ఫస్ట్ టైమ్ దొరికినా డ్రైవింగ్ లైసెన్స్ రద్దు : మందుబాబులకు షాక్

మందుబాబులకు దిమ్మతిరిగే షాక్ ఇచ్చారు సైబరాబాద్ పోలీసులు. ఇకపై తాగి రోడ్డెక్కితే తాట తీస్తారు. తాగుబోతులను కట్టడి చేసేందుకు కీలక నిర్ణయం తీసుకున్నారు. తాగి వాహనం

మందుబాబులకు దిమ్మతిరిగే షాక్ ఇచ్చారు సైబరాబాద్ పోలీసులు. ఇకపై తాగి రోడ్డెక్కితే తాట తీస్తారు. తాగుబోతులను కట్టడి చేసేందుకు కీలక నిర్ణయం తీసుకున్నారు. తాగి వాహనం

మందుబాబులకు దిమ్మతిరిగే షాక్ ఇచ్చారు సైబరాబాద్ పోలీసులు. ఇకపై తాగి రోడ్డెక్కితే తాట తీస్తారు. మద్యం సేవించి డ్రైవింగ్ చేసే తాగుబోతులను కట్టడి చేసేందుకు కీలక నిర్ణయం తీసుకున్నారు. తాగి వాహనం నడుపుతూ మొదటిసారి పట్టుబడినా.. ఆ వాహనదారుడి డ్రైవింగ్ లైసెన్స్ రద్దు చేయాలని సైబరాబాద్ పోలీసులు నిర్ణయించారు. గతంలో రెండు మూడు ఛాన్సులు ఇచ్చేవారు. డ్రంకెన్ డ్రైవింగ్ లో ఫస్ట్ టైమ్ దొరికితే.. ఫైన్ వేసి వదిలేసే వారు. కొన్ని సందర్భాల్లో జైలు శిక్ష కూడా విధిస్తున్నారు. కౌన్సిలింగ్ లు ఇచ్చి వదిలిపెట్టేవారు.

తాగి వాహనం  నడుపుతూ మూడు సార్లు పట్టుబడితే సీరియస్ గా యాక్షన్ తీసుకునే వారు. డ్రైవింగ్ లైసెన్స్ రద్దు చేసేవారు. అయితే ఇకపై ఉపేక్షించకూడదని పోలీసులు నిర్ణయించారు. ఇకపై  మద్యం తాగి వాహనం నడిపితే చాలు.. డ్రైవింగ్ లైసెన్స్ రద్దు చేయాలని డిసైడ్ అయ్యారు. 

ఎన్ని వార్నింగ్ లు ఇస్తున్నా, ఫైన్లు వేస్తున్నా, జైలుకి పంపిస్తున్నా.. హైదరాబాద్ నగరంలో మందుబాబుల్లో మార్పు రావడం లేదు. డ్రింక్ చేసి వాహనాలు నడుపుతున్నారు. ఈ క్రమంలో ప్రమాదాలకు కారణం అవుతున్నారు. వారి ప్రాణాలు పొగొట్టుకోవడమే కాకుండా అమాయకుల ప్రాణాలు తీస్తున్నారు. రోడ్డు ప్రమాదాల్లో ఎక్కువగా మద్యం తాగి డ్రైవింగ్ చేయడం వల్ల జరుగుతున్నాయి.

దీంతో పోలీసులు సీరియస్ గా దీనిపై ఫోకస్ పెట్టారు. కఠిన నిర్ణయాలు తీసుకోవడానికి రెడీ అయ్యారు. డ్రైవింగ్ లైసెన్స్ రద్దు చేస్తే కానీ బుద్ధి రాదని డిసైడ్ అయ్యారు. అలాగే అతివేగంతో డ్రైవింగ్ చేసే వారి తాట తీయాలని పోలీసులు భావిస్తున్నారు. వారి డ్రైవింగ్ లైసెన్స్ కూడా రద్దు చేయాలని నిర్ణయించినట్టు తెలుస్తోంది. సో.. మందుబాబులు.. బీ కేర్ ఫుల్.. ఇకపై ఎక్స్ క్యూజ్ లు ఉండవు. తాగి రోడ్డు ఎక్కితే.. భారీ మూల్యం చెల్లించుకోక తప్పదు.