Android 15 Beta Release : ఈ వన్‌ప్లస్, నథింగ్ ఫోన్లలో ఆండ్రాయిడ్ 15 బీటా వచ్చేసింది.. సపోర్టెడ్ డివైజ్‌లివే.. ఎలా ఇన్‌స్టాల్ చేయాలి?
Android 15 Beta Release : ఆండ్రాయిడ్ 15 బీటా అప్డేట్ భారత మార్కెట్లో ఎంపిక చేసిన వన్‌ప్లస్, నథింగ్ ఫోన్‌లకు అందుబాటులో ఉంది. కొత్త ఆండ్రాయిడ్ 15 వెర్షన్ కొత్త ఫీచర్లను కూడా అందిస్తుంది.
- Published By: 10TV Digital Team ,Published On : November 7, 2024 / 04:12 PM IST
Android 15 Beta Comes To These OnePlus And Nothing Users
Android 15 Beta Release : నథింగ్, వన్‌ప్లస్ యూజర్లకు గుడ్ న్యూస్.. ఆండ్రాయిడ్ 15 బీటా వెర్షన్ రిలీజ్ అయింది. ఇప్పటికే, గూగుల్ పిక్సెల్ ఫోన్ల కోసం ఆండ్రాయిడ్ 15 అప్‌డేట్‌ను రిలీజ్ చేసింది. వన్‌ప్లస్, నథింగ్ వంటి బ్రాండ్‌ సైతం తమ ఫోన్లలో కొత్త ఆండ్రాయిడ్ అప్‌డేట్‌ను అందిస్తున్నాయి.
ఆండ్రాయిడ్ 15 బీటా అప్డేట్ భారత మార్కెట్లో ఎంపిక చేసిన వన్‌ప్లస్, నథింగ్ ఫోన్‌లకు అందుబాటులో ఉంది. కొత్త ఆండ్రాయిడ్ 15 వెర్షన్ కొత్త ఫీచర్లను కూడా అందిస్తుంది. డిజైన్ యూఐ ఆండ్రాయిడ్ 14 మాదిరిగానే ఉంటుంది. వన్‌ప్లస్, నథింగ్ రెండూ వాటి సొంత కస్టమైజడ్ సాఫ్ట్‌వేర్ వెర్షన్‌లు ఆక్సిజన్ఓఎస్ నథింగ్ ఓఎస్ అని చెప్పవచ్చు. వైడ్ రేంజ్ ఇతర ఫీచర్లతో ఆకర్షణీయంగా కనిపిస్తున్నాయి.
వన్‌ప్లస్ ఆండ్రాయిడ్ 15 బీటా అప్డేట్ : ఈ డివైజ్ సపోర్ట్, ఎలా ఇన్‌స్టాల్ చేయాలంటే?
వన్‌ప్లస్ నుంచి ఆండ్రాయిడ్ 15 బీటా కింది వన్‌ప్లస్ ఫోన్‌లకు అందుబాటులో ఉంది.
- వన్‌ప్లస్ 12
- వన్‌ప్లస్ 12ఆర్
- వన్‌ప్లస్ నార్డ్ సీఈ 4
- వన్‌ప్లస్ నార్డ్ సీఈ 4 లైట్
ఓపెన్, క్లోజ్డ్ బీటా మొత్తం కాన్సెప్ట్ అందరికీ అందుబాటులోకి రాకముందే ఎక్కువ మందికి కొత్తగా రిలీజ్ చేయని వెర్షన్ అందిస్తుంది. అర్హత ఉన్న డివైజ్‌లో కొత్త బీటా వెర్షన్‌ను ఇన్‌స్టాల్ చేసేందుకు మీరు బీటా ప్రోగ్రామ్‌కు సైన్ అప్ చేయాలి.
- వన్‌ప్లస్ ఫోన్ సెట్టింగ్స్ ఆప్షన్ ఎంచుకోండి.
- సాఫ్ట్‌వేర్ అప్‌డేట్‌కి కిందికి స్క్రోల్ చేయండి. దానిపై ట్యాప్ చేయండి
- వన్‌ప్లస్ ఫోన్ అందుబాటులో ఉన్న కొత్త అప్డేట్ కోసం చెక్ చేయండి
- కొత్త ఓపెన్ బీటా వెర్షన్‌ను ఇన్‌స్టాల్ చేసి ఫోన్‌ని రీబూట్ చేయండి
ప్రస్తుతానికి ఎంపిక చేసిన వన్‌ప్లస్ వినియోగదారులకు బీటా వెర్షన్‌ను అందిస్తోంది. రాబోయే వారాల్లో మరింత మందికి అందుబాటులోకి రానుంది. బగ్‌లు, క్రాష్‌ వంటి సమస్యల కారణంగా ఈ బీటా వెర్షన్‌లను ప్రైమరీ డివైజ్‌లో మాత్రమే ఇన్‌స్టాల్ చేయొచ్చు.
నథింగ్ ఆండ్రాయిడ్ 15 బీటా అప్డేట్ : సపోర్టు డివైజ్‌లు, ఎలా ఇన్‌స్టాల్ చేయాలంటే? :
నథింగ్ ఫోన్ యూజర్ల కోసం ఆండ్రాయిడ్ 15 అప్డేట్ అందుబాటులోకి రానుంది. నథింగ్ ఫోన్ 2 వినియోగదారులు నథింగ్ ఓఎస్ ఆండ్రాయిడ్ 15 బీటా వెర్షన్ పొందడానికి అర్హులు. మీ వద్ద ఈ నథింగ్ ఫోన్ మోడల్స్ ఉంటే బీటా వెర్షన్ పొందవచ్చు.
- నథింగ్ ఫోన్ 2ఎ
- నథింగ్ ఫోన్ 2
స్టేబుల్ వెర్షన్ నుంచి డిసెంబర్ 2024 రిలీజ్ గురించి ఎలాంటి అప్డేట్ లేదు. కొత్త అప్డేట్ త్వరలో వచ్చే అవకాశం ఉంది.
- నథింగ్ ఫోన్ సెట్టింగ్స్ వెళ్లండి
- సాఫ్ట్‌వేర్ అప్‌డేట్‌కి కిందికి స్క్రోల్ చేయండి. దానిపై ట్యాప్ చేయండి.
- నథింగ్ ఫోన్ కోసం అందుబాటులో ఉన్న కొత్త అప్డేట్ కోసం చెక్ చేయండి
- కొత్త ఓపెన్ బీటా వెర్షన్‌ను ఇన్‌స్టాల్ చేసి ఫోన్‌ని రీబూట్ చేయండి
మరోసారి, బీటా వెర్షన్‌ని ప్రైమరీ డివైజ్‌లో ఇన్‌స్టాల్ చేయకూడదు. రోజువారీ వినియోగం, డివైజ్ పర్ఫార్మెన్స్ తగ్గుతుందని గమనించాలి.
