శ్రీలంకలో ఘోర బస్సు ప్రమాదం.. 21 మంది మృతి.. మరో 14 మందికి తీవ్రగాయాలు.. ఎలా జరిగిందంటే?
ప్రమాదం జరిగిన సమయంలో బస్సులో దాదాపు 50 మంది ఉన్నారని అధికారులు తెలిపారు.
- Published By: 10TV Digital Team ,Published On : May 11, 2025 / 04:30 PM IST
శ్రీలంక భారీ బస్సు ప్రమాదం జరిగి 21 మంది మృతి చెందారు. మరో 14 మందికి తీవ్రగాయాలయ్యాయి. తేయాకు పండించే ఓ కొండ ప్రాంతంలో ఇవాళ ప్రయాణీకులతో వెళ్తున్న ఓ బస్సు కొండపై నుంచి జారిపడిందని అధికారులు తెలిపారు.
శ్రీలంక రాజధాని కొలంబోకు తూర్పున 140 కిలోమీటర్ల దూరంలో ఉన్న కోట్మలే పట్టణానికి సమీపంలో ఒక పర్వత ప్రాంతంలో ఈ ప్రమాదం జరిగింది. ఈ ప్రమాదం గురించి రవాణ, రహదారుల ఉప మంత్రి ప్రసన్న గుణసేన మీడియాకు వివరాలు తెలిపారు.
Also Read: రూ.25,000లోపే 6 ఖతర్నాక్ స్మార్ట్‌ఫోన్లు.. వీటిలో ఏది కొంటారో మీ ఇష్టం..
ఈ ప్రమాదంలో 21 మంది మృతి చెందారని, గాయాలపాలైన మరో 14 మందికి ఆసుపత్రులలో చికిత్స అందిస్తున్నామని ప్రసన్న గుణసేన అన్నారు. ప్రమాదం జరిగిన ప్రాంతంలో స్థానికులు, పోలీసులు సహాయక చర్యలు కొనసాగిస్తున్నారు.
ఈ బస్సు ప్రమాదంలో డ్రైవర్ కూడా గాయపడ్డాడు. ప్రమాదం జరిగిన సమయంలో బస్సులో దాదాపు 50 మంది ఉన్నారని అధికారులు తెలిపారు. ఆ బస్సు ప్రభుత్వ సంస్థకు చెందినదని పోలీసులు చెప్పారు. శ్రీలంకలోని పర్వత ప్రాంతాలలో నిర్లక్ష్యంగా డ్రైవింగ్ చేయడం వల్ల ఇటువంటి ప్రమాదాలు తరుచూ జరుగుతుంటాయి. అలాగే, అక్కడి రోడ్ల నిర్వహణ కూడా సరిగ్గా ఉండదు.
