Mahesh Babu: త్రివిక్రమ్‌కు మహేష్ సలహా..?

టాలీవుడ్ సూపర్ స్టార్ మహేష్ బాబు నటించిన రీసెంట్ మూవీ ‘సర్కారు వారి పాట’ ఇటీవల రిలీజ్ అయ్యి బాక్సాఫీస్ వద్ద సూపర్ హిట్ మూవీగా నిలిచింది.....

Mahesh Babu: టాలీవుడ్ సూపర్ స్టార్ మహేష్ బాబు నటించిన రీసెంట్ మూవీ ‘సర్కారు వారి పాట’ ఇటీవల రిలీజ్ అయ్యి బాక్సాఫీస్ వద్ద సూపర్ హిట్ మూవీగా నిలిచింది. ఈ సినిమాను దర్శకుడు పరశురామ్ పెట్ల తెరకెక్కించగా, మహేష్ అల్ట్రా స్టైలిష్ లుక్‌తో అభిమానులకు అదిరిపోయే ట్రీట్ ఇచ్చాడు. ఇక ఈ సినిమా సక్సెస్‌ను ఎంజాయ్ చేస్తున్న మహేష్, తన నెక్ట్స్ మూవీ కోసం అప్పుడే రెడీ అవుతున్నాడు.

Mahesh Babu: యాక్షన్‌తోనే మహేష్ యాక్షన్ షురూ..?

ఇప్పటికే తన నెక్ట్స్ మూవీపై క్లారిటీ ఇచ్చిన మహేష్, మాటల మాంత్రికుడు త్రివిక్రమ్‌తో కలిసి మరోసారి మ్యాజిక్ చేసేందుకు సిద్ధమవుతున్నాడు. ఇప్పటికే వీరిద్దరి కాంబినేషన్‌లో వచ్చిన అతడు, ఖలేజా సినిమాలు ఇప్పటికీ టీవీల్లో వస్తే ప్రేక్షకులు టీవీలకు అతుక్కుపోతుంటారు. దీంతో ఈ కాంబినేషన్‌లో వచ్చే హ్యాట్రిక్ మూవీ కోసం ప్రేక్షకులు చాలా కాలంగా ఎదురుచూస్తూ వస్తున్నారు. అయితే ఈసారి వీరిద్దరి కాంబినేషన్‌లో వస్తున్న సినిమా ఎలా ఉండబోతుందా అని అందరూ ఆతృతగా ఎదురుచూస్తున్నారు.

Mahesh Babu: ఆ డైరెక్టర్‌తో హ్యాట్రిక్ కొడతానంటోన్న మహేష్..?

అయితే ఇప్పటికే మహేష్ కోసం ఓ పవర్‌ఫుల్ స్క్రిప్టును రెడీ చేయగా, మహేష్ ఈ సినిమా స్క్రిప్టులో కొన్ని మార్పులు చేయాల్సిందిగా కోరాడట. జర్మనీలో ఉన్న మహేష్‌కు కథ వినిపించేందుకు త్రివిక్రమ్ అక్కడి వెళ్లి మరీ కథను వినిపించాడట. అయితే మహేష్ చెప్పిన మార్పులు చేసేందుకు తిరిగి హైదరాబాద్‌కు వచ్చేశాడట. ఇక ప్రస్తుతం స్క్రిప్టులో మార్పులు చేస్తున్న త్రివిక్రమ్, త్వరలో హైదరాబాద్ రానున్న మహేష్‌కు మరోసారి ఫైనల్ స్క్రిప్టును వినిపించేందుకు రెడీ అవుతున్నాడట. జూలై మొదటి వారంలో మహేష్‌కు కథను వినిపించేందుకు త్రివిక్రమ్ ప్లాన్ చేస్తున్నాడు. ఇక ఆ తరువాత జూలై నెలాఖరున ఈ సినిమా షూటింగ్‌ను మొదలుపెట్టేందుకు చిత్ర యూనిట్ రెడీ అవుతున్నాడట. మరి ఈసారైనా మహేష్, త్రివిక్రమ్ చెప్పే కథకు ఓకే చెబుతాడా లేక మళ్లీ మార్పులు చేస్తాడా అనేది చూడాలి.