Rocking Rakesh : తన సినిమా టికెట్స్ తానే అమ్మిన రాకింగ్ రాకేష్
జబర్దస్త్ కమెడియన్ రాకింగ్ రాకేష్ హీరోగా పరిచయం అవుతూ చేసిన మొదటి సినిమా KCR (కేశవ చంద్ర రమావత్).
- Published By: 10TV Digital Team ,Published On : November 22, 2024 / 02:26 PM IST
Jabardast comedian Rocking Rakesh who sold his movie KCR tickets himself
Rocking Rakesh : జబర్దస్త్ కమెడియన్ రాకింగ్ రాకేష్ హీరోగా పరిచయం అవుతూ చేసిన మొదటి సినిమా KCR (కేశవ చంద్ర రమావత్). ఇక సినిమాలో కేవలం హీరోగానే కాకుండా ఈ సినిమాకి నిర్మాతగా కూడా ఉన్నారు జబర్దస్త్ కమెడియన్ రాకింగ్ రాకేష్. కాగా ఈ సినిమా నేడు విడుదలై థియేటర్స్ లోకి వచ్చింది. గ్రీన్ ట్రీ ప్రొడక్షన్స్ నిర్మించిన ఈ మూవీ గరుడవేగ అంజి దర్శకత్వంలో తెరక్కింది. సీనియర్ నటి సత్య కృష్ణన్ కూతురు అన్నన్య కృష్ణన్ ఈ సినిమాలో హీరోయిన్ గా నటించింది. ఇప్పటికే ఈ సినిమా నుంచి రిలీజైన టీజర్, ట్రైలర్ పాజిటివ్ రెస్పాన్స్ అందుకున్నాయి.
Also Read : Mohan Babu : నటుడిగా మోహన్ బాబు 50 ఏళ్ల సినీ ప్రయాణం..
అయితే ఈ సినిమా నేడు విడుదల కావడంతో తన మొదటి సినిమా మొదటి టికెట్ తానే స్వయంగా అమ్మారు. దీనికి సంబందించిన ఓ వీడియో సైతం తన సోషల్ మీడియా వేదికగా షేర్ చేసాడు జబర్దస్త్ కమెడియన్ రాకింగ్ రాకేష్. ఇక ఆ వీడియోలో టికెట్ కౌంటర్ లోకి వెళ్లి తనే స్వయంగా టికెట్ అమ్మారు. టికెట్స్ తీసుకుంటున్న ఆడియన్స్ కి థాంక్స్ తెలిపారు. మరి ఈ సినిమాతో హీరోగా తన మొదటి ప్రయత్నం సక్సెస్ అవుతుందా లేదా చూడాలి.
View this post on Instagram
అయితే ఇటీవల తన KCR సినిమా ప్రీ రిలీజ్ ఈవెంట్ తరువాత కూడా ఆ సినిమా పోస్టర్ స్వయంగా తనే రోడ్లపై అంటించాడు. ఆ వీడియో సైతం నెట్టింట వైరల్ గా మారింది. ఇక ఇప్పటికీ ఈ సినిమాను ప్రమోట్ చేస్తూ చాలా మంది జబర్దస్త్ కమెడియన్స్ వచ్చారు. అలాగే రోజా సైతం ఈ సినిమా ప్రీ రిలీజ్ ఈవెంట్ కి వచ్చింది.
