David Warner: క్రిస్ గేల్ రికార్డ్ బ్రేక్ చేసిన డేవిడ్ వార్నర్

డేవిడ్ వార్నర్ టీ20 క్రికెట్ లో 89 హాఫ్ సెంచరీలు నమోదు చేశాడు. వెస్టిండియన్ లెజెండ్ క్రిస్ గేల్ పేరిట ఉన్న అత్యధిక హాఫ్ సెంచరీలను దాటేశాడు. IPL 2022లో భాగంగా జరిగిన 50వ మ్యాచ్ లో ఢిల్లీ క్యాపిటల్స్, సన్ రైజర్స్ హైదరాబాద్ మ్యాచ్ లో ఈ ఘనత నమోదు చేశాడు.

 

David Warner: డేవిడ్ వార్నర్ టీ20 క్రికెట్ లో 89 హాఫ్ సెంచరీలు నమోదు చేశాడు. వెస్టిండియన్ లెజెండ్ క్రిస్ గేల్ పేరిట ఉన్న అత్యధిక హాఫ్ సెంచరీలను దాటేశాడు. IPL 2022లో భాగంగా జరిగిన 50వ మ్యాచ్ లో ఢిల్లీ క్యాపిటల్స్, సన్ రైజర్స్ హైదరాబాద్ మ్యాచ్ లో ఈ ఘనత నమోదు చేశాడు.

ఇంకా అత్యధిక హాఫ్ సెంచరీలు నమోదు చేసిన వారిలో క్రిస్ గేల్ 88, విరాట్ కోహ్లీ 77, ఆరోన్ ఫించ్ 70, రోహిత్ శర్మ 69లతో తర్వాతి వరుసలో నిలిచారు.

గురువారం సన్ రైజర్స్ హైదరాబాద్, ఢిల్లీ క్యాపిటల్స్ జట్లు తలపడ్డాయి. హైదరాబాద్ తో పోరులో ఢిల్లీ అదరగొట్టింది. 21 పరుగుల తేడాతో హైదరాబాద్ ని చిత్తు చేసింది. తొలుత ఢిల్లీ కేపిటల్స్ జట్టు 3 వికెట్ల నష్టానికి 207 పరుగుల భారీ స్కోర్ చేసింది. ఈ లక్ష్యఛేదనలో హైదరాబాద్‌ ఆఖర్లో తడబడింది.

Read Also: ఒకే ప్రత్యర్థి జట్టుపై వెయ్యి పరుగులు.. డేవిడ్ వార్నర్ అరుదైన రికార్డ్

నిర్ణీత ఓవర్లలో 8 వికెట్లు కోల్పోయి 186 పరుగులే చేసింది. హైదరాబాద్ బ్యాటర్లలో నికోలస్ పూరన్‌ (62), మార్‌క్రమ్‌ (42), రాహుల్‌ త్రిపాఠి (22) తప్పితే ఎవరూ పెద్దగా ఆడలేదు. ఢిల్లీ బౌలర్లలో ఖలీల్‌ అహ్మద్‌ మూడు వికెట్లు పడగొట్టాడు. శార్దూల్‌ ఠాకూర్‌ 2 వికెట్లు తీశాడు.

మిచెల్‌ మార్ష్‌, కుల్దీప్‌ యాదవ్‌, నార్జే చెరో వికెట్ తీశారు. అంతకుముందు బ్యాటింగ్‌లో డేవిడ్ వార్నర్‌ (92*) దంచికొట్టాడు.

సెంచ‌రీకి చేరువైన వార్న‌ర్ చివ‌రి బంతి దాకా క్రీజులోనే నిలిచాడు. ఇక వ‌రుస‌గా స‌త్తా చాటుతున్న రోమ‌న్ పావెల్ ఈ మ్యాచ్ లోనూ మెరుపు ఇన్నింగ్స్ ఆడాడు. 35 బంతుల్లోనే 67 ప‌రుగులు సాధించాడు. అతడి స్కోర్ లో 6 సిక్సులు, 3 ఫోర్లు ఉన్నాయి. వార్నర్, పావెల్ పరుగుల వరద పారించడంతో ఢిల్లీ 207 ప‌రుగుల భారీ స్కోర్ చేసింది.