Apple No.1 Phone Seller : ఎట్టకేలకు శాంసంగ్‌ను అధిగమించిన ఆపిల్.. ప్రపంచంలోనే నెం.1 స్మార్ట్‌ఫోన్ సెల్లర్గా అవతరణ!
Apple No.1 Phone Seller : 2023లో సవాళ్లతో కూడిన మార్కెట్లో 2010 తర్వాత తొలిసారిగా శాంసంగ్‌ను అధిగమించి, స్మార్ట్‌ఫోన్ విక్రయాల్లో ఆపిల్ గ్లోబల్ లీడర్‌గా అవతరించింది.
- Published By: 10TV Digital Team ,Published On : January 17, 2024 / 09:57 PM IST
Apple finally beats Samsung to become No 1 phone seller in the world
Apple No.1 Phone Seller in World 2023 : 2010 తర్వాత మొదటిసారిగా శాంసంగ్‌ను అధిగమించిన ఆపిల్ ఇప్పుడు ప్రపంచవ్యాప్తంగా నంబర్ వన్ స్మార్ట్‌ఫోన్ సెల్లర్గా నిలిచింది. ఆపిల్ ఆల్-టైమ్ హై మార్కెట్ షేర్‌ను చేరుకోవడంతో పాటు పరిశ్రమలో అగ్ర స్థానానికి చేరుకోవడంతో ఈ మార్పు వచ్చింది.
ఇంటర్నేషనల్ డేటా కార్పొరేషన్ (IDC) ప్రకారం.. గ్లోబల్ స్మార్ట్‌ఫోన్ మార్కెట్ 2023లో కొన్ని సవాళ్లను ఎదుర్కొంది. గత ఏడాదితో పోలిస్తే.. ఫోన్ షిప్‌మెంట్‌లలో 3.2 శాతం తగ్గుదల ఉంది. ఏది ఏమైనప్పటికీ.. సంవత్సరం ద్వితీయార్థంలో పరిస్థితుల్లో అనేక మార్పులు చోటుచేసుకున్నాయి. నాల్గవ త్రైమాసికంలో మునుపటి అంచనాలను మించి 8.5 శాతం వృద్ధిని సాధించింది.
2023 ద్వితీయార్థంలో ట్రాన్‌షన్, షియోమీ వంటి లో-ఎండ్ ఆండ్రాయిడ్ ప్లేయర్‌ల నుంచి కొంత బలమైన వృద్ధిని సాధించామని, అభివృద్ధి చెందుతున్న మార్కెట్‌లలో వేగంగా వృద్ధి చెందడం వల్ల అతిపెద్ద విజేతగా ఆపిల్ నిలిచిందని ఐడీసీ వరల్డ్‌వైడ్ ట్రాకర్ రీసెర్చ్ డైరెక్టర్ నబిలా పోపాల్ అన్నారు.
ప్రతి ఏటా సానుకూల వృద్ధిని కనబరిచే టాప్ 3లోని ఏకైక ప్లేయర్ ఆపిల్ మాత్రమే కాదు.. మొట్టమొదటిసారిగా నెంబర్ వన్ స్థానాన్ని కూడా ఆపిల్ ఆక్రమించింది. చైనాలో అతిపెద్ద మార్కెట్ అయిన హువావే నుంచి పెరిగిన నియంత్రణ సవాళ్లు, పునరుద్ధరించిన పోటీ ఉన్నప్పటికీ ఇవన్నీ ఆపిల్ విజయానికి దోహదపడ్డాయని చెప్పాలి.
తొలిసారిగా మొదటి స్థానంలోకి ఆపిల్ :
ప్రస్తుతం మార్కెట్లో 20శాతం పైగా ప్రాతినిధ్యం వహిస్తున్న ప్రీమియం డివైజ్‌లకు పెరుగుతున్న ట్రెండ్ కారణమని చెప్పవచ్చు. ఈ కఠినమైన మార్కెట్లో స్టాండ్ అవుట్ పెర్ఫార్మర్‌గా ఆపిల్ నిలిచింది. మొత్తం క్షీణత ఉన్నప్పటికీ.. ఆపిల్ మొత్తం సంవత్సరానికి సానుకూల వృద్ధిని కనబరిచింది. తొలిసారిగా ఆపిల్ మొదటి స్థానంలో నిలిచింది.
Apple Samsung No 1 phone seller
ఇప్పుడు మార్కెట్లో 20 శాతానికి పైగా ఉన్న హై-ఎండ్ ఫోన్‌లకు పెరుగుతున్న జనాదరణకు ఆపిల్ మరింత విజయాన్ని అందించిందని ఐడీసీ నబిలా పోపాల్ పేర్కొన్నారు. మంచి ట్రేడ్-ఇన్ డీల్‌లు, వడ్డీ రహిత ఫైనాన్సింగ్ ప్లాన్‌లను అందించడం వంటివి మరింత కీలక పాత్ర పోషించాయి.
పతనమైన శాంసంగ్ అగ్రస్థానం :
స్మార్ట్‌ఫోన్ మార్కెట్లో ఆపిల్ నెంబర్ వన్‌గా నిలవడంతో శాంసంగ్ అగ్రస్థానం పతనమైంది. అయితే, ఆండ్రాయిడ్ స్పేస్ కూడా భారీగా మారుతోంది. హువావే చైనాలో బలమైన పునరాగమనం చేస్తోంది. వన్‌ప్లస్, హానర్, గూగుల్ వంటి ఇతర బ్రాండ్‌లు సరసమైన ధరకే పోటీగా ఫోన్‌లను విడుదల చేస్తున్నాయి. అదనంగా, ఫోల్డబుల్ ఫోన్‌ల పెరుగుదల, స్మార్ట్‌ఫోన్‌లలో కృత్రిమ మేధస్సు గురించి చర్చలు స్మార్ట్‌ఫోన్ ప్రపంచానికి మరింత ఉత్సాహాన్ని అందిస్తున్నాయి.
అగ్రస్థానం కోసం ఇతర కంపెనీల పోటీ :
ఆపిల్ ప్రపంచవ్యాప్తంగా టాప్ ఫోన్ విక్రయదారుగా అవతరించిన నేపథ్యంలో స్మార్ట్‌ఫోన్ ఇండస్ట్రీలో ఆసక్తికరమైన పరిణామాలు చోటుచేసుకోనున్నాయి. శాంసంగ్ అగ్రస్థానం నుంచి పతనమైన మార్కెట్ ఎంత పోటీగా ఉందో చూడవచ్చు. మరోవైపు వివిధ కంపెనీలు సైతం అగ్రస్థానం కోసం తీవ్రంగా ప్రయత్నిస్తున్నాయి. ఈ క్రమంలోనే స్మార్ట్‌ఫోన్ ల్యాండ్‌స్కేప్‌ను రూపొందించే కొత్త ఆవిష్కరణలు, తీవ్రమైన పోటీతో భవిష్యత్తు మరింత ఆశాజనకంగా మారింది.
