Vijayawada: విజయవాడ ఆటోనగర్లో భారీ అగ్నిప్రమాదం.. వెల్డింగ్ చేస్తుండగా పేలుడు.. 7 బస్సులు దగ్ధం
విజయవాడ(Vijayawada)లోని ఆటోనగర్ పారిశ్రామిక ప్రాంతంలో ఆదివారం మధ్యాహ్నం ఒక్కసారిగా భారీ అగ్నిప్రమాదం సంభవించింది.
- Published By: V Santhosh Kumar , Published On : July 12, 2026 / 03:19 PM IST
A massive fire broke out in Vijayawada Auto Nagar.
- ఆటోనగర్లో భారీ అగ్నిప్రమాదం
- ఏడు బస్సులు దగ్ధం
- తప్పిన ప్రాణ నష్టం
Vijayawada: విజయవాడలోని ఆటోనగర్ పారిశ్రామిక ప్రాంతంలో ఆదివారం మధ్యాహ్నం ఒక్కసారిగా భారీ అగ్నిప్రమాదం సంభవించింది. ఒక మెకానిక్ షెడ్డులో నిలిపి ఉంచిన బస్సుకు వెల్డింగ్ పనులు చేస్తుండగా, ప్రమాదవశాత్తూ నిప్పురవ్వలు ఎగసిపడి మంటలు చెలరేగాయి. క్షణాల వ్యవధిలోనే ఈ మంటలు తీవ్రరూపం దాల్చి పక్కనే ఉన్న ఇతర వాహనాలకు వేగంగా వ్యాపించాయి. ప్రమాద తీవ్రతను గమనించిన గ్యారేజీ సిబ్బంది వెంటనే అప్రమత్తమై అగ్నిమాపక సిబ్బందికి సమాచారం అందించారు. ఈ క్రమంలో ఆ ప్రాంతమంతా దట్టమైన నల్లటి పొగలు అలుముకోవడంతో స్థానిక ప్రజలు తీవ్ర భయాందోళనలకు గురయ్యారు.
సమాచారం అందుకున్న వెంటనే మూడు ఫైరింజన్లతో ఘటనా స్థలానికి చేరుకున్న అగ్నిమాపక సిబ్బంది తీవ్రంగా(Vijayawada) శ్రమించి మంటలను అదుపులోకి తెచ్చారు. అయితే, ఈ లోపే గ్యారేజీలో మరమ్మతుల కోసం పార్కింగ్ చేసి ఉంచిన ఏడు బస్సులు పూర్తిగా కాలి బూడిదయ్యాయి. ఈ ప్రమాదంలో భారీగా ఆస్తి నష్టం సంభవించినప్పటికీ, ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. ప్రస్తుతం అగ్నిమాపక మరియు పోలీసు అధికారులు ప్రమాదం జరగడానికి గల పూర్తి కారణాలపై నిఘా పెట్టి, కేసు నమోదు చేసి దర్యాప్తు జరుపుతున్నారు.
