Florida Shooting: నల్లజాతీయులు లక్ష్యంగా ఫ్లోరిడాలోని జాక్సన్‌విల్లెలో దుండగుడు కాల్పులు.. ముగ్గురు మృతి
జాక్సన్‌విల్లేలో కాల్పులు జరిగిన ప్రాంతంలో నల్లజాతీయులు ఎక్కువగా నివాసం ఉంటారు. ఎడ్వర్డ్ వాటర్స్ యూనివర్సిటీ సమీపంలో కాల్పుల ఘటన చోటు చేసుకుంది.
- Published By: 10TV Digital Team ,Published On : August 27, 2023 / 07:37 AM IST
Jacksonville Shooting
US Shooting: అమెరికాలో మరోసారి కాల్పుల ఘటన చోటు చేసుకుంది. ఫ్లోరిడా రాష్ట్రంలోని జాక్సన్‌విల్లెలో ఉన్న డాలర్ జనరల్ స్టోర్ వద్ద ఓ దుండగుడు జరిపిన కాల్పుల్లో ముగ్గురు నల్లజాతీయుల పౌరులు మరణించారు. వీరిలో ఒక మహిళ, ఇద్దరు పురుషులు ఉన్నారు. జాత్యాహంకారంతోనే దుండగుడు వారిపై కాల్పులు జరిపినట్లు జాక్సన్‌విల్లె పోలీసులు తెలిపారు.
Vijayawada : విజయవాడలో కలకలం.. రూ.6.4 కోట్ల విలువైన బంగారం స్వాధీనం
శనివారం మధ్యాహ్నం ఏఆర్-15 స్టైల్ రైఫిల్‌తో పాటు మరో హ్యాండ్‌గన్‌తో స్టోర్ వద్దకు వచ్చిన దుండగుడు పార్కింగ్ ప్రాంతంలో కనిపించిన నల్లజాతీయులపై కాల్పులు జరిపాడు. ముగ్గురిని హతమార్చిన తరువాత హంతకుడు తనను తాను కాల్చుకొని ఆత్మహత్య చేసుకున్నాడు. హంతకుడు వయస్సు 20ఏళ్లుగా పోలీసులు గుర్తించారు.
America : భారతీయ విద్యార్థులకు షాక్ ఇస్తున్న అమెరికా
జాక్సన్‌విల్లేలో కాల్పులు జరిగిన ప్రాంతంలో నల్లజాతీయులు ఎక్కువగా నివాసం ఉంటారు. ఎడ్వర్డ్ వాటర్స్ యూనివర్సిటీ సమీపంలో కాల్పుల ఘటన చోటు చేసుకుంది. నల్లజాతీయులను లక్ష్యంగా చేసుకునే హంతకుడు ఈ కాల్పులు జరిపాడు. కాల్పులు జరిపిన వ్యక్తి చాలా దూరం నుంచి ఇక్కడికి వచ్చినట్లు పోలీసులు తెలిపారు. కాల్పుల ఘటనకుముందు హంతకుడు తన తండ్రికి ఫోన్ చేసి తన కంప్యూటర్‌లో మెస్సేజ్‌ను తనిఖీ చేయాలని సందేశం పంపించాడు. కంప్యూటర్‌లో అభ్యంతరకర కంటెంట్ ను చూసిన తండ్రి వెంటనే పోలీసులకు ఫోన్ చేశాడు. అయితే, అప్పటికే కాల్పుల ఘటన చోటు చేసుకుందని పోలీసులు తెలిపారు.
