ఈ ఎలక్ట్రిక్ కారు కోసం పిచ్చెక్కిపోతున్న జనం.. హాట్ కేకుల్లా సేల్.. బుకింగ్ ఓపెన్ చేసిన జస్ట్ గంటలో..

టాటా హారియర్ సైజులో ఉండే ఈ ఎలక్ట్రిక్ ఎస్‌యూవీ కేవలం రూ.13 లక్షలకు మాత్రమే వస్తుందంటే దీన్ని ఎవరు వదులుకుంటారు చెప్పండి.

ఇతర దేశాలన్నింటి కంటే చైనాలో తక్కువ ఖర్చుతో కూడిన ఎలక్ట్రిక్ కార్లను లాంచ్ చేస్తుంటారు. అయినప్పటికీ, జపాన్‌ బ్రాండ్‌కు చెందిన ఓ కార్ చైనాలో ప్రస్తుతం సంచలనం సృష్టిస్తోంది.

టయోటా బిజెడ్ 3 ఎక్స్ కార్లు చైనాలో తాజాగా మార్కెట్లోకి వచ్చాయి. కేవలం రూ.13 లక్షలకు వస్తున్న ఈ కారును బుక్‌ చేసుకోవడానికి చాలా మంది ఒకేసారి ప్రయత్నించడంతో టయోటా బుకింగ్ సిస్టమ్‌ క్రాష్ అయిపోయింది.

టాటా హారియర్ సైజులో ఉండే ఈ ఎలక్ట్రిక్ ఎస్‌యూవీ కేవలం రూ.13 లక్షలకు మాత్రమే వస్తుందంటే దీన్ని ఎవరు వదులుకుంటారు చెప్పండి. అందుకే ఇది చైనా బ్రాండ్‌ కాకపోయినప్పటికీ చైనీయులు తెగ బుకింగ్‌లు చేసుకుంటున్నారు.

బుకింగ్‌లు ప్రారంభించిన కేవలం గంట వ్యవధిలోనే 10,000 బుకింగ్‌లు వచ్చాయి. టయోటా BZ3X ఎలక్ట్రిక్ ఎస్‌యూవీని చైనా వాహన తయారీదారు జీఏసీ భాగస్వామ్యంతో తీసుకొచ్చింది. భారీగా బుకింగ్స్ వస్తుండడంతో బుకింగ్స్ సిస్టమ్‌ క్రాష్ అయిందని ఎంతగా దీని కోసం ఎగబడుతున్నారో అర్థం చేసుకోవచ్చు.

Also Read: 4 ఎమ్మెల్సీల్లో రెండు మాత్రమే దక్కుతాయని నిరాశ.. ఇంకా రెండు సీట్లు ఎవరికి? హస్తంలో ఆశావహుల పరిస్థితి ఏంటి?

బ్యాటరీ పవర్ ఎంత?

430 ఎయిర్, 430 ఎయిర్+ మోడల్స్: ఇవి 50.03 kWh బ్యాటరీతో వచ్చాయి. పూర్తిగా ఛార్జ్ చేస్తే 430 కిలోమీటర్లు ప్రయాణిస్తాయి.
520 ప్రో, 520 ప్రో+ మోడల్స్: ఇవి 58.37 kWh బ్యాటరీతో వచ్చాయి. పూర్తిగా ఛార్జ్ చేస్తే 520 కిలోమీటర్లు ప్రయాణిస్తాయి.

ఇక 610 మ్యాక్స్ టాప్ మోడల్ 67.92 kWh బ్యాటరీతో వచ్చింది. పూర్తిగా ఛార్జ్ చేస్తే 610 కి.మీ వరకు ప్రయాణిస్తుంది. బేస్ 430 ఎయిర్ మోడల్ ధరలు CNY 109,800 (సుమారు రూ. 13 లక్షలు) నుంచి ప్రారంభమవుతాయి.

టాప్ 610 మ్యాక్స్ మోడల్ ధరలు CNY 159,800 (సుమారు రూ.19 లక్షలు) వరకు ఉన్నాయి. ఎయిర్, ప్రో మోడళ్లు 204 bhp సింగిల్ ఎలక్ట్రిక్ మోటారుతో వచ్చాయి. అయితే మాక్స్ మోడల్ మరింత శక్తిమంతమైన 224 bhp సింగిల్ ఎలక్ట్రిక్ మోటారుతో వచ్చింది.

టయోటా bZ3X మిగతా ఫీచర్లు

• సైజు: ఇది 4,600 మిల్లీమీటర్ల పొడవు, 1,875 మిల్లీమీటర్ల వెడల్పు, 1,645 మిల్లీమీటర్ల ఎత్తు, 2,765 మిల్లీమీటర్ల వీల్‌బేస్ (ముందు , వెనుక చక్రాల మధ్య దూరం).
• డిజైన్: ఇది ఆధునిక ఎల్‌ఈడీ లైట్లు, పెద్ద చక్రాలు, కఠినమైన బాడీ క్లాడింగ్‌లు, ఫ్లష్ డోర్ హ్యాండిల్స్, మెరిసే క్రోమ్ యాక్సెంట్‌లు, కూల్ బ్లాక్ రూఫ్, పిల్లర్‌లతో వచ్చింది.
• ఛార్జింగ్ పోర్ట్: ఛార్జింగ్ పోర్ట్ కారు ముందు కుడి వైపున ఉంది.
• అటానమస్ డ్రైవింగ్: LiDAR సెన్సార్‌తో విండ్‌షీల్డ్ పైన ఒక ప్రత్యేక బల్బ్ ఉంది.