Heart Attack Risk : 90 సెకన్లు ఆగకుండా ఇలా చేయలేరా?.. మీకు గుండెపోటు ముప్పు ఎక్కువ!
వయస్సు మీద పడుతోందా? మీ గుండె ఆరోగ్యంపై ఓ కన్నేసి ఉంచండి.. గుండెజబ్బులు ఏ వయస్సులోనైనా రావొచ్చు. కానీ, రిస్క్ అనేది వయస్సు బట్టి ఉంటుంది. మీకు కూడా గుండె జబ్బుల ముప్పు ఉందో లేదో తెలుసుకోవచ్చు.
- Published By: 10TV Digital Team ,Published On : March 13, 2021 / 08:41 PM IST
If You Can't Climb Stairs In 90 Seconds, Your Heart Is In Danger, Study
Climb Stairs in 90 Seconds-Your Heart Is in Danger : వయస్సు మీద పడుతోందా? మీ గుండె ఆరోగ్యంపై ఓ కన్నేసి ఉంచండి.. ప్రస్తుత రోజుల్లో గుండెజబ్బులు ఎక్కువగా పెరిగిపోతున్నాయి. సెంటర్స్ ఫర్ డీసీజ్ కంట్రోల్ అండ్ ప్రీవెన్షన్ (CDC) ప్రకారం.. గుండెజబ్బులు ఏ వయస్సులోనైనా రావొచ్చు. కానీ, రిస్క్ అనేది వయస్సు బట్టి ఉంటుంది. మీకు కూడా గుండె జబ్బుల ముప్పు ఉందో లేదో తెలుసుకోవచ్చు.
అనేక సాంప్రదాయక పద్ధుతులు అందుబాటులో ఉన్నాయి కూడా. కొన్నేమో ఖర్చుతో కూడుకున్నవి అయితే.. మరికొన్ని ఎక్కువ సమయం పడుతుంది. అయినప్పటికీ గుండె జబ్బులను పసిగట్టే ఒక టెస్టు ఉంది.. ఈ టెస్టు ఇంట్లోనే ఉండి తెలుసుకోవచ్చు. కేవలం ఒక నిమిషం మాత్రమే సమయం పడుతుంది. యూరోపియన్ సొసైటీ ఆఫ్ కార్డియాలిజిస్ట్ నుంచి కొత్త రీసెర్చ్ చేసిన బృందం ఒక టెస్టును సూచిస్తోంది. మెట్లు ఎక్కడం ద్వారా గుండె ఆరోగ్యాన్ని పసిగట్టవచ్చు అంటున్నారు. డిసెంబర్ నెలలో EACVI బెస్ట్ ఆఫ్ ఇమేజింగ్ 2020లో ఈ కొత్త పరిశోధనను ప్రచురించారు.
ఒక స్టాఫ్ వాచ్, కొన్ని విమానాలు ఎక్కే మెట్లతో గుండె ఆరోగ్యాన్ని పరీక్షించవచ్చు. వ్యాయామ పరీక్ష ద్వారా 165మందిపై అధ్యయనం చేశారు. 15 నుంచి 20 నిముషాల పాటు విశ్రాంతి తీసుకోమన్నారు. ఆపై విరామం తీసుకోకుండా 60 మెట్లు త్వరగా ఎక్కమని కోరారు. వారు ఎక్కిన సమయాన్ని రికార్డ్ చేశారు. వ్యాయామ సామర్థ్యాన్ని (MET) గా కొలుస్తారు. 40 నుండి 45 సెకన్లలోపు మెట్లు ఎక్కిన రోగులు 9 నుండి 10 METల కంటే ఎక్కువ సాధించారు. ఈ రేటు తక్కువ మరణాలు ఉన్నట్టు నిర్ధారించారు.
90 సెకన్ల కన్నా ఎక్కువ సమయం పడితే..
నాలుగు విమానాల మెట్లు ఎక్కడానికి ఒకటిన్నర నిమిషాల కన్నా ఎక్కువ సమయం తీసుకుంటే.. మీ గుండె ఆరోగ్యం డేంజర్ లో ఉన్నట్టే.. వెంటనే వైద్యుడిని సంప్రదించడం మంచిదని పరిశోధకులు సూచిస్తున్నారు. అమెరికాలో పురుషులు, మహిళలు ఇద్దరిలోనూ గుండె జబ్బులు అగ్రస్థానంలో ఉంది. దేశంలో నాలుగు మరణాలలో ఒకరు గుండెజబ్బుతోనే మరణించినట్లు సీడీసీ వెల్లడించింది. పురుషులకు గుండెపోటు ప్రమాదం 45 ఏళ్ల తరువాత గణనీయంగా పెరుగుతుంది. మహిళలకు, ప్రమాదం 50 ఏళ్ల వయస్సు నుంచి పెరుగుతుంది.
అమెరికన్ హార్ట్ అసోసియేషన్ (AHA) నుండి 2016 అధ్యయనం ప్రకారం.. అమెరికాలో మొత్తం గుండెపోటులో 45 శాతం సైలంట్ గా వస్తున్నాయి. లక్షణాలు లేకుండా గుండెపోటుకు దారితీస్తోంది. దాదాపు సగం గుండెజబ్బులతో బాధపడేవారిలో సైలంట్ గుండెపోటుతో మరణిస్తున్నారు. ఇలాంటివారిలో గుండె జబ్బుతో చనిపోయే అవకాశం మూడు రెట్లు ఎక్కువగా ఉంటుందని అధ్యయనంలో రుజువైంది.
