జియో ఫైబర్ పోటీగా : టాప్ 3 బ్రాడ్‌బ్యాండ్ సర్వీసుల ఆఫర్లు ఇవే
- Published By: sreehari ,Published On : August 28, 2019 / 12:57 PM IST
రిలయన్స్ జియో గిగాఫైబర్ బ్రాడ్ బ్యాండ్ ఇంటర్నెట్ సర్వీసు అధికారికంగా సెప్టెంబర్ 5న లాంచ్ కానుంది. ఇండియాలో మూడో వార్సికోత్సవం సందర్భంగా జియో సర్వీసులను రిలయన్స్ ఇండస్ట్రీస్ లిమిటెడ్ ప్రారంభించనుంది. సంస్థ అధినేత ముఖేశ్ అంబానీ ప్రకటన ప్రకారం.. జియో ఫైబర్ సర్వీసు ద్వారా కస్టమర్లకు ఫిక్సడ్ లైన్ ఇంటర్నెట్ అందించనున్నారు. ఫిక్స్ డ్ ఇంటర్నెట్ కనెక్షన్ మాత్రమే కాకుండా జియో ఫైబర్ కనెక్షన్ ఫిక్స్ డ్ లైన్ ఫోన్ సర్వీసు, సెటప్ టాప్ బాక్సు, ఫ్రీగా 4K TV, జియో IoT సర్వీసులను కూడా ఆఫర్ చేస్తోంది. మొబైల్ డేటా మాదిరిగానే జియో ఫైబర్ సర్వీసు కూడా చౌకైన ధరకే అందుబాటులోకి రానుంది.
ఇప్పటికే బ్రాడ్ బ్యాండ్ సర్వీసును అందిస్తున్న ఇతర పోటీదారుల్లో ఎయిర్ టెల్, టాటా స్కై, యాక్ట్ ఫైబర్ నెట్ సర్వీసులకు కూడా మంచి క్రేజ్ ఉంది. జియో ఫైబర్ సర్వీసు రాకతో ఈ సర్వీసులపై తీవ్ర ప్రభావం పడే అవకాశం ఉంది. జియో దెబ్బకు ఇతర బ్రాడ్ బ్యాండ్ సర్వీసు ప్రొవైడర్లు కూడా తమ వినియోగదారులను ఆకర్షించేందుకు కొత్త ఆఫర్లు ప్రకటిస్తున్నారు. ఎయిర్ టెల్, టాటా స్కై, యాక్ట్ ఫైబర్ నెట్ బ్రాడ్ బ్యాండ్ సర్వీసులు అందించే ఆఫర్లు ఎలా ఉన్నాయో ఓసారి చూద్దాం.
Airtel V-Fiber :
ప్రముఖ టెలికం నెట్ వర్క్ ఎయిర్ టెల్ బ్రాడ్ బ్యాండ్ సర్వీసును నెలకు రూ.799 నుంచి ఆఫర్ చేస్తోంది. ఈ ఆఫర్ ద్వారా 40Mbps స్పీడ్ తో అందిస్తోంది. ఎంటర్ టైన్ డేటా ప్లాన్ కింద నెలకు రూ.1,099 చెల్లిస్తే 100Mbps స్పీడ్‌తో 300GB వరకు డేటా లిమిట్ పొందవచ్చు. అదనంగా 1000GB బోనస్ డేటాను ఢిల్లీ సర్కిల్ వినియోగదారులకు అందుబాటులో ఉంటుంది. ఈ ప్లాన్ ద్వారా సబ్ స్ర్కిప్షన్ సర్వీసులైన అమెజాన్ ప్రైమ్, నెట్ ఫ్లిక్స్, జీ5 ప్రీమియం, ఎయిర్ టెల్ టీవీ ప్రీమియం కూడా పొందవచ్చు.
Tata Sky బ్రాడ్ బ్యాండ్ :
ప్రముఖ బ్రాడ్ క్యాస్ట్ సర్వీసు ప్రొవైడర్ టాటా స్కై కూడా బ్రాడ్ బ్యాండ్ సర్వీసు అందిస్తోంది. ప్రారంభ ధర నెలకు రూ.999 నుంచి డేటా ఆఫర్లు అందుబాటులో ఉన్నాయి. రూ.999తో రీఛార్జ్ చేసుకుంటే 25Mbps స్పీడ్ డేటా పొందవచ్చు. రిలయన్స్ జియో ఫైబర్ సర్వీసు కంటే ఇది తక్కువనే చెప్పాలి. ఈ డేటా ప్లాన్‌లో ఎలాంటి డేటా లిమిట్ ఆఫర్ లేదు. ఉచితంగా రూటర్ పొందవచ్చు. రూ.1599 డేటా ప్లాన్ ద్వారా 100Mbps స్పీడ్ డేటా ఆఫర్ చేస్తోంది. జియో ఫైబర్ సర్వీసు మాదిరిగా ఉచితంగా ఇన్ స్టాలేషన్ ఆఫర్ లేదు.
ACT Fibernet :
ప్రముఖ బేసిక్ యాక్ట్ ఫైబర్ నెట్ బ్రాడ్ బ్యాండ్ సర్వీసులో కూడా మంచి డేటా ఆఫర్లు ఉన్నాయి. యాక్ట్ సిల్వర్ ప్రొమో కింద ప్రారంభ ధర రూ.749 ప్లాన్ పొందవచ్చు. ఈ డేటా ప్లాన్ పై 100Mbps స్పీడ్‌తో 500GB వరకు డేటా లిమిట్ పొందవచ్చు. యాక్ట్ ప్లాటీనం ప్రొమో ప్లాన్ కింద ACT ఫైబర్ నెట్ 150Mbps స్పీడ్ తో 1000GB డేటా లిమిట్ అందిస్తోంది. అంతేకాదు.. ACT ఎంటర్ టైన్ మెంట్ ప్లాన్ యాక్టివేషన్ ద్వారా ఓటీటీ స్ట్రీమింగ్ ప్లాట్ ఫాం సర్వీసులైన Netflix సబ్ స్రిప్షన్ యాక్టివేట్ చేసుకోవచ్చు.
