SpaceX : అంతరిక్షంలోకి చీమలు,నిమ్మకాయలు

ప్రంచకుబేరుడు ఎలాన్ మస్క్ కి చెందిన స్పేస్ఎక్స్ సంస్థ... ఇవాళ తన వ్యోమనౌక ద్వారా ఇంటర్నేషనల్ స్పేస్ స్టేషన్(అంతర్జాతీయ అంతరిక్ష కేంద్రం)లోని ఏడుగురు వ్యోమగాముల కోసం చీమలు, అవకాడోలు

SpaceX : అంతరిక్షంలోకి చీమలు,నిమ్మకాయలు

Spacex

Updated On : August 29, 2021 / 5:54 PM IST

SpaceX  ప్రంచకుబేరుడు ఎలాన్ మస్క్ కి చెందిన స్పేస్ఎక్స్ సంస్థ… ఇవాళ తన వ్యోమనౌక ద్వారా ఇంటర్నేషనల్ స్పేస్ స్టేషన్(అంతర్జాతీయ అంతరిక్ష కేంద్రం)లోని ఏడుగురు వ్యోమగాముల కోసం చీమలు,2వేల కేజీలకు పైగా అవకాడోలు,నిమ్మకాయలు,ఐస్ క్రీమ్,మనిషి అంత ఎత్తైన రోబో చెయ్యిని పంపింది. నాసాకు చెందిన కెన్నెడీ స్పేస్ సెంటర్ నుంచి ఈ ప్రయోగాన్ని స్పేస్ఎక్స్ నిర్వహించింది. ఫాల్కన్ రాకెట్ ద్వారా డ్రాగన్ క్యాప్సూల్​ను నింగిలోకి ప్రవేశపెట్టింది స్పేస్ఎక్స్. 4,800 పౌండ్ల బరువైన(2,170 కేజీలు)పరికరాలు, ఇతర సామగ్రిని దీని ద్వారా పంపించారు. మంగళవారం ఇవి స్పేస్ స్టేషన్ కి చేరుకోనున్నాయి.

అమెరికాకు చెందిన ‘గర్ల్స్​ స్కౌట్స్’.. నాసా ద్వారా ఈ చీమలను అంతరిక్షంలోకి పంపింది. స్పేస్​లో వీటిపై ప్రయోగాలు నిర్వహించనుంది. ఉప్పునీటి రొయ్యలు, కొన్ని మొక్కలను సైతం ప్రయోగాల కోసం పంపించింది. విస్కాన్సిన్-మాడిసన్ విశ్వవిద్యాలయ శాస్త్రవేత్తలు పంపిన విత్తనాలను(జన్యు పరిశోధనలో ఉపయోగించే ఒక చిన్న పుష్పించే మొక్కవి) సైతం డ్రాగన్ క్యాప్సూల్ మోసుకెళ్లింది. ఇక, కాంక్రీట్, సోలార్ సెల్స్, తదితర మెటీరియల్​ సైతం ఈ ప్రయోగంలో అంతరిక్షంలోకి బయల్దేరింది.

ఇక, గిటాయ్ ఇంక్ అనే జపాన్ స్టార్టప్ కంపెనీ అభివృద్ధి చేసిన రోబోటిక్ చెయ్యిని.. అంతరిక్ష కేంద్రంలో వివిధ పరికరాల మరమ్మతుల కోసం వినియోగించనున్నారు. వ్యోమగాములు చేసే ఇతర పనులు కూడా ఇది చేస్తుందని సంస్థ అధికారి టొయోటకా కొజుకి తెలిపారు. ఇలాంటి పరికరాలను మరికొన్ని పంపించనున్నట్లు చెప్పారు. 2025 నాటికి చంద్రుడిపై స్థావరాలు ఏర్పాటు చేసేందుకు ఈ పరికరాలను వినియోగించనున్నట్లు తెలిపారు. చంద్రుడి గర్భంలో ఉన్న విలువైన వనరులను తవ్వి తీసేందుకూ ఈ రోబో పరికరాలను ఉపయోగించనున్నట్లు తెలిపారు.

కాగా,కోవిడ్ వల్ల వచ్చిన జాప్యం కారణంగా స్పేస్ఎక్స్ కొన్ని ప్రయోగాలను వదిలివేయవలసి వచ్చింది. అయితే శనివారమే స్పేస్ఎక్స్ అంతరిక్షంలోకి తాాజా సామాగ్రిని పంపిచాల్సి ఉండగా..వాతావరణం అనుకూలించకపోవడంతో ఇవాళ పంపిచారు. 2011 లో అంతరిక్ష నౌక కార్యక్రమం ముగిసిన తర్వాత.. అంతరిక్ష కేంద్రానికి సరుకు మరియు సిబ్బందిని అందించడానికి నాసా(అమెరికా అంతరిక్ష పరిశోధనా సంస్థ)..స్పేస్ఎక్స్ మరియు ఇతర అమెరికా కంపెనీలను ఆశ్రయిస్తోంది.