UnStoppable 2 : బాలయ్య అన్ స్టాపబుల్ సీజన్ 2 రెడీ.. అధికారికంగా ప్రకటించిన ఆహా.. | Unstoppable with NBK season 2 announced

UnStoppable 2 : బాలయ్య అన్ స్టాపబుల్ సీజన్ 2 రెడీ.. అధికారికంగా ప్రకటించిన ఆహా..

అన్ స్టాపబుల్ షో తర్వాత బాలయ్య క్రేజ్ అమాంతంగా పెరిగిపోయింది. ఈ టాక్ షో మన దేశంలో ప్రసారమయ్యే టాక్ షోలలోనే 9.7 రేటింగ్‌తో IMDBలో తొలి స్థానంలో నిలిచింది. అన్ స్టాపబుల్ షో...................

UnStoppable 2 : బాలయ్య అన్ స్టాపబుల్ సీజన్ 2 రెడీ.. అధికారికంగా ప్రకటించిన ఆహా..

Balakrishna :  బాలయ్య బాబులోని మరో కోణాన్ని చూపించిన ప్రోగ్రాం అన్ స్టాపబుల్. ఆహా ఓటీటీలో గతంలో బాలయ్య బాబు హోస్ట్ గా టెలికాస్ట్ అయిన ప్రోగ్రాం అన్ స్టాపబుల్. అసలు బాలకృష్ణ ఏంటి? యాంకర్ ఏంటి? అనుకున్న వాళ్లంతా ఈ షో చూసి ఆశ్చర్యపోయారు. షోలో బాలయ్య బాబు ఎంటర్టైన్మెంట్, హడావిడి, వచ్చిన గెస్టులతో సరదాలు.. ఇలా షోకి సంబంధించిన ప్రతి ఒక్కటి బాలయ్యబాబు అభిమానులనే కాక ప్రేక్షకులందర్నీ మెప్పించాయి.

అన్ స్టాపబుల్ షో తర్వాత బాలయ్య క్రేజ్ అమాంతంగా పెరిగిపోయింది. ఈ టాక్ షో మన దేశంలో ప్రసారమయ్యే టాక్ షోలలోనే 9.7 రేటింగ్‌తో IMDBలో తొలి స్థానంలో నిలిచింది. అన్ స్టాపబుల్ షో కోసం ప్రతి వారం సామాన్య ప్రేక్షకులతో పాటు, సెలబ్రిటీలు కూడా ఎదురు చూశారు. ప్రోగ్రాంని చాలా చక్కగా ప్లాన్ చేసి టెలికాస్ట్ చేసింది ఆహా. మొదటి సీజన్ 10 ఎపిసోడ్స్ తో గ్రాండ్ గా ముగిసింది. మొదటి సీజన్ లో మంచు ఫ్యామిలీ, పుష్ప టీం, రవితేజ, అఖండ టీం, బ్రహ్మానందం, రాజమౌళి, మహేష్ బాబు.. ఇలా పలువురు సెలబ్రిటీలు వచ్చి అలరించారు.

Varun Tej : బాలీవుడ్ ఎంట్రీ వస్తే వదులుకోను.. షారుఖ్ తో నటించాలని ఉంది..

దీంతో అన్ స్టాపబుల్ సీజన్ 2 ఎప్పుడొస్తుందా, బాలయ్య బాబుని మళ్ళీ ఆ రేంజ్ జోష్ లో ఎప్పుడు చూస్తామా అని ఎదురు చూస్తున్నారు ప్రేక్షకులు. ఇప్పటివరకు పలు రకాల వార్తలు కూడా వినిపించాయి అన్ స్టాపబుల్ సీజన్ 2 గురించి. అయితే వాటన్నిటికీ చెక్ పెడుతూ ఆహా టీం అధికారికంగా అన్ స్టాపబుల్ సీజన్ 2 ప్రకటించింది. ఇటీవల ఆహా తెలుగు ఇండియన్ ఐడల్ షోకి సెమి ఫైనల్ లో గెస్ట్ గా వచ్చిన బాలయ్యని అన్ స్టాపబుల్ సీజన్ 2 గురించి అడగగా.. మధుర క్షణాలకి ముగింపు ఉండదు, కొనసాగింపే అంటూ చెప్పారు. ఆ వీడియో బైట్ తో అన్ స్టాపబుల్ సీజన్ 2 కమింగ్ సూన్ అని పోస్ట్ చేశారు ఆహా టీం.

దీంతో బాలయ్య అభిమానులతో పాటు, ప్రేక్షకులు కూడా ఆనందం వ్యక్తం చేస్తూ ఈ సారి ఎవరెవరు గెస్టులుగా వస్తారా అని ఆలోచిస్తున్నారు. అన్ స్టాపబుల్ సీజన్ 2 మరింత సరికొత్తగా, మరింత ఎంటర్టైన్మెంట్ తో, మరిన్ని రికార్డ్స్ సృష్టిస్తుంది అని అంటున్నారు నిర్వాహకులు.

×