Tyler Robinson: ట్రంప్ అత్యంత సన్నిహితుడిని చంపింది ఇతడే.. హత్య చేసింది ఎందుకంటే..
చార్లీ కిర్క్.. ట్రంప్‌నకు అత్యంత సన్నిహితుడు. రిపబ్లికన్ మద్దతుదారుడు. గత అధ్యక్ష ఎన్నికల్లో ట్రంప్ గెలుపు కోసం చార్లీ పని చేశారు.
- Published By: 10TV Digital Team ,Published On : September 13, 2025 / 05:00 AM IST
Tyler Robinson: అమెరికా అధ్యక్షుడు డొనాల్డ్ ట్రంప్ కు అత్యంత సన్నిహితుడు, రిపబ్లికన్ యాక్టివిస్ట్ చార్లీ కిర్క్ (31) హత్య కేసులో నిందితుడిని పోలీసులు అరెస్ట్ చేశారు. నిందితుడిని ఉటాకు చెందిన టైలర్ రాబిన్ సన్ గా గుర్తించారు. అతడి వయసు 22 ఏళ్లు. రాబిన్ సన్ అరెస్ట్ గురించి ఉటా గవర్నర్ వివరాలు వెల్లడించారు. కిర్క్ పట్ల రాబిన్సన్ నెగిటివ్ అభిప్రాయాలను ఏర్పరచుకున్నాడి తెలిపారు. చార్లీ కిర్క్ ద్వేషాన్ని వ్యాప్తి చేస్తున్నాడని రాబిన్ సన్ నమ్ముతున్నాడని ఉటా గవర్నర్ స్పెన్సర్ కాక్స్ చెప్పారు.
నిందితుడు రాబిన్ సన్ రాజకీయంగా తీవ్రంగా ప్రభావితం అయ్యాడని గవర్నర్ వెల్లడించారు. ముఖ్యంగా, చార్లీ కిర్క్ నమ్మకాలను వ్యతిరేకిస్తున్నాడని తెలిపారు. అంతేకాదు కిర్క్ ను హత్య చేసింది తానే అని తన ఫ్యామిలీ ఫ్రెండ్‌కు రాబిన్ సన్ చెప్పినట్లు ఉటా గవర్నర్ వెల్లడించారు.
చార్లీని చంపిన నిందితుడిని పోలీసులు పట్టుకున్నారని అమెరికా అధ్యక్షుడు ట్రంప్ చెప్పిన విషయం తెలిసిందే. చాలా దగ్గరి వారే నిందితుడిని పట్టించారని తెలిపారు. ఉటా యూనివర్సిటీలో 3వేల మందిని ఉద్దేశించి చార్లీ మాట్లాడుతున్నాడు. ఆ సమయంలో చార్లీపై కాల్పులు జరిపాడు నిందితుడు. తీవ్రంగా గాయపడిన చార్లీ.. కాసేపటికే మరణించాడు.
చార్లీ కిర్క్.. ట్రంప్‌నకు అత్యంత సన్నిహితుడు. రిపబ్లికన్ మద్దతుదారుడు. గత అధ్యక్ష ఎన్నికల్లో ట్రంప్ గెలుపు కోసం చార్లీ పని చేశారు.
