Tecno Spark Go 2024 : భారీ బ్యాటరీతో టెక్నో స్పార్క్ గో 2024 ఫోన్ ఇదిగో.. ఫీచర్లు చూస్తే ఫిదానే.. ధర ఎంతంటే?

Tecno Spark Go 2024 : కొత్త ఫోన్ కొనేందుకు చూస్తున్నారా? భారీ బ్యాటరీతో టెక్నో స్పార్క్ గో 2024 ఎడిషన్ వచ్చేసింది. అద్భుతమైన ఫీచర్లతో మొత్తం 4 కలర్ ఆప్షన్లలో అందుబాటులో ఉంది.

Tecno Spark Go 2024 : టెక్నో స్పార్క్ గో 2024 ఇటీవల మలేషియా, ఫిలిప్పీన్స్‌లో లాంచ్ అయింది. ఆయా ప్రాంతాల్లోని కంపెనీ వెబ్‌సైట్‌లో ఈ కొత్త టెక్నో ఫోన్ జాబితా అయింది. ఈ ఏడాది ప్రారంభంలో జనవరిలో ప్రవేశపెట్టిన టెక్నో స్పార్క్ గో 2023కు అప్‌గ్రేడ్ వెర్షన్. 2023 మోడల్ క్వాడ్-కోర్ మీడియాటెక్ హెలియో ఎ22 ఎస్ఓసీ, 10డబ్ల్యూ వైర్డ్ ఛార్జింగ్ సపోర్ట్‌తో 5,000ఎంఎహెచ్ బ్యాటరీతో వచ్చింది. 2024 మోడల్ ఒకే విధమైన బ్యాటరీ, ఛార్జింగ్ స్పెసిఫికేషన్‌లను అందించింది. కానీ, యూనిసెక్ టీ606 చిప్‌సెట్‌తో వచ్చింది. ఈ హ్యాండ్‌సెట్ మొత్తం 4 కలర్ ఆప్షన్లలో కొనుగోలుకు అందుబాటులో ఉంది.

Read Also : OpenAI Employees Protest : సామ్ ఆల్ట్‌మన్‌ను తిరిగి తీసుకోండి.. లేదంటే మేమంతా వెళ్లిపోతాం : ఓపెన్ఏఐకి ఉద్యోగుల అల్టిమేటం!

టెక్నో స్పార్క్ గో 2024 ధర వివరాలివే :

ఆల్పెంగ్లో గోల్డ్, గ్రావిటీ బ్లాక్, మ్యాజిక్ స్కిన్, మిస్టరీ వైట్ కలర్ ఆప్షన్‌లలో లభ్యమవుతున్న ఈ ఫోన్ మలేషియాలో 4జీబీ+128జీబీ వేరియంట్‌కు ఆర్ఎమ్ 399 (సుమారు రూ. 7,200)గా ఉంది. ఫిలిప్పీన్స్‌లో ఇదే ఆప్షన్ పీహెచ్‌పీ 3,899 (సుమారు రూ. 5,900) వద్ద జాబితా అయింది. పీహెచ్‌పీ 2,519 (దాదాపు రూ. 3,800) ప్రారంభ బర్డ్ ఆఫర్‌తో నవంబర్ 20న స్థానిక కాలమానం ప్రకారం.. తెల్లవారుజామున 2 గంటలకు అందుబాటులో ఉంటుంది. నవంబర్ 25 నుంచి ఫిలిప్పీన్స్‌లో ఈ ఫోన్ సేల్ ప్రారంభం కానుంది.

టెక్నో స్పార్క్ గో 2024 స్పెసిఫికేషన్‌లు, ఫీచర్లు :
టెక్నో స్పార్క్ గో 2024 ఫోన్ 6.6-అంగుళాల హెచ్‌డీ ప్లస్(1,612 x 720 పిక్సెల్‌లు) ఎల్‌సీడీ డిస్‌ప్లే, 90హెచ్‌జెడ్ రిఫ్రెష్ రేట్, డైనమిక్ పోర్ట్ ఫీచర్‌ను కలిగి ఉంది. స్క్రీన్ పైభాగంలో ఉంచిన డైనమిక్ పోర్ట్ అనేది ఆపిల్ డైనమిక్ ఐలాండ్ నుంచి ప్రేరణ పొందిన పిల్-ఆకారపు పాప్-అప్ యానిమేషన్ కలిగి ఉంది. హార్డ్‌వేర్ విషయానికొస్తే.. టెక్నో స్పార్క్ గో 2024 యూనిసెక్ టీ606 ఎస్ఓసీ ద్వారా మాలి జీ57 జీపీయూతో వస్తుంది. 4జీబీ ర్యామ్ (8GG వరకు పొడిగించవచ్చు). మైక్రో ఎస్‌డీ ద్వారా 1టీబీ వరకు విస్తరించదగిన 128జీబీ వరకు ఇంటర్నల్ స్టోరేజీని కలిగి ఉంది. ఆండ్రాయిడ్ టీ-గో ఎడిషన్ ఓఎస్‌పై ఫోన్ రన్ అవుతుంది.

ఆప్టిక్స్ విషయానికి వస్తే.. టెక్నో స్పార్క్ గో 2024లో 13ఎంపీ ప్రైమరీ రియర్ ఏఐ-కెమెరాలు ఉన్నాయి. ముందు కెమెరా, డిస్‌ప్లే పైభాగంలో సెంటర్-అలైన్డ్ హోల్-పంచ్ స్లాట్‌లో 8ఎంపీ సెన్సార్‌ను ఉపయోగిస్తుంది. టెక్నో స్పార్క్ గో 2024 మోడల్ 10డబ్ల్యూ వైర్డు ఛార్జింగ్‌తో 5,000ఎంఎహెచ్ బ్యాటరీని కలిగి ఉంది. యూఎస్‌బీ టైప్-సీ పోర్ట్‌ను పొందుతుంది. సైడ్-మౌంటెడ్ ఫింగర్‌ప్రింట్ సెన్సార్‌ను కలిగి ఉంది. డ్యూయల్-సిమ్-సపోర్ట్ చేసే ఫోన్ 4జీ, వై-ఫై, బ్లూటూత్, జీపీఎస్ కనెక్టివిటీని కూడా అందిస్తుంది. ఈ హ్యాండ్‌సెట్ పరిమాణం 163.69ఎమ్ఎమ్x 75.6ఎమ్ఎమ్ x 8.55ఎమ్ఎమ్ వరకు ఉంటుంది.

Read Also : Apple iPhone 16 : అద్భుతమైన ఫీచర్లతో ఆపిల్ ఐఫోన్ 16 వచ్చేస్తోంది.. కొత్త లీక్ డేటా ఇదిగో..!