కరోనా కట్టడికి తప్పదు… మరోసారి అమెరికా షట్ డౌన్!
కరోనాని కట్టడి చేయడానికి మరోసారి అమెరికాను షట్ డౌన్ చేయాలని యుఎస్ వైద్య నిపుణులు రాజకీయ నాయకులను కోరుతున్నారు. 150 మందికి పైగా ప్రముఖ వైద్య నిపుణులు, శాస్త్రవేత్తలు, ఉపాధ్యాయులు, నర్సులు మరియు ఇతరులు… దేశాన్ని షట్ డౌన్ చేసి కరోనా కట్టడి చేయాలని రాజకీయ నాయకులకు విజ్ఞప్తి చేస్తూ ఓ లెటర్ పై సంతకం చేశారు.
దేశానికి మంచి విషయం ఏమిటంటే… వీలైనంత త్వరగా తిరిగి తెరవడం కాదు, వీలైనంత ఎక్కువ మంది ప్రాణాలను కాపాడటం అని వారు ఆ లెటర్ లో రాశారు. ఈ లెటర్ గురువారం ట్రంప్ యంత్రాంగానికి కాంగ్రెస్(అమెరికా పార్లమెంట్) ప్రముఖ సభ్యులు మరియు రాష్ట్ర గవర్నర్లకు పంపబడింది.
ప్రస్తుతం, మనం నవంబర్ 1 నాటికి 200,000 మందికి పైగా అమెరికన్ ప్రాణాలను కోల్పోయే మార్గంలో ఉన్నాము. అయినప్పటికీ, చాలా రాష్ట్రాల్లో ప్రజలు బార్లలో తాగగలుగుతున్నారు, హ్యారీకట్ పొందవచ్చు, రెస్టారెంట్ లోపల తినవచ్చు, పచ్చబొట్టు పొందవచ్చు, మసాజ్ చేసుకోవచ్చు మరియు అనేక ఇతర సాధారణ, ఆహ్లాదకరమైనవి పొందగల్గుతున్నారని, కాని అవసరం లేని కార్యకలాపాలు చాల ఉన్నాయని వారు తెలిపారు.
గురువారం అమెరికాలో కేసులు 4మిల్లియన్ల దాటిన సమయంలో వారి రికమెండేషన్స్ వచ్చాయి. అమెరికా వ్యాప్తంగా ఇప్పటివరకు 41,69,991 పాజిటివ్ కేసులు నమోదయ్యాయి. కరోనాతో ఇప్పటివరకు 1,47,333 మంది మరణించారు. అమెరికాలో రోజుకు లక్ష కరోనా కేసులు నమోదయ్యే అవకాశం ఉందన్న ఆరోగ్య నిపుణుల హెచ్చరికలు నిజమయ్యేలా ఉన్నాయి. దేశంలో గత 24 గంటల్లో 76,570 పాజిటివ్ కేసులు నమోదవగా, 1225 మంది మరణించారు. కరోనా కేసులు ప్రారంభమైనప్పటి నుంచి ఇంత భారీ సంఖ్యలో కేసులు, మరణాలు నమోదవడం ఇదే మొదటిసారి.