Groups Jobs: గ్రూప్స్ పోస్టుల భర్తీకి ఆంధ్రప్రదేశ్ ప్రభుత్వం గ్రీన్ సిగ్నల్
ఆంధ్రప్రదేశ్‌లో త్వరలో గ్రూప్స్ పోస్టుల భర్తీ జరగనున్నట్టు ప్రభుత్వం ప్రకటించింది. జాబ్ క్యాలండర్ పోస్టులకు అదనంగా ఈ గ్రూప్స్ పోస్టుల భర్తీ జరగనుంది.
- Published By: 10TV Digital Team ,Published On : March 18, 2022 / 07:45 PM IST
Apppsc
Groups Jobs: ఆంధ్రప్రదేశ్ రాష్ట్రంలో ఎపుడెపుడా అని ఎదురు చూస్తున్న గ్రూప్ ఉద్యోగాల భర్తీకి ప్రభుత్వం పచ్చజెండా ఊపింది. ఆంధ్రప్రదేశ్‌లో త్వరలో గ్రూప్స్ పోస్టుల భర్తీ జరగనున్నట్టు ప్రభుత్వం ప్రకటించింది. ఇటీవల సీఎం జగన్ ప్రకటించిన జాబ్ క్యాలండర్ పోస్టులకు అదనంగా ఈ గ్రూప్స్ పోస్టుల భర్తీ జరగనుంది. ఈమేరకు ముఖ్యమంత్రి వైఎస్‌ జగన్‌మోహన్‌ రెడ్డి అనుమతి ఇచ్చారు. దీంతో ఏపీలో గ్రూప్ 1, గ్రూప్ 2 పోస్టుల భర్తీకి మార్గం సుగమమైంది.
Also read: BJP Janasena Government : ఏపీలో రాబోయేది బీజేపీ-జనసేనల ప్రభుత్వమే-జీవీఎల్
గ్రూప్ 1 కేటగిరీ కింద 110 పోస్టులు, గ్రూప్-2 కేటగిరీ కింద 182 పోస్టులకు అనుమతి లభించింది. ఈ పోస్టుల భర్తీ నిమిత్తం ఏపీపీఎస్సీ త్వరలో నోటిఫికేషన్లు జారీ చేయనుంది. గ్రూప్ 1 కేటగిరీలో డిప్యూటీ కలెక్టర్లు, ఆర్టీవో, సీటీవో, డిఎస్పీ, డి ఎఫ్ ఓ, మున్సిపల్ కమిషనర్, ఎంపిడివో పోస్టుల భర్తీకి నోటిఫికేషన్ ఇవ్వనున్నారు. గ్రూప్-2 లో డిప్యూటీ తహసీల్దార్లు, సబ్ రిజిస్ట్రార్ లు, మున్సిపల్ కమిషనర్లు, ట్రెజరీ అధికారులు తదితర ఖాళీల భర్తీ చేయనున్నారు.
Also read: Bonda Umamaheshwarrao: రాష్ట్రంలో విచ్చలవిడిగా మద్యం, నాటుసారా, అక్రమ రవాణా: బోండా ఉమా
