Virat Attacked: దాడి జరిగింది.. సాయం చేయండి.. విరాట్ నుంచి ఎమర్జెన్సీ మెసేజ్..! వీడియో వైరల్..
ఈ దాడిలో విరాట్ కు స్వల్ప నష్టమే జరిగిందని తెలుస్తోంది.
- Published By: 10TV Digital Team ,Published On : November 29, 2025 / 10:30 PM IST
Virat Attacked: బ్లాక్ సీ (నల్ల సముద్రం) లో ఒక్కసారిగా అలజడి చెలరేగింది. ఓ ఆయిల్ ట్యాంకర్ పై దాడి జరిగింది. దాంతో అందులోని సిబ్బంది డ్రోన్ దాడి అంటూ రేడియోలో ఎమర్జెన్సీ మెసేజ్ పంపింది. ‘‘ఇది విరాట్. సాయం కావాలి. డ్రోన్ దాడి! మేడే!’’ అని సిబ్బంది అనడం ఆ ఆడియోలో ఉంది.
అసలేం జరిగిందంటే..
నల్ల సముద్రంలో విరాట్ అనే రష్యన్ ఆయిల్ ట్యాంకర్‌పై డ్రోన్ దాడి జరిగింది. నల్ల సముద్ర తీరం నుంచి 35 నాటికల్ మైళ్ల దూరంలో ఈ దాడి జరిగినట్లు సమాచారం. ఈ దాడిలో విరాట్ కు స్వల్ప నష్టమే జరిగిందని తెలుస్తోంది. ఆ నౌక ప్రస్తుతం స్థిరంగానే ఉందని, సిబ్బంది కూడా సేఫ్ గా ఉన్నారని సమాచారం.
రష్యా ఆయిల్ ట్యాంకర్లపై దాడి తమ పనేనని యుక్రెయిన్ ప్రకటించింది. ఈ నౌకల వల్లే యుద్ధం చేయడానికి రష్యాకు పెద్ద మొత్తంలో డబ్బు సమకూరుతోందని ఆరోపించింది. అందుకే వీటిని లక్ష్యంగా చేసుకున్నట్లు వెల్లడించింది. సీ బేబీ డ్రోన్ల ద్వారా ఈ దాడులు చేసినట్లు చెప్పింది. శుక్రవారం రాత్రి కూడా ఈ నౌకపై దాడులు జరిగాయి.
”శుక్రవారం రాత్రి నల్ల సముద్రంలో రెండు రష్యాన్ ట్యాంకర్లు విరాట్, కైరోస్ పై దాడి జరిగింది. 2 ట్యాంకర్లలోని సిబ్బందిని సురక్షితంగా తరలించినప్పటికీ, కైరోస్ మునిగిపోయే ప్రమాదం ఉంది. విరాట్ 2018 లో నిర్మించబడింది. ఈ ట్యాంకర్ హై రిస్క్ షిప్పింగ్ పద్ధతులను ఉపయోగిస్తుంది. కైరోస్ 2002 లో నిర్మింతమైంది” అని టర్కియే రవాణ మౌలిక సదుపాయాల మంత్రిత్వ శాఖ ఎక్స్ లో తెలిపింది.
నల్ల సముద్రంలో రెండు రష్యన్ ట్యాంకర్లపై దాడికి యుక్రెయిన్ బాధ్యత వహించింది. సీ బేబీ సముద్ర డ్రోన్‌లను ఉపయోగించి దాడి చేసింది. ఈ దాడితో రష్యన్ చమురు రవాణాకు గణనీయమైన దెబ్బ తగులుతుందని చెప్పింది.
Reportedly, this is a sea drone attack on Russian shadow fleet tankers yesterday.
The tankers were empty, headed to Russian Novorossiysk. pic.twitter.com/d5M82Rg6yZ
— Anton Gerashchenko (@Gerashchenko_en) November 29, 2025
Also Read: 62 ఏళ్ల వయసులో పెళ్లి చేసుకున్న ప్రధాని..
