Black Pepper : కొవ్వును కరిగించి, బీపీని అందుపులో ఉంచే బ్లాక్ పెప్పర్!

మిరియాలతో చేసిన టీ తాగితే గుండె సమస్యలు దరి చేరవు. పెరుగుతో మిరియాలు కలిపి తలకు పట్టిస్తే చుండ్రు సమస్య నుంచి బయటపడవచ్చు.

Black Pepper

Black Pepper : ప్రపంచ వ్యాప్తంగా వాడే ముఖ్యమైన మసాలా దినుసుల్లో మిరియాలకు ఎంతో ప్రాధాన్యత ఉంది. రుచికి ఘూటగా ఉన్న ఆరోగ్య రక్షణలో మాత్రం ముందే ఉంటాయి. మిరియాలు ఆరోగ్యానికి ఎంతో మేలు చేస్తాయటున్నారు నిపుణులు. బ్లాక్ పెప్పర్ తో ఆరోగ్యప్రయోజనాలు నిజమేనని ఆధునిక సైన్స్ సైతం నిర్ధారించింది. ఇందులో ఉండే పైపరైన్ పదార్ధమే ఇందుకు కారణంగా చెప్పవచ్చు. మిరియాల పొడితో పదార్థాల రుచి రెట్టింపు అవుతుంది. కింగ్ ఆఫ్ స్పైసెస్ గా పరిగణించే మిరియాల్లో ఘాటైన పిపరైన్ చాలినైన్ గుణాలు శరీరంలో పేరుకుపోయిన కఫాన్ని తొలగిస్తాయి. వీటిలో లభించే యాంటీ ఆక్సిడెంట్స్ పేగులలోని బాక్టీరియాను నాశనం చేసి కడుపు శుభ్రపరుస్తాయి.

శరీరంలో హానికారక ఫ్రీరాడికల్స్ ను తొలగించే యాంటీ ఆక్సిడెంట్ గా పనిచేస్తాయి. కూరల తయారీలు ,మాంసాహారాంలో ఎక్కువ ఉపయోగిస్తారు. కేరళ వాసులు తాగే టీ లో మిరియాల పొడి కలుపుకొంటారు. మిరియాలలో కొవ్వును కరిగించే గుణాలు అధికంగా ఉన్నాయి. అజీర్ణంతో బాధపడుతున్న వారు మిరియాల చారు తాగితే వెంటనే సుఖ విరోచనం అవుతుంది. శరీరంలో పలు చోట్ల పేరుకుపోయిన కొవ్వును ఇవి కరిగిస్తాయి. రక్తంలో ఉన్న కొవ్వును కూడా కరిగించి బీపీ అదుపులో ఉండేలా సహాయపడతాయి.

ప్రతిరోజూ ఆహారంలో మిరియాలను చేర్చుకుని తింటే నరాల బలహీనత, నరాలకు సంబంధించిన సమస్యలు తగ్గిపోతాయి. మిరియాలు నూరి చిన్న చిన్న ఉండలు చేసి కలరాతో బాధపడుతున్న వారికి తినిపిస్తే మంచి ఫలితం కనబడుతుంది. మిరియాలు పొడి, ఉప్పు కలిపి పళ్లు తోముకుంటే దంతసమస్యలు ఉండవు. అధిక వొత్తిడితో బాధపడుతున్న వారు వేడి వేడి పాలలో కొద్దిగా మిరియాల పొడిని వేసుకుని తాగితే మనసు ప్రశాంతంగా ఉంటుంది.

మిరియాలు కఫం, శ్లేష్మాలను కరిగిస్తాయి. ఇవి రక్తాన్ని శుద్ది చేస్తాయి. మిరియాలను బాగ వేయించి పొడి చేసి, ఆ పొడిని నూనెలో కలిపి మర్దన చేస్తే కీళ్లనొప్పులు, అరికాళ్ల మంటలు తగ్గుతాయి. ఇందులో ఉన్న విటమిన్ సి శరీరంలో రోగనిరోధక శక్తిని పెంచుతుంది. వర్షా కాలంలో వచ్చే వ్యాధులను మిరియాలు అరికడతాయి. జలుబు, దగ్గు, గొంతులో నొప్పి వంటి వాటికి మిరియాలకు మించిన ఔషధం లేదు. ఆకలితో పొట్ట మందగిస్తే కొన్ని మిరియాలు రసం కాని, కషాయం కాని తాగితే ఆకలి పుడుతుంది.

మిరియాలతో చేసిన టీ తాగితే గుండె సమస్యలు దరి చేరవు. పెరుగుతో మిరియాలు కలిపి తలకు పట్టిస్తే చుండ్రు సమస్య నుంచి బయటపడవచ్చు. మిరియాలను నలగొట్టి పెరుగులో కలుపుకుని ముఖానికి మసాజ్ చేస్తే ముఖం పై ఉన్న డెడ్ స్కిన్ ను తొలగించమే కాకుండా మొటిమలు, మచ్చలు మాయమవుతాయి. ఛాతీ పట్టేసినట్లు ఉన్నా, శ్వాస తీసుకోవడం కష్టమైనా మిరియాలు తీసుకుంటే తక్షణం ఆ సమస్య నుంచి ఉపశమనం కలుగుతుంది. ఎన్నో రకాల క్యాన్సర్ల నివారణకు సమర్థంగా తోడ్పడతాయి.