PM Anthony Albanese : ఆస్ట్రేలియా ప్రధాని రెండో పెళ్లి.. ఆమె ఎవరో తెలుసా? సరికొత్త రికార్డు క్రియేట్..

PM Anthony Albanese : ఆస్ట్రేలియా ప్రధాని అంథోనీ అల్భనీస్ 62ఏళ్ల వయస్సులో పెళ్లి చేసుకున్నాడు. తన స్నేహితురాలు జోడీ హైడెన్

PM Anthony Albanese : ఆస్ట్రేలియా ప్రధాని రెండో పెళ్లి.. ఆమె ఎవరో తెలుసా? సరికొత్త రికార్డు క్రియేట్..

Anthony Albanese Jodie Haydon

Updated On : November 30, 2025 / 10:53 AM IST

PM Anthony Albanese : ఆస్ట్రేలియా ప్రధాని అంథోనీ అల్భనీస్ 62ఏళ్ల వయస్సులో పెళ్లి చేసుకున్నాడు. తన స్నేహితురాలు జోడీ హైడెన్ (46)ను ఆయన శనివారం పెళ్లి చేసుకున్నారు. కాన్‌బెర్రాలోని అల్బనీస్ అధికారిక నివాసంలో 60మంది అత్యంత సన్నిహితుల మధ్య ఈ వివాహ వేడుక జరిగింది.

ఐదేళ్ల క్రితం మెల్‌బోర్న్‌లో జరిగిన ఓ వ్యాపార విందులో హైడెన్, అల్బనీస్ తొలిసారి కలుసుకున్నారు. ఆ తరువాత నుంచి వారు స్నేహితులుగా మారిపోయారు. కొద్దికాలంకు వీరిద్దరి మధ్య ప్రేమచిగురించింది. దీంతో తాజాగా. వారిద్దరూ పెళ్ళి ద్వారా ఒక్కటయ్యారు. “మా కుటుంబం మరియు సన్నిహితుల ముందు, మా భవిష్యత్తు జీవితాలను కలిసి గడపడానికి మా ప్రేమ మరియు నిబద్ధతను పంచుకోవడానికి మేము పూర్తిగా సంతోషిస్తున్నాము” అని ఆ జంట ఒక ప్రత్యేక ఉమ్మడి ప్రకటనలో తెలిపారు.


ఆస్ట్రేలియా ప్రధాని ఆంథోనీ అల్బనీస్ కు గతంలో పెళ్లి జరిగింది. 2019లో తన భార్యకు విడాకులిచ్చారు. వీరికి ఓ కుమారుడు కూడా ఉన్నాడు. ప్రస్తుతం జోడీ హైడెన్‌ను రెండో వివాహం చేసుకున్నాడు. పెండ్లికి సంబంధించిన వీడియోను ఆంథోనీ అల్బనీస్ తన అధికారిక ట్విటర్ ఖాతాలో షేర్ చేశారు. ఇదిలాఉంటే.. 124ఏళ్ల ఆస్ట్రేలియా సమాఖ్య ప్రభుత్వ చరిత్రలో ప్రధాని హోదాలో ఓ వ్యక్తి వివాహం చేసుకోవడం ఇదే తొలిసారి.

ఆస్ట్రేలియా ప్రధాని ఆంథోనీ అల్బనీస్ జోడీ హైడెన్ వివాహ బంధంలోకి అడుగుపెట్టారు. ఈ సందర్భంగా ప్రధాని నరేంద్ర మోదీ వారికి శుభాకాంక్షలు తెలుపుతూ తన అధికారిక ఎక్స్ ఖాతాలో పోస్టు పెట్టారు. ‘కంగ్రాచులేషన్స్ టు మై గుడ్ ఫ్రెండ్. మీ వైవాహిక జీవితం ఫలప్రదం కావాలి’ అనిఅల్బనీస్ ను ప్రధాని మోదీ ఎక్స్ వేదికగా అభినందించారు.