అబ్బురపరుస్తున్న వీడియో.. తోటి విద్యార్థి కోసం ఈ చిన్నారులు ఎంత గొప్ప పనిచేశారో తెలుసా?
చిన్నారులు ఎప్పటికీ ఇలాగే సాయం చేసుకుంటూ మానవత్వం అంటే ఏంటో ప్రపంచానికి చూపాలని కొందరు నెటిజన్లు కామెంట్లు చేశారు.
- Published By: 10TV Digital Team ,Published On : February 9, 2025 / 01:53 PM IST
Nepal School Students Raise Funds
చిన్నారుల హృదయాలు స్వచ్ఛమైనవి. తోటి పిల్లాడికి ఏదైనా బాధ కలిగితే అది తమ బాధలాగా భావిస్తారు చాలా మంది పిల్లలు. స్నేహితులకు సాయం చేస్తూ అంత చిన్న వయసులోనే మానవత్వాన్ని చాటుకుంటారు.
ఇటువంటి ఘటనకు సంబంధించిన ఓ వీడియో సామాజిక మాధ్యమాల్లో విపరీతంగా వైరల్ అవుతోంది. కొందరు చిన్నారులు తరగతి గదిలోనే తమ తోటి విద్యార్థికి చేసిన సాయం గురించి తెలుసుకుని ఆ పిల్లలకు సెల్యూట్ అని అంటున్నారు.
నేపాల్‌లోని స్మాల్ హెవెన్ స్కూల్‌లో విద్యార్థులను పిక్నిక్‌ తీసుకెళ్లడానికి స్కూల్‌ యాజమాన్యం డబ్బులు కలెక్ట్‌ చేస్తోంది. అయితే, ఓ తరగతిలో ప్రిన్స్‌ అనే ఓ చిన్నారి వద్ద డబ్బులు లేకపోవడంతో అతడు పిక్నిక్‌కు రాలేకపోతున్నాడని తోటి చిన్నారులు గుర్తించారు.
తమ స్నేహితుడిని ఎలాగైనా పిక్నిక్‌కు తీసుకువెళ్లాలని భావించి అందరూ కలిసి డబ్బులు వేసుకుని అతడికి ఇచ్చారు.
ఈ వీడియో ఆ చిన్నారుల క్లాస్‌ టీచర్‌ ఇన్‌స్టాగ్రామ్‌లో పోస్ట్ చేశారు.
ఆ చిన్నారులు ఎప్పటికీ ఇలాగే అందరికీ సాయం చేస్తూ ఉండాలని తాను కోరుకుంటున్నట్లు చెప్పారు. చివరికి ప్రిన్స్‌ పిక్నిక్‌కు వెళ్లి తోటి విద్యార్థులతో ఎంజాయ్‌ చేశాడు. ఆ చిన్నారులకు సంబంధించిన వీడియో చూస్తే కన్నీరు వస్తోందని కొందరు నెటిజన్లు కామెంట్లు చేశారు.
View this post on Instagram
