Suicide Blast in Pakistan: పాకిస్తాన్లోని మసీదులో ఆత్మహుతి దాడి.. 52 మంది మృతి 130 మందికి గాయాలు
పేలుడులో ప్రాణాలు కోల్పోయిన వారి పట్ల పాకిస్థాన్ తాత్కాలిక హోంమంత్రి సర్ఫరాజ్ అహ్మద్ బుగ్తీ సంతాపం వ్యక్తం చేస్తూ, పేలుడును ఖండించారు. ఉగ్రవాదులకు మతం లేదా విశ్వాసం లేదని, రెస్క్యూ ఆపరేషన్‌లో అన్ని వనరులను ఉపయోగిస్తున్నామని చెప్పారు
- Published By: 10TV Digital Team ,Published On : September 29, 2023 / 03:08 PM IST
Suicide Blast in Balochistan: పాకిస్థాన్‌లోని ఒక మసీదులో జరిగిన ఆత్మహుతి దాడిలో 52 మంది మరణించారు. చనిపోయిన వారిలో కొందరు పోలీసు సిబ్బంది కూడా ఉన్నారు. అలాగే చాలా 130 మందికి పైగా గాయాలయ్యాయి. ఈ విషయాన్ని పాక్ లీడింగ్ పత్రిక డాన్ వెల్లడించింది. బలూచిస్థాన్ ప్రావిన్స్‌లోని మస్తుంగ్‌లోని అల్ ఫలాహ్ రోడ్‌లో ఉన్న మదీనా మసీదు సమీపంలో పేలుడు సంభవించిందని మస్తుంగ్ అసిస్టెంట్ కమిషనర్ అత్తాహుల్ మునిమ్ తెలిపారు. ఈద్ మిలాద్-ఉన్-నబీ సందర్భంగా ఊరేగింపులో పాల్గొనడానికి ప్రజలు అక్కడ గుమిగూడిన సమయంలో ఇది జరిగింది.
షహీద్ నవాబ్ గౌస్ బక్ష్ రైసానీ మెమోరియల్ హాస్పిటల్ చీఫ్ ఎగ్జిక్యూటివ్ ఆఫీసర్ డాక్టర్ సయీద్ మిర్వానీని ఉటంకిస్తూ డాన్ వార్తాపత్రిక మరణాలను వెల్లడించింది. పేలుడు ఆత్మాహుతి దాడని, ఇది డీఎస్పీ గిస్ఖౌరీ కారు సమీపంలో పేలిందని ఆయన చెప్పారు. మస్తుంగ్‌కు రెస్క్యూ టీమ్‌ను పంపినట్లు బలూచిస్థాన్ తాత్కాలిక సమాచార మంత్రి జన్ అచక్జాయ్ తెలిపారు. తీవ్రంగా గాయపడిన వారిని క్వెట్టాకు తరలిస్తున్నామని, అన్ని ఆసుపత్రుల్లో ఎమర్జెన్సీ విధించామని చెప్పారు. తమ శత్రువులు విదేశీ సహాయంతో బలూచిస్థాన్‌లో మత సహనం, శాంతిని నాశనం చేయాలని చూస్తున్నారని జన్ అచక్జాయ్ అన్నారు.
పేలుడులో ప్రాణాలు కోల్పోయిన వారి పట్ల పాకిస్థాన్ తాత్కాలిక హోంమంత్రి సర్ఫరాజ్ అహ్మద్ బుగ్తీ సంతాపం వ్యక్తం చేస్తూ, పేలుడును ఖండించారు. ఉగ్రవాదులకు మతం లేదా విశ్వాసం లేదని, రెస్క్యూ ఆపరేషన్‌లో అన్ని వనరులను ఉపయోగిస్తున్నామని చెప్పారు. క్షతగాత్రుల చికిత్సలో రాజీపడమని, అలాగే తీవ్రవాదుల విషయంలో కూడా రాజీపడేది లేదని బుగ్తీ అన్నారు.
Sources informed that 52 confirmed dead in a suspected suicide attack near a mosque in Mastung, Balochistan. According to the District Health Officer, the death toll may rise as several injured are in critical condition.
In another blast in Hangu site, more than 40 Namazis… pic.twitter.com/RFhwj0knX5— Ravinder Singh Robin ਰਵਿੰਦਰ ਸਿੰਘ رویندرسنگھ روبن (@rsrobin1) September 29, 2023
