్దరు టాప్ యాక్టర్స్‌ను ఒకే సినిమాలో చూపించేందుకు ప్రశాంత్ నీల్ వేస్తున్న స్కెచ్ ఇప్పుడు సోషల్ మీడియాలో హాట్ టాపిక్‌గా మారింది. మరి ఈ ప్రయత్నం ఎంతవరకు సక్సెస్ అవుతుందో చూడాలి.