Virata Parvam: విరాటపర్వం సెన్సార్ రిపోర్ట్.. రన్‌టైం ఎంతంటే? | Virata Parvam Completes Censor Work And Locks Runtime

Virata Parvam: విరాటపర్వం సెన్సార్ రిపోర్ట్.. రన్‌టైం ఎంతంటే?

యంగ్ హీరో రానా దగ్గుబాటి, అందాల భామ సాయి పల్లవి లీడ్ రోల్స్‌లో నటిస్తున్న ‘విరాటపర్వం’ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు....

Virata Parvam: విరాటపర్వం సెన్సార్ రిపోర్ట్.. రన్‌టైం ఎంతంటే?

Virata Parvam: యంగ్ హీరో రానా దగ్గుబాటి, అందాల భామ సాయి పల్లవి లీడ్ రోల్స్‌లో నటిస్తున్న ‘విరాటపర్వం’ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు వేణు ఊడుగుల తెరకెక్కించగా, ఈ సినిమాను జూన్ 17న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అయ్యింది. ఇక ఈ సినిమాలో రానా ఓ నక్సలైట్ పాత్రలో నటిస్తుండగా, అతడిని ప్రేమించే పల్లెటూరి అమ్మాయి పాత్రలో సాయి పల్లవి నటిస్తుంది.

Virata Parvam : మూడు రోజుల్లో విరాటపర్వం.. సాయిపల్లవి క్రేజ్‌తో పెరిగిపోతున్న అంచనాలు..

ఈ సినిమాపై ఇప్పటికే ఇండస్ట్రీ వర్గాల్లో మంచి అంచనాలు క్రియేట్ కాగా.. రానా, సాయి పల్లవిల కెమిస్ట్రీ ఎలా ఉండబోతుందా అనే ఆసక్తి సర్వత్రా క్రియేట్ అయ్యింది. ఇక ఈ సినిమాను వెన్నెల పాత్ర పూర్తిగా క్యారీఔట్ చేస్తుండటంతో ఈ పాత్రలో సాయి పల్లవి ఎలా నటిస్తుందా అనే ఆసక్తి అందరిలో నెలకొంది. అయితే తాజాగా ఈ సినిమా సెన్సార్ పనులు కూడా పూర్తి చేసుకున్నట్లు తెలుస్తోంది. ఈ సినిమాకు సెన్సార్ బోర్డు వారు యూ/ఏ సర్టిఫికెట్ జారీ చేసినట్లు చిత్ర యూనిట్ పేర్కొంది. ఈ సినిమా చూసిన సెన్సార్ బోర్డు సభ్యులు చిత్ర కథాంశానికి ప్రశంసల జల్లు కురిపించారని.. ఇలాంటి ప్రేమకావ్యాన్ని ప్రేక్షకులు తప్పక ఆదరిస్తారని వారు తెలిపారని చిత్ర వర్గాలు అంటున్నాయి.

Virata Parvam: విరాటపర్వం కోసం ఇద్దరు స్టార్ హీరోలు.. ఎవరంటే?

ఇక ఈ సినిమాకు 2 గంటల 31 నిమిషాల రన్‌టైమ్‌ను చిత్ర యూనిట్ లాక్ చేసింది. ఒక చక్కటి ప్రేమకథను ఫక్తు కమర్షియల్ సినిమాలో చూపిస్తూ ఇలాంటి రన్‌టైమ్‌ను లాక్ చేయడం సినిమాకు చాలా బాగా కలిసొస్తుందని చిత్ర యూనిట్ భావిస్తుంది. ఇదిలా ఉంటే.. ఈ చిత్ర ప్రీరిలీజ్ ఈవెంట్‌ను ఈ నెల 15వ తేదీన సాయంత్ర 6 గంటలకు హైదరాబాద్‌లోని శిల్ప కళావేదికలో నిర్వహించేందుకు చిత్ర యూనిట్ రెడీ కాగా.. ఈ ఈవెంట్‌కు ముఖ్య అతిథులుగా విక్టరీ వెంకటేష్, మెగా పవర్ స్టార్ రామ్ చరణ్, క్రియేటివ్ డైరెక్టర్ సుకుమార్‌లు విచ్చేస్తున్నారు. మరి ఈ సినిమా ప్రేక్షకులను ఎంతమేర ఆకట్టుకుంటుందో తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే.

×