Raj Dasireddy : ‘భద్రం బి కేర్ ఫుల్ బ్రదరు’ హీరో.. త్వరలో బైలింగ్వల్ సినిమాతో..

'భద్రం బి కేర్ ఫుల్ బ్రదరు' సినిమా తర్వాత రాజ్ దాసిరెడ్డికి తెలుగులో పలు ఆఫర్స్ వచ్చినప్పటికీ అదే సమయంలో ఓ హాలీవుడ్ ప్రాజెక్ట్ లో నటించే అవకాశం రావడంతో అక్కడికి వెళ్ళాడు.

Bhadram Be Careful Brotheru Movie fame Raj Dasireddy coming soon with new Movie

Raj Dasireddy : ప్రముఖ దర్శకుడు మారుతి దర్శకత్వ పర్యవేక్షణలో తెరకెక్కి విజయం సాధించిన “భద్రం బి కేర్ ఫుల్ బ్రదరు” హీరోగా పరిచయమైన యువ కథానాయకుడు రాజ్ దాసిరెడ్డి త్వరలో ఓ ద్విభాషా చిత్రంతో రాబోతున్నాడు. ఊటీ బ్యాక్ డ్రాప్ లో రూపొందే ఈ విభిన్న ప్రేమ కథా చిత్రం కోసం ప్రస్తుతం ఊటీలో ఇప్పటివరకు షూటింగ్ చేయని అద్భుత లోకేషన్లు అన్వేషిస్తున్నారు.

‘భద్రం బి కేర్ ఫుల్ బ్రదరు’ సినిమా తర్వాత రాజ్ దాసిరెడ్డికి తెలుగులో పలు ఆఫర్స్ వచ్చినప్పటికీ అదే సమయంలో ఓ హాలీవుడ్ ప్రాజెక్ట్ లో నటించే అవకాశం రావడంతో అక్కడికి వెళ్ళాడు. ఇన్ని రోజులు హాలీవుడ్ లోనే ఆ ప్రాజెక్టు కోసం వివిధ అంశాల్లో శిక్షణ తీసుకుంటూ అమెరికాలో న్యూయార్క్ లో ఉన్నాడు. అయితే విజువల్ ఎఫెక్ట్స్ ప్రధానంగా తెరకెక్కనున్న ఆ ప్రాజెక్ట్ సెట్స్ కి వెళ్లేందుకు మరింత సమయం పడుతుండడంతో ఈలోపు ఇక్కడ ఓ ద్విభాషా చిత్రానికి గ్రీన్ సిగ్నల్ ఇచ్చాడు రాజ్ దాసిరెడ్డి.

Also Read : Bigg Boss 7 : పూజా మూర్తికి షాకింగ్ రెమ్యునరేషన్..?.. రెండు వారాలకు ఎంత సంపాదించిందో తెలుసా..?

ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమాకి సంబంధించిన పూర్తి వివరాలు త్వరలోనే వెల్లడించనున్నారు చిత్రయూనిట్.