Minorities Scholarship: తెలంగాణ విద్యార్థులకు గుడ్ న్యూస్.. విదేశీ విద్యకోసం రూ.20 లక్షలు.. పూర్తి వివరాలు మీకోసం
సీఎం ఓవర్సీస్ స్కాలర్షిప్ ఫర్ మైనారిటీస్ పథకం కింద ఎంపికైన విద్యార్థులకు ప్రతి ఒక్కరికి రూ.20 లక్షల ఆర్థిక సహాయం అందించనున్నారు.
- Published By: 10TV Digital Team ,Published On : June 15, 2025 / 09:41 AM IST
CM Overseas Scholarship for Minorities
తెలంగాణలోని మైనారిటీ విద్యార్థులకు రాష్ట్ర ప్రభుత్వం గుడ్ న్యూస్ చెప్పింది. సీఎం ఓవర్సీస్ స్కాలర్షిప్ ఫర్ మైనారిటీస్ పథకం కింద ఎంపికైన విద్యార్థులకు ప్రతి ఒక్కరికి రూ.20 లక్షల ఆర్థిక సహాయం అందించనున్నారు. తెలంగాణ రాష్ట్ర ప్రభుత్వం ప్రతి సంవత్సరం ఈ పథకం కింద విద్యార్థులకు ఉపకార వేతనం అందిస్తుంది. చాలా మంది విద్యార్థులు ఇప్పటికే విదేశాల్లో ఉన్నత విద్యను అభ్యసిస్తున్నారు. అలాగే ఈ సంవత్సరం కూడా ఆర్ధిక సహాయాన్ని అందించనున్నారు. దరఖాస్తు చేసుకోవడానికి చివరి తేదీ జూన్ 30.
అర్హత: దరఖాస్తు చేసుకునే విద్యార్థులు తెలంగాణ నివాసితులై ఉండాలి. ఇస్లాం, సిక్, క్రిస్టియన్, బౌద్ధ, జైన, పార్సి వర్గాలకు చెందినవారై ఉండాలి. గ్రాడ్యుయేషన్‌లో కనీసం 60% మార్కులు సాదించాలి. కుటుంబ వార్షిక ఆదాయం 5 లక్షలు మించకూడదు. పీజీ, పీహెచ్‌డీ కోర్సులకు యూనివర్సిటీ నుంచి ఆఫర్ లెటర్ పొందాలి.
వయోపరిమితి: దరఖాస్తు చేసుకునే అభ్యర్థి వయసు 35 సంవత్సరాలు మించకూడదు.
అవసరమైన పత్రాలు: విద్యా అర్హత సర్టిఫికెట్లు, ఆధార్ కార్డ్, పాస్ ఫోటో, ఆదాయ ధ్రువీకరణ పత్రం, కమ్యూనిటీ సర్టిఫికెట్, యూనివర్సిటీ అడ్మిషన్ లెటర్, ఐఈఎల్టీఎస్, జీఆర్ఈ స్కోర్ కార్డు.
అధికారిక వెబ్ సైట్ www.telanganaepass.cgg.gov.in ద్వారా దరఖాస్తు చేసుకోవచ్చు.
