Italy : ఒకే రోజు.. వేర్వేరు విమాన ప్రమాదాలు.. మృత్యువును జయించిన జంట
స్నేహితులతో భోజనం చేయడానికి సరదాగా బయలుదేరిన ఓ జంట విమాన ప్రమాదానికి గురయ్యారు. ఒకే రోజు వేర్వేరు విమానాల్లో ప్రయాణించిన ఈ ఇద్దరు ప్రాణాలతో బయటపడటం వండర్ అనిపిస్తోంది.
- Published By: 10TV Digital Team ,Published On : December 22, 2023 / 02:08 PM IST
Italy
Italy : భూమి మీద నూకలుంటే ఎంత పెద్ద ప్రమాదం నుండైనా బయటపడొచ్చు. అయితే ఓ జంట విషయంలో అద్భుతం జరిగింది. ఒకే రోజు.. వేర్వేరు విమానాలెక్కిన జంట ప్రమాదం నుండి బయటపడ్డారు. టురిన్‌లో ఫ్రెండ్స్‌తో లంచ్ డేట్‌కి వెళ్తుండగా ఈ ప్రమాదం జరిగినట్లు తెలుస్తోంది.
New Covid-19 Subvariant JN.1 : చైనాలో మళ్లీ కొవిడ్ కొత్త సబ్ వేరియంట్ జేఎన్ 1
ఒకే రోజు వేర్వేరు విమాన ప్రమాదాల నుంచి బయటపడిన ఓ జంట అద్భుతమైన స్టోరీ సోషల్ మీడియాలో వైరల్ అవుతోంది. స్టెఫానో పిరిల్లి (30), కాబోయే భార్య ఆంటోనియెట్టా డెమాసి (22) ఉత్తర ఇటలీ నగరమైన టురిన్‌లో స్నేహితులతో కలిసి భోజనం చేసేందుకు వేర్వేరు తేలికపాటి విమానాలలో బయలుదేరారు. తిరిగి వస్తుండగా స్టెఫానో ప్రయాణిస్తున్న రెండు సీట్ల టెక్నామ్ P92 ఎకో సూపర్‌లో ఇబ్బందులు ఎదురై శాన్ గిల్లియో వద్ద కూలిపోయింది. ఆంటోనీ ప్రయాణిస్తున్న విమానం బుసాన్ వద్ద 25 మైళ్ల దూరంలో కూలిపోయింది. రెండు ప్రదేశాల్లో జరిగిన ప్రమాదాల్లో అగ్నిమాపక సిబ్బంది ఈ జంటను పైలట్‌తో పాటు ఆసుపత్రికి తరలించారు.
ఈ ఘటనలో స్టెఫానో గాయాలనుండి తప్పించుకున్నాడు. ఆంటోనీయెట్టా డెమాసి ఆమెతో ప్రయాణిస్తున్న పైలట్ గాయపడ్డారు. ఉష్ణోగ్రతలు పడిపోవడం, పొగమంచు రావడంతో ఈ ప్రమాదాలు జరిగినట్లు తెలుస్తోంది. ఈ రెండు ప్రమాదాలపై పౌర విమానయాన అధికారులు విచారణ జరుపుతున్నారు. స్టెఫానో, ఆంటోనీయెట్టా జంట వేర్వేరు విమానాల్లో ప్రయాణిస్తున్నప్పటికీ ఇవి రెండూ ఒకేసారి ప్రమాదానికి గురి కావడం.. వీరిద్దరు బతికి బయటపడటం ఆసక్తికరంగా మారింది. వీరిద్దరి విషయంలో అద్భుతం జరిగిందని చెప్పాలి.
