రిపోర్టర్లను “ఏప్రిల్ ఫూల్” చేసిన జిల్ బైడెన్

ఏప్రిల్‌ ఫస్ట్‌ని ప్రపంచవ్యాప్తంగా అందరూ ఫూల్స్‌ డేగా సెలబ్రేట్‌ చేసుకుంటారు. చిన్న చిన్న ప్రాంక్‌లు చేస్తూ స్నేహితులను, సన్నిహితులను సరదాగా ఆటట్టిస్తారు.

Jill Biden Pulls Off April Fools Day Prank On Media Staff

Jill Biden ఏప్రిల్‌ ఫస్ట్‌ని ప్రపంచవ్యాప్తంగా అందరూ ఫూల్స్‌ డేగా సెలబ్రేట్‌ చేసుకుంటారు. చిన్న చిన్న ప్రాంక్‌లు చేస్తూ స్నేహితులను, సన్నిహితులను సరదాగా ఆటట్టిస్తారు. ఏప్రిల్‌ ఫూల్స్‌ని చేసే విషయంలో సెలబ్రిటీలు కూడా ముందుంటారు. తాజాగా ఈ జాబితాలోకి అమెరికా అధ్యక్షుడి భార్య, ఫస్ట్‌ లేడి జిల్‌ బైడెన్‌ కూడా చేరారు. ఎయిర్‌హోస్టెస్‌గా వచ్చి రిపోర్టర్లను, సిబ్బందిని ఏప్రిల్‌ ఫూల్స్‌ చేశారు. కాలీఫోర్నియా పర్యటన ముగించుకుని వస్తుండగా విమానంలో జిల్‌ బైడెన్‌ ఈ ప్రాంక్‌ చేశారు.

కాలిఫోర్నియా నుంచి వాషింగ్ట‌న్‌కు విమానంలో తిరుగు ప్ర‌యాణం అవుతున్న స‌మ‌యంలో.. జిల్ బైడెన్ ఎయిర్‌హోస్టెస్‌లాగా బ్లాక్ డ్రెస్సు ధరించారు. విగ్ ధరించి తన రూపాన్ని మార్చుకుని, బ్లాక్ మాస్క్ పెట్టుకుని చేతిలో ఐస్‌క్రీమ్ ప‌ట్టుకున్ని ఆ విమానంలో ఉన్న రిపోర్ట‌ర్లు, వైట్‌హౌజ్ సిబ్బంది, సీక్రెట్ స‌ర్వీస్ ఏజెంట్ల‌కు స‌ర్వ్ చేశారు. జాస్మిన్ అని నేమ్‌ట్యాగ్ పెట్టుకున్న జిల్ బైడెన్‌..ఫ్ల‌యిట్ అటెండెంట్ గా అంద‌ర్నీ బోల్తా కొట్టించారు. సిబ్బంది క్యాబిన్ల‌కు వెళ్లి ఐస్‌క్రీమ్ ఇచ్చిన జిల్ బైడెన్‌..ఐదు నిమిషాల తర్వాత ప్రెస్ సెక్ష‌న్‌లో మ‌ళ్లీ క‌నిపించారు.

అయితే అక్క‌డ‌కు వ‌చ్చిన ఆమె..అందరి ముందు తన విగ్‌, మాస్క్‌ తీసేసి చిరునవ్వులు చిందిస్తూ ‘ఏప్రిల్‌’ ఫూల్‌ అంటూ రిపోర్ట‌ర్ల‌ను థ్రిల్ చేశారు. దీంతో ఒక్కసారిగా షాక్‌కు గురైన సిబ్బంది, మీడియా ప్రతినిధులు.. తర్వాత దాని నుంచి తేరుకుని నవ్వుకున్నారు. ఇంతసేపు తమ ముందు ఎయిర్‌హోస్టెస్‌గా తిరిగన వ్యక్తి జిల్ బైడెన్ అని తెలిసి ఆశ్చర్యపోయారు. దీంతో ఒక్కసారిగా షాక్‌కు గురైన సిబ్బంది, మీడియా ప్రతినిధులు.. తర్వాత దాని నుంచి తేరుకుని నవ్వుకున్నారు. గురువారం జ‌రిగిన ఈ సంఘ‌ట‌న ప‌ట్ల విమాన సిబ్బంది మాట్లాడుతూ.. తాము ఫ‌స్ట్ లేడీ జిల్‌ను గుర్తించ‌లేక‌పోయామ‌న్నారు. జిల్ స‌ర్వ్ చేసిన వ‌నీలా ఐస్‌క్రీమ్ బార్లు బాగున్నాయ‌న్నారు.

అయితే జిల్‌ బైడెన్‌ ఇలాంటి చిలిపి పనులు చేయడం ఇదే ప్రథమం కాదు. గ‌తంలోనూ జిల్ బైడెన్ విమాన సిబ్బందిని ఫూల్ చేసిన‌ట్లు తెలుస్తోంది. బైడెన్ ఉపాధ్య‌క్షుడిగా ఉన్న స‌మ‌యంలోనూ జిల్‌… ఎయిర్ ఫోర్స్ 2లో ప్రయాణిస్తున్న సమయంలో లగేజ్‌ కంపార్ట్‌మెంట్‌లో దాక్కుని.. అనంతరం ఆ కంపార్ట్‌మెంట్‌ను మొదటగా తెరిచిన సిబ్బందిని ‘భూ’ అంటూ హడలెత్తించారు.