Mansion 24 Trailer : భయపెట్టడానికి వస్తున్న వరలక్ష్మి.. మ్యాన్షన్ 24 గది రహస్యం ఏంటి..?

'రాజు గారి గది' సిరీస్ సినిమాలతో ప్రేక్షకుల్ని ఆకట్టుకున్న ఓంకార్ ఇప్పుడు 'మాన్షన్ 24' అనే వెబ్ సిరీస్‌తో..

Mansion 24 Trailer : టాలీవుడ్ యాంకర్ కమ్ దర్శకుడు ఓంకార్.. ‘రాజు గారి గది’ సిరీస్ సినిమాలతో ప్రేక్షకుల్ని ఆకట్టుకున్నాడు. ఈ మూవీ సిరీస్ నుంచి ఇప్పటికి మూడు సినిమాలు ఆడియన్స్ ముందుకు వచ్చి హారర్ కామెడీతో అలరించి సక్సెస్ అయ్యాయి. ఇక ఇప్పుడు ‘మాన్షన్ 24’ అనే వెబ్ సిరీస్ తో ఆడియన్స్ ముందుకు రాబోతున్నాడు. ఈ సిరీస్ కూడా హారర్ కామెడీతో రూపొందుతుంది.

Also Read : Prithiveeraj : తన కొడుకు కంటే చిన్న అమ్మాయితో పృథ్వి రాజ్ లవ్ స్టోరీ.. బిగ్ బాస్‌కి ఎందుకు వెళ్ళలేదంటే?

వరలక్ష్మి శరత్ కుమార్ ప్రధాన పాత్రలో తెరకెక్కుతున్న ఈ మూవీలో సత్య రాజ్, అవికా గోర్, బిందు మాధవి, నందు, మానస్, అయ్యప్ప పి.శర్మ, రావు రమేష్ తదితరులు కీలక పాత్రల్లో నటిస్తున్నారు. తాజాగా ఈ సిరీస్ ట్రైలర్ ని హైదరాబాద్ లో ఈవెంట్ పెట్టి గ్రాండ్ గా లాంచ్ చేశారు. ట్రైలర్ లో చూపించిన దాన్నిబట్టి.. సత్య రాజ్ ఒక పాడుబట్టు మ్యాన్షన్ లోకి వెళ్లి కనిపించకుండా పోతాడు. అతని వెతుకుంటూ ఆయన కూతురు అయిన వరలక్ష్మి.. ఆ మ్యాన్షన్ లోకి వెళ్తుంది. అక్కడ ఏం జరిగింది అనేది మిగిలిన కథ.

Also Read : Naga Vamsi : ‘అజ్ఞాతవాసి’ సినిమా లాస్ నుంచి ‘అరవింద సమేత’ వల్ల కోలుకున్నాం.. ఎన్టీఆర్ పిలిచి హిట్ ఇచ్చారు..

అయితే ఈ ట్రైలర్ లో మ్యాన్షన్ హౌస్ లోని 24 గదిని ప్రత్యేకంగా చూపించారు. దీంతో ఆ రూమ్ లోనే ఏదో సస్పెన్స్ ఉందని ఆడియన్స్ లో క్యూరియాసిటీ క్రియేట్ అయ్యింది. ఈ ట్రైలర్ లాంచ్ ఈవెంట్ లో దర్శకుడు అనిల్ రావిపూడి అతిథిగా పాల్గొన్నాడు. ఈ వెబ్ సిరీస్ డిస్నీ ఫ్లస్ హాట్ స్టార్ లో ప్రసారం కాబోతుంది. హాట్ స్టార్స్ స్పెషల్స్ గా వస్తున్న ఈ సిరీస్ అక్టోబర్ 17 నుంచి స్ట్రీమ్ కానుంది. రాజా గారి గది చిత్రాలతో ఆకట్టుకున్న ఓంకార్.. ఈ వెబ్ సిరీస్ తో కూడా బయపెడతాడా? లేదా? చూడాలి.