Chiranjeevi : మెగా సాయం.. అందుకే ఇండస్ట్రీ ‘బాస్’ అనేది..

Chiranjeevi: క‌రోనా క్రైసిస్‌లో సినీప‌రిశ్ర‌మ కార్మికులతో స‌హా ఆప‌ద‌లో ఉన్న ఎంద‌రినో మెగాస్టార్ చిరంజీవి ఆదుకున్నారు. ఇప్పుడు మ‌రోసారి మెగాస్టార్ ఆప‌త్కాల‌ సాయం ప‌రిశ్ర‌మ‌లో చ‌ర్చ‌నీయాంశ‌మైంది. ద‌ర్శ‌క‌ర‌త్న డా.దాస‌రి నారాయ‌ణ‌ రావు కో-డైరెక్ట‌ర్ (లంకేశ్వ‌రుడు చిత్రానికి కో-డైరెక్ట‌ర్) గా ప‌ని చేసిన ప్ర‌భాక‌ర్‌కి కష్టకాలంలో మెగాస్టార్ చిరంజీవి బృందం ఆర్థిక సాయం చేశారు. వారి పాప చ‌దువుకు అవ‌స‌ర‌మైన ఫీజు సాయం చేసి ఆదుకున్నారు.

ఈ సంద‌ర్భంగా ప్ర‌భాక‌ర్ మాట్లాడుతూ- ‘‘నేను దాస‌రి వ‌ద్ద కో-డైరెక్ట‌ర్‌గా ప‌ని చేశాను. చిరంజీవి న‌టించిన ‘లంకేశ్వ‌రుడు’కి కో-డైరెక్ట‌ర్‌గా చేశాను. ఇటీవ‌ల ‘హెల్ప్ లైన్’ అనే సినిమా తీశాను. ద‌ర్శ‌క‌ నిర్మాత‌గా చాలా న‌ష్ట‌పోయాను. ఆ సినిమాని ఎవ‌రూ రిలీజ్ చేయ‌కపోవడంతో ఆర్థికంగా దెబ్బ తగిలింది. మా అబ్బాయి సీబీఐటీలో ఇంజినీరింగ్ పూర్త‌ి చేసి రెండేళ్ల‌య్యింది. వాడి సర్టిఫికెట్లు డ‌బ్బు క‌ట్టి తేవాలి. పాప‌కు బీబీఏ ఫైన‌ల్ ఇయ‌ర్‌కి వ‌చ్చింది. 2.5 ల‌క్ష‌ల ఫీజు క‌డితేనే ఎగ్జామ్ రాయ‌గ‌ల‌దు. ఎంత ప్ర‌య‌త్నించినా డ‌బ్బు ముట్ట‌లేదు. దీంతో సాయం కోసం ఎవ‌రిని అర్థించాలి? అనుకున్నాను. నా ఉద్యోగం మాటేమో కానీ.. చెల్లి చ‌దువు ప‌రీక్ష ఫీజు క‌ట్టాలి.. అని నా కుమారుడు అన్నాడు.

Bharath Bhushan : ఫోటో జ‌ర్న‌లిస్ట్‌కి మెగాస్టార్ చిరంజీవి ఆర్థిక సాయం..

నా ఇద్ద‌రు పిల్ల‌ల భ‌విష్య‌త్‌ని కాపాడుకోలేను.. నా ఇల్లు స్మశాన‌ంలా తయారయ్యిందని బాధ‌ప‌డ్డాను. కానీ ఏదోలా ప్ర‌య‌త్నించాను. తెలుగు చిత్ర‌సీమ‌లో చిరంజీవి గారు మాత్ర‌మే ఈ సాయం చేయ‌గ‌ల‌రు. ఆయ‌న‌ను అర్థించేందుకు క‌లిసాను. 30 ఏళ్ల క్రితం ‘లంకేశ్వ‌రుడు’కి ప‌ని చేసిన‌ప్పుడు ఎంత ప్రేమ‌గా చూసుకున్నారో ఇప్పుడు కూడా అదే ప్రేమ‌ను క‌న‌బ‌రిచారు. వెంట‌నే స్పందించి ఫీజు ఏర్పాటు చేశారు. ఆ ఫీజును ఇన్‌టైమ్‌లో క‌ట్ట‌లేక‌పోవ‌డంతో హాల్ టికెట్ ఇవ్వ‌లేమ‌ని అన్నారు.

Ponnabalam : చిరంజీవి అన్నయ్యా.. మీ సాయం మరువలేను – నటుడు పొన్నాంబళం..

కానీ చిరంజీవి గారు సాయం చేశార‌ని అన‌గానే అక్క‌డ స్టాఫ్ అంతా సాయం చేశారు. గ‌జేంద్ర మోక్షంలో మొస‌లికి చిక్కిన గ‌జేంద్రుని కాపాడేందుకు వ‌చ్చిన మ‌హా విష్ణువులా చిరంజీవి న‌న్ను ఆదుకున్నారు. చిరంజీవి గారు ఆదుకున్నారు అన‌గానే నా క‌ష్టం విని రామ్ చ‌ర‌ణ్ గారు వారి స్టాఫ్ కూడా అంతే సాయం చేశారు. నేను ఈరోజు ఇలా మాట్లాడానంటే దానికి చిరంజీవి గారు, రామ్ చ‌ర‌ణ్ గారు ఆదుకోవ‌డం వ‌ల్ల‌నే’ అన్నారు. ప‌రిశ్ర‌మ‌లో ఎంద‌రికో సాయం చేసిన మెగాస్టార్ ఇటీవ‌ల కొంద‌రు ఆర్టిస్టుల‌కు చెక్కుల రూపంలో ఆర్థిక‌ సాయ‌మందించారు. ఇప్పుడు క‌ష్ట‌కాలంలో పిల్ల‌ల ప‌రీక్ష‌ల‌కు ఫీజులు క‌ట్ట‌లేని కో-డైరెక్ట‌ర్ ప్ర‌భాక‌ర్‌ని ఆదుకున్నారు. అందుకే ఆయ‌న‌ను ప‌రిశ్ర‌మ ‘బాస్’ అని గౌర‌వించింది. చిరంజీవి సాయానికి హ్యాట్సాఫ్‌.