మీసం మెలెయ్యడం కంటే ముఖానికి మాస్క్ ధరించడమే వీరత్వం..
‘మీసం మెలెయ్యటం వీరత్వమే.. కానీ అది ఒకప్పుడు.. కానీ ఇప్పుడు ముఖానికి మాస్క్ ధరించడం వీరుడి లక్షణం’.. అంటూ మరో వీడియోను కూడా మెగాస్టార్ చిరంజీవి షేర్ చేశారు. ఈ వీడియోలో చిరంజీవితో పాటు యంగ్ హీరో కార్తికేయ నటించాడు.
‘కరోనా కట్టడికి మాస్క్ తప్పనిసరిగా ధరించండి.. వీలైనన్నిసార్లు సబ్బుతో చేతులు శుభ్రంగా కడుక్కోండి.. సాంఘిక దూరాన్ని పాటించండి.. మిమ్మల్ని మీరు కాపాడుకోండి.. అలాగే మీ కుటుంబాన్ని ఈ దేశాన్ని కూడా కాపాడండి’.. అంటూ చిరు పిలుపునిచ్చారు. అలాగే ఈ ఆలోచన పంచుకోగానే ముందుకొచ్చిన కార్తికేయకు, ఈషాకు, ఇతర సిబ్బందికి చిరంజీవి ధన్యవాదాలు తెలియజేశారు.
ఈ వీడియోను, మెగాస్టార్తో నటించిన అనుభవాన్ని కార్తికేయ తన ట్విట్టర్ ఖాతాలో పోస్ట్ చేశాడు. ‘కరోనా భయం, షూటింగ్ని మిస్ అవడం, తర్వాత ఎలా ఉంటుందనే భయం.. ఈ ఒక్క వీడియోతో అన్నీ తీరిపోయాయి. ఓ మంచి పని కోసం మెగాస్టార్ గారితో కలిసి నేను ఓ వీడియో చేశాను. నా సినిమాలు పది విడుదలైనా ఈ కిక్ రాదు. మెగాస్టార్ సర్తో ఇది నా జీవితకాల జ్ఞాపకం’ అని కార్తికేయ ట్వీట్ చేశాడు.
మీసం మెలేయటం వీరత్వామే కాని అది ఓకప్పుడు ఇప్పుడు …BOSS COMPLETE CHESTENE BAUNTADI…#WearAMask #StayHomeStaySafe pic.twitter.com/xVDLYujv1w
— Kartikeya Gummakonda (@ActorKartikeya) July 16, 2020