జకార్తాలోని 7 అంతస్తుల భవనంలో అగ్నిప్రమాదం.. గర్భిణి సహా 20 మంది సజీవ దహనం

ఇండొనేషియాలోని ఆ కార్యాలయం మైనింగ్ నుంచి వ్యవసాయం వరకు అన్ని రంగాల్లో క్లయింట్లకు వైమానిక సర్వే కార్యకలాపాల కోసం డ్రోన్ సేవలు అందిస్తుంది.

జకార్తాలోని 7 అంతస్తుల భవనంలో అగ్నిప్రమాదం.. గర్భిణి సహా 20 మంది సజీవ దహనం

Updated On : December 9, 2025 / 4:45 PM IST

Jakart: ఇండొనేషియా రాజధాని జకార్తాలో ఓ కార్యాలయ భవనంలో అగ్నిప్రమాదంలో సంభవించి 20 మంది మృతి చెందారు. మరి కొందరు ఆ భవనంలోనే చిక్కుకుపోయారు.

మృతుల్లో ఐదుగురు పురుషులు, 15 మంది మహిళలు ఉన్నారు. మరణించిన వారిలో ఒక గర్భిణి కూడా ఉంది.

మంటలు ఏడు అంతస్తుల భవనం మొత్తం వ్యాపించాయని, గాలిలోకి దట్టమైన నల్ల పొగ ఎగిసిపడుతోందని పోలీసు అధికారులు చెప్పారు. ఈ అగ్ని ప్రమాదం వల్ల సెంట్రల్ జకార్తాలోని ప్రజలు భయాందోళనలు చెందారు.

Also Read: నడిరోడ్డుపై రూ.50 వేలు పారేసుకున్న మహిళ.. క్షణాల వ్యవధిలో బైక్‌ ఆపి తీసుకుని, పరిగెత్తుకెళ్లిన యువకుడు

స్థానిక కొంపాస్ టీవీ తెలిపిన వివరాల ప్రకారం.. మంటలను ఆర్పేశారు కానీ, భవనంలో చిక్కుకున్నవారిని బయటకు తీయడానికి ప్రయత్నాలు కొనసాగుతున్నాయి.

ఇండొనేషియాలోని ఆ కార్యాలయం మైనింగ్ నుంచి వ్యవసాయం వరకు అన్ని రంగాల్లో క్లయింట్లకు వైమానిక సర్వే కార్యకలాపాల కోసం డ్రోన్ సేవలు అందిస్తుంది.

“మొదటి అంతస్తులో ఒక బ్యాటరీకి మంటలు అంటుకున్నాయి. ఓ ఉద్యోగి దాన్ని ఆర్పే ప్రయత్నం చేశాడు. ఆ తరువాత ఆ బ్యాటరీ మంట వ్యాపించి, చెలరేగింది. మొదటి అంతస్తును ఒక గోదాములా వాడుతున్నారు. అందుకే మంటలు త్వరగా చెలరేగాయి” అని అధికారులు వ్యాఖ్యానించారు.