NEET-UG Retest : నీట్ యూజీ 2024 విద్యార్థుల కోసం రీటెస్ట్‌.. 48 శాతం మంది డుమ్మా..!

NEET-UG Retest : సుప్రీంకోర్టు ఆదేశాల తర్వాత, గ్రేస్ మార్కులు పొందిన 1,563 మంది విద్యార్థులు ఈరోజు రీటెస్టుకు అర్హత సాధించారని ఎన్టీఏ తెలిపింది. మొత్తంగా, 813 మంది (52 శాతం) రీటెస్ట్‌కు హాజరయ్యారు.

NEET-UG Retest : నీట్ యూజీ 2024 విద్యార్థుల కోసం రీటెస్ట్‌.. 48 శాతం మంది డుమ్మా..!

750 Of 1,563 Students Skipped NEET-UG Retest ( image Resource : Google )

NEET-UG Retest : నీట్ యూజీ 2024 పరీక్ష పేపర్ లీకేజీ వ్యవహారంలో అవకతవకలు జరిగాయనే ఆరోపణల నేపథ్యంలో నేషనల్ టెస్టింగ్ ఏజెన్సీ (NTA) నీట్ విద్యార్థుల కోసం రీటెస్ట్ నిర్వహించింది. ఆదివారం (జూన్ 23) నిర్వహించిన ఈ నీట్ యూజీ రీటెస్టుకు అనేక మంది విద్యార్థులు డుమ్మా కొట్టారు. దేశంలోని పలు ప్రాంతాల్లోని గ్రేస్ మార్కులు సాధించిన 1563 మంది విద్యార్థులకు నీట్ పరీ నిర్వహించింది. ఈరోజు నీట్‌-యూజీని మళ్లీ రాయాల్సిన విద్యార్థుల్లో 48 శాతం మంది హాజరు కాలేదని నేషనల్ టెస్టింగ్ ఏజెన్సీ (ఎన్‌టీఏ) ఒక ప్రకటనలో తెలిపింది.

Read Also : Realme V60 Series : కొత్త ఫోన్ కొంటున్నారా? భారీ బ్యాటరీతో రియల్‌మి V60 సిరీస్ ఇదిగో.. ఫీచర్లు అదుర్స్, ధర ఎంతంటే?

సుప్రీంకోర్టు ఆదేశాల తర్వాత, గ్రేస్ మార్కులు పొందిన 1,563 మంది విద్యార్థులు ఈరోజు రీటెస్టుకు అర్హత సాధించారని ఎన్టీఏ తెలిపింది. మొత్తంగా, 813 మంది (52 శాతం) రీటెస్ట్‌కు హాజరయ్యారు. 750 మంది విద్యార్థులు గైర్హజరయ్యారు. ఎన్టీఏ ఛత్తీస్‌గఢ్, గుజరాత్, హర్యానా, మేఘాలయ, కేంద్ర పాలిత ప్రాంతమైన చండీగఢ్‌లలో ఏడు పరీక్షా కేంద్రాలను ప్రారంభించింది. ఎంత మంది విద్యార్థులు మళ్లీ పరీక్షకు హాజరు కాగా.. ఎంతమంది గైర్హాజరు అయ్యారనే స్థానాల జాబితాను రివీల్ చేసింది.

మే 5న జరిగిన మెడికల్ ప్రవేశ పరీక్ష నీట్-యూజీలో అవకతవకలు జరిగాయన్న ఆరోపణలపై సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) ఫస్ట్ ఇన్ఫర్మేషన్ రిపోర్ట్ (ఎఫ్‌ఐఆర్) దాఖలు చేసిన రోజున ఈ రీటెస్ట్ జరిగింది. వీరి ఫిర్యాదు మేరకు సీబీఐ కేసు నమోదు చేసింది.

ఇప్పుడు, ఎఫ్‌ఐఆర్‌లో భాగమైన ఫిర్యాదులో మంత్రిత్వ శాఖ ఆరోపించినట్లు పరీక్ష నిర్వహణ సమయంలో కొన్ని రాష్ట్రాల్లో కొన్ని ఏకాంత సంఘటనలు జరిగాయని అధికారులు తెలిపారు. ఈ కేసుకు అత్యంత ప్రాధాన్యతనిస్తూ ప్రశ్నపత్రం లీకేజీపై పోలీసులు కేసులు నమోదు చేసిన గోద్రా, పాట్నాలకు వెళ్లేందుకు సీబీఐ ప్రత్యేక బృందాలను ఏర్పాటు చేసింది. గుజరాత్, బీహార్‌లో పోలీసులు దాఖలు చేసిన కేసుల దర్యాప్తును సీబీఐ చేపట్టనుంది.

నీట్-యూజీ సమయంలో అక్రమాలకు పాల్పడినందుకు దేశవ్యాప్తంగా 63 మంది అభ్యర్థులు డిబార్‌ అయ్యారని ఎన్టీఏ తెలిపింది. వీరిలో బీహార్ నుంచి 17 మంది, గోద్రా నుంచి 30 మంది ఉన్నారు. నీట్ యూజీ 2024 పరీక్షను రద్దు చేయాలని, కోర్టు పర్యవేక్షణలో దర్యాప్తును కోరుతూ దాఖలైన పిటిషన్‌లతో సహా వివిధ పిటిషన్లపై కేంద్రం, ఎన్టీఏ నుంచి సుప్రీంకోర్టు వివరణ కోరింది. వివిధ హైకోర్టుల్లో ఇలాంటి పిటిషన్లపై విచారణను కూడా సుప్రీంకోర్టు నిలిపివేసింది.

Read Also : OnePlus Nord CE 4 Lite 5G : వన్‌ప్లస్ నార్డ్ సీఈ 4 లైట్ 5జీ ఫోన్ వచ్చేస్తోంది.. భారత్‌లో ధర, స్పెషిఫికేషన్లు ఉండొచ్చుంటే?