iPhones 16 Series Sale : ఫ్లిప్‌కార్ట్, అమెజాన్ పండగ సేల్ ఆఫర్లు.. ఐఫోన్ 16, ఐఫోన్ 16 ప్రో, ఐఫోన్ 16 ప్రో మ్యాక్స్పై భారీ డిస్కౌంట్లు.. ఇప్పుడే కొనేసుకోవడం బెటర్..!
iPhones 16 Series Sale : ఫ్లిప్‌కార్ట్, అమెజాన్ సేల్స్ మొదలయ్యాయి. ఆపిల్ ఐఫోన్ 16 సిరీస్ ఫోన్లపై ఖతర్నాక్ డిస్కౌంట్లు అందుబాటులో ఉన్నాయి.. ఓసారి లుక్కేయండి.
- Published By: 10TV Digital Team ,Published On : September 23, 2025 / 12:59 PM IST
iPhones 16 Series Sale : పండుగ సీజన్ మొదలైంది. స్మార్ట్ ఫోన్లపై అమ్మకాలు మొదలయ్యాయి. ఈ-కామర్స్ దిగ్గజాలైన ఫ్లిప్‌కార్ట్, అమెజాన్‌లో కూడా అధికారికంగా సేల్స్ ప్రారంభమయ్యాయి. ఫ్లిప్‌కార్ట్ బిగ్ బిలియన్ డేస్ సేల్, అమెజాన్ గ్రేట్ ఇండియన్ ఫెస్టివల్ సేల్స్ అనేక స్మార్ట్‌ఫోన్లపై డిస్కౌంట్లు, ఆఫర్లను అందిస్తున్నాయి.
ఈ సేల్ సమయంలో ఇతర ఆండ్రాయిడ్ ఫోన్లతో పాటు ఆపిల్ ఐఫోన్ల ధరలు కూడా భారీగా తగ్గాయి. ఐఫోన్ అభిమానులు కొత్త ఐఫోన్ కొనేందుకు ఇదే బెస్ట్ టైమ్. ఈ ప్లాట్‌ఫామ్‌ల నుంచి మీకు నచ్చిన ఐఫోన్ మోడల్ కొనేసుకోవచ్చు. అంతేకాదు.. బ్యాంకు కార్డులపై డిస్కౌంట్లు, ఎక్స్ఛేంజ్ ఆఫర్లను కూడా పొందవచ్చు.
ఆపిల్ ఇటీవలే ఐఫోన్ 17 సిరీస్ స్మార్ట్‌ఫోన్‌లను ఆవిష్కరించింది. ఐఫోన్ 16, ఐఫోన్ 16 ప్రో, ఐఫోన్ 16 ప్రో మాక్స్‌తో సహా ఐఫోన్ 16 సిరీస్ ఫోన్లు భారీ తగ్గింపు ధరకే లభ్యమవుతున్నాయి. ఈ-కామర్స్ దిగ్గజం ఫ్లిప్‌కార్ట్ ఇప్పటికే ఈ ఐఫోన్‌లపై అద్భుతమైన డీల్స్ అందిస్తోంది.
ఆపిల్ ఐఫోన్ 16పై ఆఫర్లు : ఆపిల్ ఐఫోన్ 16 మోడల్ 6.1-అంగుళాల, 60Hz OLED డిస్‌ప్లేతో 1,600 నిట్స్ పీక్ బ్రైట్‌నెస్, సిరామిక్ షీల్డ్ ప్రొటెక్షన్‌తో వస్తుంది. ఈ ఫోన్ A18 ప్రాసెసర్ ద్వారా పవర్ పొందుతుంది. 8GB ర్యామ్ (ఇతర మోడళ్ల మాదిరిగానే) కలిగి ఉంటుంది. ఆపిల్ ఇంటెలిజెన్స్ ఫీచర్లు కలిగి ఉంది.
ఆప్టిక్స్ విషయానికొస్తే.. ఐఫోన్ 2x టెలిఫోటోతో 48MP ప్రైమరీ షూటర్, 12MP అల్ట్రా-వైడ్-యాంగిల్ లెన్స్ కలిగి ఉంది. ఆటోఫోకస్ సపోర్ట్‌తో 12MP ట్రూడెప్త్ సెల్ఫీ షూటర్‌తో వస్తుంది. ఐఫోన్ 16 రూ. 51,999 ధరకు లభిస్తుంది.
ఐఫోన్ 16 ప్రో, ఐఫోన్ ప్రో మ్యాక్స్పై ఆఫర్లు : ఆపిల్ ఐఫోన్ 16 ప్రో, ఐఫోన్ ప్రో మాక్స్ 6.3, 6.9-అంగుళాల ప్రోమోషన్ ఎల్టీపీఓ ఓఎల్ఈడీ డిస్‌ప్లేలతో 1,600 నిట్స్ పీక్ బ్రైట్‌నెస్‌తో వస్తాయి. ఈ ఐఫోన్‌లు A18 ప్రో చిప్‌సెట్‌పై రన్ అవుతాయి. 64-బిట్ ఆర్కిటెక్చర్, 16-కోర్ న్యూరల్ ఇంజిన్‌ కలిగి ఉంటుంది.
కెమెరా విషయానికి వస్తే.. అదే 48MP ప్రైమరీ షూటర్‌తో వస్తుంది. కానీ, 48MP అల్ట్రా-వైడ్-యాంగిల్ లెన్స్, 5x ఆప్టికల్ జూమ్‌తో 12MP టెలిఫోటో లెన్స్ కలిగి ఉంటాయి. ఫ్రంట్ సైడ్ వెనిల్లా వేరియంట్ మాదిరిగా అదే 12MP సెల్ఫీ షూటర్ కలిగి ఉన్నాయి.
ఐఫోన్ 16 ప్రో ధర రూ. 74,999కు లిస్ట్ అయింది. ఈ ఐఫోన్ రూ. 5వేలు క్రెడిట్ కార్డ్ డిస్కౌంట్‌తో ధర రూ. 69,999కు తగ్గింపు పొందింది. మరోవైపు, ఐఫోన్ 16 ప్రో మ్యాక్స్ రూ. 94,999కు లభిస్తుంది. అలాగే రూ. 5వేలు క్రెడిట్ కార్డ్ డిస్కౌంట్ పొందవచ్చు. దాంతో ప్రస్తుత ఈ ప్రో మ్యాక్స్ ధర రూ. 89,999కు తగ్గింది.
