రెడీగా ఉండండి.. పల్సర్ ఫీచర్లతో డొమినార్.. బజాజ్ కొత్త టీజర్ వచ్చేసింది… ఏమేం మారనున్నాయంటే?

రాబోయే కొత్త ఫీచర్లు ఇవే...

బజాజ్ డొమినార్ ఫ్యాన్స్‌కు గుడ్ న్యూస్. భారత్‌లో తనదైన ముద్ర వేసిన ఈ పవర్-క్రూయిజర్ సరికొత్త అప్‌డేట్లతో మళ్లీ రావడానికి సిద్ధమవుతోంది. బజాజ్ ఆటో తాజాగా విడుదల చేసిన ఒక టీజర్ బైక్ ప్రియులలో సెగలు పుట్టిస్తోంది.

లుక్ పాతదే అయినా, ఫీచర్లలో మాత్రం భారీ మార్పులు ఉండబోతున్నాయని సంకేతాలు వస్తున్నాయి. మరి ఈ 2025 డొమినార్‌లో రాబోయే కొత్త ఫీచర్లు ఏంటి? ఇంజిన్‌లో ఏమైనా మార్పులు ఉన్నాయా? పూర్తి వివరాలు చూద్దాం..

ఆ ఫేమస్ గ్రీన్ కలర్ మళ్లీ వచ్చేసింది..

బజాజ్ విడుదల చేసిన టీజర్‌ను బట్టి చూస్తే, డిజైన్ పరంగా పెద్ద మార్పులు చేసినట్లు కనిపించడం లేదు.

డిజైన్: డొమినార్ సిగ్నేచర్ మజిక్యులర్ లుక్, పెద్ద విండ్‌షీల్డ్, షార్ప్ బాడీ లైన్స్ యథాతథంగా కొనసాగనున్నాయి.

కలర్: అభిమానుల ఫేవరెట్ అయిన ‘ఔరోరా గ్రీన్’ రంగును బజాజ్ మళ్లీ తీసుకువస్తోంది. ఇది టీజర్‌లో స్పష్టంగా కనిపించింది.

ప్రస్తుత కలర్స్: ప్రస్తుతం డొమినార్ 400 (క్యానియన్ రెడ్, చార్కోల్ బ్లాక్), డొమినార్ 250 (సిట్రస్ రష్, స్పార్క్లింగ్ బ్లాక్) రంగుల్లో అందుబాటులో ఉంది.

రాబోయే కొత్త ఫీచర్లు ఇవే…

బయటకు లుక్ పాతదే అయినా, టెక్నాలజీ పరంగా బజాజ్ భారీ అప్‌గ్రేడ్ ఇవ్వబోతోంది. ఇదే ఈ కొత్త వెర్షన్‌లో అతిపెద్ద మార్పు. Pulsar NS400Z seriesలోని కొన్ని ఫీచర్లతో ఇది వస్తోంది.

కొత్త డిజిటల్ కన్సోల్ (అంచనా): ఇటీవల లాంచ్ అయిన పల్సర్ NS400Zలో వాడిన ఫుల్లీ-డిజిటల్ ఇన్‌స్ట్రుమెంట్ క్లస్టర్‌ను ఇందులో అమర్చే అవకాశం ఉంది.

బ్లూటూత్ కనెక్టివిటీ: కాల్, ఎస్‌ఎంఎస్‌ అలర్ట్స్, టర్న్-బై-టర్న్ నావిగేషన్ వంటి ఆధునిక ఫీచర్లు రానున్నాయి.

కొత్త స్విచ్‌గేర్: ఈ కొత్త ఫీచర్లను సులభంగా నావిగేట్ చేయడానికి ఎడమవైపు హ్యాండిల్‌బార్‌పై కొత్త స్విచ్‌లను అమర్చనున్నారు.

సెకండరీ డిస్‌ప్లే: ఫ్యూయల్ ట్యాంక్‌పై ఉన్న చిన్న సెకండరీ డిస్‌ప్లేను తొలగించే అవకాశం ఉంది, ఎందుకంటే మొత్తం సమాచారం ప్రధాన డిస్‌ప్లేలోనే కనిపిస్తుంది.

ఇంజిన్ స్పెసిఫికేషన్స్ ఇవే..

మెకానికల్‌గా డొమినార్‌లో ఎలాంటి మార్పులు ఉండకపోవచ్చు. దాని పవర్‌ఫుల్ ఇంజిన్ పనితీరు యథాతథంగా కొనసాగుతుంది.

ఎవరకి నచ్చుతుంది?

• పవర్‌ఫుల్ టూరింగ్ బైక్‌తో పాటు, ఆధునిక టెక్నాలజీ ఫీచర్లు (నావిగేషన్, కనెక్టివిటీ) కోరుకునే వారికి..
• పాత డొమినార్‌ను ఇష్టపడి, ఫీచర్ల కొరత వల్ల కొనలేని వారికి..

పాత డొమినార్ డిజైన్‌ను ఇష్టపడుతూనే, టెక్నాలజీ అప్‌గ్రేడ్ కోరుకునే రైడర్లను ఆకట్టుకోవడమే బజాజ్ లక్ష్యంగా కనిపిస్తోంది. అధికారిక లాంచ్ తేదీ, ధరల ప్రకటన కోసం ఆ బైకుల లవర్స్‌ ఆసక్తిగా ఎదురుచూస్తున్నారు.