War 2 teaser : ఎన్టీఆర్ బ‌ర్త్ డే గిఫ్ట్‌.. వార్ 2 టీజర్ వ‌చ్చేసింది.. మైండ్ బ్లోయింగ్..
టాలీవుడ్ యంగ్ టైగర్‌ ఎన్టీఆర్, బాలీవుడ్ హీరో హృతిక్ రోషన్ ప్ర‌ధాన పాత్ర‌లో న‌టిస్తున్న మూవీ వార్ 2.
- Published By: 10TV Digital Team ,Published On : May 20, 2025 / 11:02 AM IST
టాలీవుడ్ యంగ్ టైగర్‌ ఎన్టీఆర్, బాలీవుడ్ హీరో హృతిక్ రోషన్ ప్ర‌ధాన పాత్ర‌లో న‌టిస్తున్న మూవీ వార్ 2. అయాన్ ముఖ‌ర్జీ ద‌ర్శ‌క‌త్వంలో ఈ చిత్రం తెర‌కెక్కుతోంది. కియారా అద్వాణీ క‌థానాయిక‌గా న‌టిస్తున్న ఈ చిత్రాన్ని య‌శ్ రాజ్ ఫిల్మ్స్ నిర్మిస్తోంది. ఎన్టీఆర్, హృతిక్ క‌లిసి న‌టిస్తున్న ఈ మ‌ల్టీస్టార‌ర్ చిత్రం పై అభిమానుల్లో భారీ అంచ‌నాలే ఉన్నాయి. ఆగ‌స్టు 14న ఈ మూవీ ప్ర‌పంచ వ్యాప్తంగా ప్రేక్ష‌కుల ముందుకు రానుంది.
మే 20న ఎన్టీఆర్ పుట్టిన రోజు సంద‌ర్భంగా యంగ్ టైగ‌ర్‌కు ఓ స‌ర్‌ప్రైజ్ ఉంటుంద‌ని స్వ‌యంగా హృతిక్ రోషన్ వెల్ల‌డించిన సంగ‌తి తెలిసిందే. దీంతో ఫ్యాన్స్ అంతా ఎంతో ఆస‌క్తిగా ఎదురుచూస్తుండ‌గా.. తాజాగా వార్ 2 టీజర్ ను విడుద‌ల చేశారు.
Prabhas : తాతగా ప్రభాస్ అదరగొడతాడట!
ఒక నిమిషం 34 సెక‌న్లు ఈ టీజర్ ఉంది. ‘నా క‌ళ్లు నిన్ను ఎప్ప‌టి నుంచో వెంటాడుతున్నాయి క‌బీర్..’ అని ఎన్టీఆర్ వాయిస్ ఓవ‌ర్‌తో టీజర్ ప్రారంభ‌మైంది. యాక్ష‌న్ స‌న్నివేశాలు అదిరిపోయాయి. ఇక ఎన్టీఆర్, హృతిక్ మ‌ధ్య వ‌చ్చే ఫైటింగ్ టీజ‌ర్‌కే హైలెట్ అని చెప్ప‌వ‌చ్చు.
మొత్తంగా టీజర్ ఈ సినిమాపై అంచ‌నాల‌ను పెంచేసింది.
