Janhvi Kapoor: అందాల నెరజాణ జాన్వీ.. తెలుగులో భాగ్యమెప్పుడో?

Janhvi Kapoor: అతిలోక సుందరి స్వర్గీయ శ్రీదేవీ కూతురు జాన్వీ కపూర్ చేసిన సినిమాల సంగతెలా ఉన్నా క్రేజ్ మాత్రం ఒక రేంజ్ లో ఉంటుంది. ఇప్పటికే ఈ చిన్నది బాలీవుడ్ లో నాలుగైదు సినిమాలలో నటించినా అనుకున్న స్థాయిలో అవి సక్సెస్ కాలేదు. ముఖ్యంగా ఎన్నో అంచనాల నడుమ వచ్చిన సైరాట్ రీమేక్ ధడక్ చిత్రం బోల్తా కొట్టగా.. ఆ తర్వాత వచ్చిన సినిమాల పరిస్థితి కూడా అంతే. అయితే, జాన్వీ కపూర్ అందాలు, నటనకు బాలీవుడ్ ఫిదా అయింది.

Radhe Shyam: ఇంగ్లీష్‌లో రాధేశ్యామ్ టీజర్.. గ్లోబల్ ప్రమోషన్ స్టార్ట్!

జాన్వీ కపూర్‌కు ఇంత వరకు కూడా ఒక్క కమర్షియల్ హిట్ రాలేదు కానీ.. సోషల్ మీడియాలో ఫాలోయింగ్ స్టార్ హీరోయిన్ రేంజిలో ఉంటుంది. ఇక్కడ జాన్వీ చేసే అందాల విందు మాత్రం ఓ రేంజ్‌లో ఉంటుంది. లంగావోణి, చీరకట్టు, మోడ్రన్స్ దుస్తులు, బికినీ ధరించినా డ్రెస్ ఏదైనా జాన్వీ అందరినీ ఆకట్టుకుంటుంది. అందుకే సక్సెస్ సినిమాలు లేకున్నా బాలీవుడ్ లో అమ్మడికి డిమాండ్ మాత్రం బాగానే ఉంది. ప్రస్తుతం జాన్వీ చేతిలో మూడు సినిమాలున్నాయి. ఇప్పటికే ఒక సినిమా కంప్లీట్ కాగా మరో రెండు షూటింగ్ లో ఉన్నాయి.

Bigg Boss 5: దారుణంగా పడిపోతున్న రేటింగ్.. వైల్డ్‌కార్డ్ ఎంట్రీ ఎప్పుడో?

అయితే, శ్రీదేవి వారసురాలిగా జాన్వీకి మన తెలుగు ప్రేక్షకులలో కూడా మాంచి ఫాలోయింగ్ ఉంది. జాన్వీ కూడా తెలుగు సినిమాపై ఫుల్ ఇంట్రస్ట్ ఉందని ఇండస్ట్రీ వర్గాల టాక్. అందుకే.. ఈ కపూర్ వారసురాలిని మన మేకర్స్ ఎప్పుడు తీసుకొస్తారా అని ఎదురుచూపులు ఎక్కువవుతున్నాయి. మహేష్, చరణ్, బన్నీ, ఎన్టీఆర్ ఇలా బడా హీరోల సినిమాలతోనే జాన్వీ తెలుగులో ఎంట్రీ ఉంటుందని ఎన్నో కథనాలు వచ్చినా అవేమీ నిజం కాలేదు.

Telugu Young Hero’s: ఒక్క బ్రేక్.. ఒక్క హిట్టు కావాలి ప్లీజ్!

కాగా, ఇప్పుడు అల్లు అర్జున్ సినిమాతోనే ఫైనల్ గా జాన్వీ తెలుగు తెరకి అరంగేట్రం అవుతుందని బలంగా వినిపిస్తుంది. బన్నీ ఐకాన్ సినిమాలో కథానాయక ఎవరన్నది ఇంకా ప్రకటించలేదు. సారా అలీఖాన్, ఖుషీ కపూర్, అనన్య పాండే ఇలా చాలా పేర్లు వినిపించినా చివరికి జాన్వీని ఫైనల్ చేసినట్లు చెప్పుకుంటున్నారు. దర్శకుడు వేణు శ్రీరామ్, నిర్మాత దిల్ రాజు ఇప్పటికే జాన్వీని ఒప్పించగా త్వరలోనే అధికారిక ప్రకటన కూడా ఉండనుందని చెప్తున్నారు. కుర్రాళ్ళ ఎదురుచూపులు ఫలించి ఇదైనా నిజమవుతుందో లేదో చూడాలి.