NHPC Job Vacancies : నేషనల్ హైడ్రో ఎలక్ట్రిక్ పవర్ లిమిటెడ్ లో ఉద్యోగ ఖాళీల దరఖాస్తుకు జనవరి 25తో ముగియనున్న గడువు!
దరఖాస్తు చేసుకునే అభ్యర్ధుల అర్హతల విషయానికి వస్తే ట్రైనీ ఇంజనీర్ సివిల్, ట్రైనీ ఇంజినీర్ ఎలక్ట్రికల్, ట్రైనీ ఇంజినీర్ మెకానికల్ పోస్టులకు గేట్ 2022 ర్యాంకుల అధారంగా ఎంపిక చేస్తారు.
- Published By: 10TV Digital Team ,Published On : January 17, 2023 / 11:17 AM IST
The deadline for applying for job vacancies in National Hydro Electric Power Limited will end on January 25!
NHPC Job Vacancies : ప్రభుత్వ రంగంలోని మినీ రత్న కంపెనీ నేషనల్ హైడ్రో ఎలక్ట్రిక్ పవర్ లిమిటెడ్ లో ఉద్యోగ ఖాళీల భర్తీ చేపట్టనున్నారు. ఈ నోటిఫికేషన్ ద్వారా మొత్తం 401 పోస్టులను భర్తీ చేయనున్నారు.
భర్తీ చేయనున్న ఖాళీల వివరాలను పరిశీలిస్తే ట్రైనీ ఇంజనీర్ సివిల్ 136 పోస్టులు, ట్రైనీ ఇంజనీర్ ఎలక్ట్రికల్ 41 పోస్టులు, ట్రైనీ ఇంజినీర్ మెకానికల్ 108 పోస్టులు, ట్రైనీ ఆఫీసర్ ఫైనాన్స్ 99 పోస్టులు, ట్రైనీ ఆఫీసర్ హెచ్ ఆర్ 14 పోస్టులు, ట్రైనీ ఆఫీసర్ లా 3 పోస్టులు ఉన్నాయి.
దరఖాస్తు చేసుకునే అభ్యర్ధుల అర్హతల విషయానికి వస్తే ట్రైనీ ఇంజనీర్ సివిల్, ట్రైనీ ఇంజినీర్ ఎలక్ట్రికల్, ట్రైనీ ఇంజినీర్ మెకానికల్ పోస్టులకు గేట్ 2022 ర్యాంకుల అధారంగా ఎంపిక చేస్తారు. ట్రైనీ ఫైనాన్స్ ఆఫీసర్ పోస్టులకు సీఏ, సీఎంఏ ఇంటర్మీడియట్, ఫైనల్ అగ్రిగేట్ స్కోర్ అధారంగా ఎంపిక చేస్తారు.
ట్రైనీ ఆఫీసర్ లా పోస్టులకు సెలక్షన్ ప్రాసెస్ క్లాట్ 2022 ఎగ్జామినేషన్ , ఎల్ఎల్ఎం, పీజీ కోర్సుల అడ్మిషన్ అధారంగా, ట్రైనీ ఆఫీసర్ హెచ్ ఆర్ పోస్టులకు యూజీసీ నెట్ డిసెంబర్ 2021, జూన్ 2022 స్కోర్ అధారంగా ఎంపిక చేస్తారు.
దరఖాస్తు చేసుకునే అభ్యర్ధుల వయోపరిమితి 30 సంవత్సరాలకు మించరాదు. అభ్యర్ధులు ఆన్ లైన్ ద్వారా దరఖాస్తు చేసుకోవాల్సి ఉంటుంది. దరఖాస్తులకు చివరి తేది జనవరి 25, 2023గా నిర్ణయించారు. పూర్తి వివరాలకు వెబ్ సైట్ ; http://www.nhpcindia.com పరిశీలించగలరు.
