Vodafone-Idea Plans : వోడాఫోన్ ఐడియా సరికొత్త ప్లాన్లు ఇవే.. ఏ ప్లాన్ కొంటే బెటర్? ఏయే బెనిఫిట్స్ ఉన్నాయంటే?
Vodafone-Idea Plans : వోడాఫోన్ ఐడియా (Vodafone Idea) కొత్తగా లాంచ్ చేసిన ప్లాన్‌లలో అన్‌లిమిటెడ్ కాలింగ్, హైస్పీడ్ ఇంటర్నెట్, అన్‌లిమిటెడ్ నైట్ డేటా వంటి మరెన్నో బెనిఫిట్స్ పొందవచ్చు.
- Published By: 10TV Digital Team ,Published On : June 1, 2023 / 04:19 PM IST
Vodafone-Idea launched 3 new prepaid plans
Vodafone-Idea Plans : భారతీయ టెలికం మార్కెట్లో ప్రస్తుతం 5G నెట్‌వర్క్ వేగంగా విస్తరిస్తోంది. ఇప్పటికే దేశీయ టెలికం దిగ్గజాలైన రిలయన్స్ జియో (Reliance Jio), ఎయిర్‌టెల్ (Airtel) దేశవ్యాప్తంగా తమ 5G నెట్‌వర్క్‌ను విస్తరించాయి. ఈ రెండు టెలికం ఆపరేటర్లు ఇప్పటికే భారత్‌లో 3వేల నగరాలు, పట్టణాలకు తమ కవరేజీని విస్తరించాయి. 2023 చివరి నాటికి ప్రధాన నగరాలు, పట్టణాలను కవర్ చేయాలని లక్ష్యంగా పెట్టుకున్నాయి.
అయితే, జియో, ఎయిర్‌టెల్ కస్టమర్‌లు 5Gకి అప్‌గ్రేడ్ అవుతున్న సమయంలో (Vodafone-Idea) యూజర్లు ఇంకా 5G సర్వీసు ప్రకటనల కోసం ఎదురుచూస్తున్నాయి. చాలా మంది Vi యూజర్లు మెరుగైన మొబైల్ నెట్‌వర్క్ సర్వీసుల కోసం ఇతర నెట్‌వర్క్‌లకు మారేందుకు ప్రయత్నిస్తున్నారు. అదే సమయంలో, 5G సర్వీసులను అందించడంలో Vi ఆర్థిక సవాళ్లను కూడా ఎదుర్కొంటోంది.
వోడాఫోన్ తగ్గుతున్న యూజర్ బేస్‌ను నిలుపుకోవడంపై దృష్టిపెడుతోంది. అందులో భాగంగానే కస్టమర్‌లను ఆకర్షించేందుకు సరికొత్త ఆఫర్లను ప్రకటిస్తోంది. వోడాఫోన్ యూజర్లను ఆకర్షించడానికి టెల్కో కొత్త ప్లాన్‌లను ప్రవేశపెడుతోంది. ఇటీవల, Vi డేటా, కాలింగ్, ఇతర బెనిఫిట్స్ అందించే 3 కొత్త ప్రీపెయిడ్ ప్లాన్‌లను ఆవిష్కరించింది. ఈ ప్లాన్లు యూజర్లకు SMS బెనిఫిట్స్ అందిస్తున్నాయి. రాత్రి 12AM, ఉదయం 6AM మధ్య అన్‌లిమిటెడ్ నైట్ డేటా వినియోగం వంటి వివిధ బెనిఫిట్స్ అందిస్తాయి. Vodafone-Idea కొత్తగా ప్రారంభించిన ప్లాన్‌లపై ఎలాంటి ఆఫర్లను అందిస్తుందో ఇప్పుడు చూద్దాం..
Vodafone-Idea launched 3 new prepaid plans
Vi రూ. 17 ప్లాన్ :
Vodafone-Idea వోచర్ లిస్టు కింద ఈ ప్లాన్‌ను ప్రారంభించింది. ఈ ప్లాన్ ద్వారా మొబైల్ ఆపరేటర్ ఉదయం 12 నుంచి ఉదయం 6 గంటల మధ్య అన్‌లిమిటెడ్ ఇంటర్నెట్ డేటాను అందిస్తుంది. ఈ ప్లాన్ 1 రోజు వ్యాలిడిటీతో వస్తుంది. ఏ ఇతర సర్వీస్ వ్యాలిడిటీ లేదా అవుట్‌గోయింగ్ SMSని కలిగి ఉండదు. ఈ ప్లాన్ ఇతర ప్లాన్‌లలో అన్‌లిమిటెడ్ డేటా ఆప్షన్ కోల్పోయిన యూజర్ల కోసం అందిస్తోంది.
Vi రూ. 57 ప్లాన్ :
ఈ ప్లాన్ కూడా ప్రీపెయిడ్ వోచర్ ప్లాన్ మాదిరిగానే అనేక బెనిఫిట్స్ అందిస్తుంది. కానీ, 7 రోజుల పాటు పొడిగించిన వ్యాలిడిటీతో వస్తుంది. ఈ ప్యాక్ 168 గంటల పాటు వ్యాలిడిటీ అందిస్తుందని అధికారిక వెబ్‌సైట్ తెలిపింది. ఏ సర్వీసు వ్యాలిడిటీ లేదా అవుట్‌గోయింగ్ SMS లేదా ఇతర బెనిఫిట్స్ కలిగి ఉండదు. ముఖ్యంగా, రూ. 17, రూ. 57 ప్లాన్లు లేదా ఇతర వోచర్‌ల బెనిఫిట్స్ పొందడానికి యూజర్లు యాక్టివ్ ప్లాన్‌ను కలిగి ఉండాలి.
Vi రూ 1,999 ప్లాన్ :
వోడాఫోన్ ఐడియా ప్రీపెయిడ్ అన్‌లిమిటెడ్ ప్యాక్ ఆఫర్ల మాదిరిగా ఈ ప్లాన్‌ని తీసుకొచ్చింది. ఈ ప్లాన్‌తో, టెల్కో అన్‌లిమిటెడ్ కాలింగ్, 1.5GB రోజువారీ డేటా, రోజుకు 100 SMSలను అందిస్తుంది. రోజువారీ కోటా వినియోగం తర్వాత, డేటా స్పీడ్ 64 Kbps వరకు తగ్గిపోతుంది. అదనంగా, రోజువారీ 100 SMS లిమిట్ పోస్ట్ చేస్తే.. టెల్కో స్థానికంగా రూ.1 STD, SMSకి రూ. 1.5 వసూలు చేస్తుంది. ఈ ప్లాన్ 250 రోజులు అంటే.. దాదాపు 8 నెలలు వ్యాలిడిటీ అందిస్తుంది.
Read Also : Vodafone Layoffs : వోడాఫోన్‌లో భారీ ఉద్యోగాల కోతకు ప్లాన్.. 11వేల మందిని తొలగించక తప్పదు.. సీఈఓ ప్రకటన
