Redmi 13C 4G Launch : రెడ్మి 13C 4G ఫోన్ వచ్చేస్తోంది.. లాంచ్కు ముందే కీలక ఫీచర్లు లీక్.. ధర ఎంత ఉండొచ్చుంటే?
Redmi 13C 4G Launch : షావోమీ సబ్ బ్రాండ్ రెడ్మి నుంచి కొత్త 4G ఫోన్ వచ్చేస్తోంది. రెడ్మి 13C 4G ఫోన్ లాంచ్కు ముందే కీలక ఫీచర్లు లీకయ్యాయి. పూర్తి వివరాలను ఇప్పుడు తెలుసుకుందాం.
![Redmi 13C 4G Launch : రెడ్మి 13C 4G ఫోన్ వచ్చేస్తోంది.. లాంచ్కు ముందే కీలక ఫీచర్లు లీక్.. ధర ఎంత ఉండొచ్చుంటే? Redmi 13C 4G Launch : రెడ్మి 13C 4G ఫోన్ వచ్చేస్తోంది.. లాంచ్కు ముందే కీలక ఫీచర్లు లీక్.. ధర ఎంత ఉండొచ్చుంటే?](https://10tv.in/wp-content/uploads/2023/10/Redmi-13C-4G-Images-Colour-Options-Leaked-Specifications-Tipped-1.jpg)
Redmi 13C 4G Images, Colour Options Leaked, Specifications Tipped
Redmi 13C 4G Launch : ప్రముఖ చైనా స్మార్ట్ఫోన్ మేకర్ షావోమీ (Xiaomi) సబ్ బ్రాండ్ రెడ్మి నుంచి (Redmi 13C 4G) ఫోన్ అతి త్వరలో లాంచ్ అయ్యే అవకాశం ఉంది. గత డిసెంబర్ 2022లో ప్రవేశపెట్టిన (Redmi 12C)కి ఈ ఫోన్ అప్గ్రేడ్ వెర్షన్ అని చెప్పవచ్చు.
కంపెనీ స్మార్ట్ఫోన్ లాంచ్ తేదీని ధృవీకరించనప్పటికీ, ఈ ఏడాది చివరిలో రెడ్మి 13C ఫోన్ లాంచ్ అయ్యే అవకాశం ఉంది. గతంలో, ఈ ఫోన్ స్పెసిఫికేషన్లు, డిజైన్ రెండర్లు లీక్ అయ్యాయి. కొత్త నివేదిక ప్రకారం.. లీక్ అయిన లైవ్ ఇమేజ్లను, హ్యాండ్సెట్ రిటైల్ బాక్స్లను చూడవచ్చు. రాబోయే హ్యాండ్సెట్ ముఖ్య స్పెసిఫికేషన్లతో పాటు కలర్ ఆప్షన్లను సూచిస్తుంది.
ఫీచర్లు, స్పెషిఫికేషన్లు, ధర (అంచనా) :
రెడ్మి 13C 4G ఫోన్ రిటైల్ బాక్స్తో బ్లాక్, బ్లూ, గ్రీన్ కలర్ ఆప్షన్లలో కనిపిస్తుంది. ముందు కెమెరా డిస్ప్లే పైభాగంలో వాటర్డ్రాప్ నాచ్ ఉంటుంది. అయితే, ట్రిపుల్ బ్యాక్ కెమెరాలు బ్యాక్ ప్యానెల్లోని టాప్ లెఫ్ట్ కార్నర్లో 2 వృత్తాకార కెమెరా మాడ్యూల్స్లో ఉంటాయి. ఈ హ్యాండ్సెట్ కుడి అంచున వాల్యూమ్ రాకర్, పవర్ బటన్ కనిపిస్తాయి.
నివేదిక ప్రకారం.. రెడ్మి 13C ఫోన్ బ్లాక్, బ్లూ, గ్రీన్ కలర్ ఆప్షన్లలో వస్తుందని భావిస్తున్నారు. కొన్ని ప్రాంతాలలో ఈ 4G ఫోన్ ధర 100 డాలర్లు (సుమారు రూ. 8,300) కన్నా తక్కువగా ఉంటుంది. ఈ ఏడాది నవంబరు నాటికి ఫోన్ను లాంచ్ చేయవచ్చని నివేదిక తెలిపింది. రెడ్మి 13C ఫోన్ 3 ర్యామ్ స్టోరేజ్ వేరియంట్లలో (4GB + 128GB, 6GB + 128GB, 8GB + 256GB) వస్తుందని అంచనా వేస్తున్నట్లు నివేదిక తెలిపింది.
![Redmi 13C 4G Launch : రెడ్మి 13C 4G ఫోన్ వచ్చేస్తోంది.. లాంచ్కు ముందే కీలక ఫీచర్లు లీక్.. ధర ఎంత ఉండొచ్చుంటే? Redmi 13C 4G Images, Colour Options Leaked, Specifications Tipped](https://diey8xpfs90ha.cloudfront.net/wp-content/uploads/2023/10/Redmi-13C-4G-Images-Colour-Options-Leaked-Specifications-Tipped.jpg)
Redmi 13C 4G Colour Options Leaked
రెడ్మి 13C ఫోన్ 60Hz రిఫ్రెష్ రేట్తో 6.71-అంగుళాల HD+ డిస్ప్లే, 120Hz టచ్ శాంప్లింగ్ రేట్, 500నిట్స్ గరిష్ట ప్రకాశం స్థాయిని కలిగి ఉంటుందని భావిస్తున్నారు. మీడియా టెక్ హెలియో G96 SoC ద్వారా పవర్ పొందే అవకాశం ఉంది. ఈ ఫోన్ ఆండ్రాయిడ్ 12-ఆధారిత ఎంఐయూఐ 13పై రన్ అవుతుంది. ప్రైమరీ రియర్ కెమెరా సెన్సార్ 50MP సెన్సార్తో రానుందని భావిస్తున్నారు.
భారత్లో రెడ్మి 12C మోడల్ ఫోన్ 4GB + 128GB వేరియంట్ ధర రూ. 9,999 ఉండవచ్చు. మ్యాట్ బ్లాక్, మింట్ గ్రీన్, రాయల్ బ్లూ, లావెండర్ పర్పుల్ కలర్ ఆప్షన్లలో ఫోన్ అందుబాటులో ఉండవచ్చు. 6.71-అంగుళాల HD+ (1600 x 720 పిక్సెల్లు) LCD 60Hz డిస్ప్లేతో ఉన్న ఫోన్, ఆక్టా-కోర్ మీడియా టెక్ హెలియో G85 SoC, 10W వైర్డ్ ఛార్జింగ్ సపోర్ట్తో 5,000mAh బ్యాటరీని కలిగి ఉండవచ్చు.